This allurement is not abandoned to replica rolex accomplish the SIHH event, but a curated on a adventure calm with the associates of replica rolex uk the aggregation aBlogtoWatch attending at the new watches, to accommodated the aloft affluence watch industry replica watches uk executives, as able-bodied as added appearance that will be accomplished in the swiss fake watches advancing weeks.

UNITED KURDISTAN… » پاپۆس.. زینێ و پارچه‌بوونا ڤیانێ

پاپۆس.. زینێ و پارچه‌بوونا ڤیانێ

(د. عارف حیتۆ )


باران هوور هوور

ل روومه‌تێ من دبارى و دیتنه‌كا هار

ل به‌ر به‌ته‌نێ خاڤكرم و بایه‌كێ سار

پێنگاڤ گه‌زتن و سه‌ربۆر, بو هه‌له‌مۆر

دلێ من, نۆلا گوستیركا زیڤینى

سپى سپى …

ل تبلا ته‌ یا ناڤه‌راستا ده‌ستێ راستێ دكره‌ كه‌نى

چووچك جووت جووت, ل ئاسمانێ دوور

پیاسه‌یێن خه‌یالاوى ل به‌ر سیبه‌را ده‌رفه‌تێ دكه‌ن

گونه‌ه كاتا ژ خوه‌ دده‌ن!

سیمه‌رخێن تێر و تفقى, ژسه‌رسۆرمانێ هێكا دكه‌ن

عه‌ڤر, سوحبه‌تێن دارگران و ره‌شبیناوى

بو تیرۆژكێن رۆژێ دكه‌ن و

هه‌ستا من …

به‌لاتینكه‌كا سه‌رخۆشه‌ ل فه‌زایێ بینینا كه‌سك

سترانه‌كا سه‌رمه‌دى یا سه‌راباوى

ژ خولیا په‌لێن ڤه‌مریا یێن ڤى زه‌مه‌نى

كره‌ د تووركێ وه‌غه‌رێدا و دیوارێ ترسێ پێ هونى

دده‌مه‌كێ شێتاویدا, سرووده‌كا به‌هه‌شتاوى

ژبو خۆزى یێن هلاویستى و نه‌په‌ن ژه‌نى

خۆزى, تاكه‌تاك و ئوبه‌ ئوبه‌

دپه‌یڤێن قورسێن چاڤێن زه‌ردا بوونه‌ ره‌نى

عشقێ, كراسێ سۆر ژبه‌ر خوه‌ كر و ل هیڤى یا

بشكورینا چیایێ جۆدى و پێشبینى یێن قه‌ده‌را كه‌چ

دل بو به‌نى …

سپێدێ زوو

ده‌مێ تیرۆژكێن رۆژا گه‌ش ماچى دكره‌ لاما ده‌ریاى

پێلێن ئازراندى و ڤه‌نه‌حه‌ویاى

ب هێڤكرنه‌كا ئه‌خیلى یا مشت ژ كینێ یان ئه‌ڤینێ

گۆته‌ زینێ؛ ئاشتى سه‌یرانه‌كا خۆشه‌ و دابچینێ

ل ڤێ ره‌ڤینێ,

ره‌ڤینا ژ جوانیێ و ئه‌ڤینیێ و شه‌رمینى یا چاڤێن زینێ

چه‌ند ئۆبالێن دى یێن ته‌ییسۆك ب شه‌پلینا من كه‌نین و

پرتێن زینێ ل به‌ر هوڕه‌باى, ژێكڤه‌په‌شین

هیڤى دگه‌وریێدا خه‌تمین

عه‌شقا من یا نه‌په‌ن و مات

ب نافچاڤێن وێڤه‌ ما برین

پاسه‌وان, ب مه‌ حه‌سیان و ژێكدوور كرین

ما دێ چه‌وا ده‌ست ژ ئه‌ڤینا وێ به‌رده‌م و

پرت پرتكرى ل هیڤیا من ماى

من چانتا خوه‌ ژ په‌لێن ئۆمێدێ پر كر و

چرایه‌كێ نه‌ ڤه‌مریێت دا ده‌ستێ خوه‌

دێ برینێن زینێ ڤێده‌م!!

ل به‌ر ده‌رگه‌هێ مزگه‌فته‌كێ, من كوینێ حه‌زێن خوه‌ یێن گه‌رم ڤه‌دا و مامه‌ ل هیڤیا بشكورینا ده‌فته‌ره‌كێ … ناڤێ من دناڤ گونه‌هباراندا نه‌ ده‌ركه‌فت, دناڤ ناڤێن ئه‌ڤینداراندا نه‌ هه‌لكه‌فت, ما تو بێژى من ئه‌ڤینا له‌شه‌كێ بێ گیان كر بیت, یان ئه‌ڤیندارا من مر بیت!
ئه‌ڤه‌ پرتێن له‌شێ زینێ ب ئه‌نیا منڤه‌ مناره‌نه‌, ئه‌ڤه‌ هه‌سپێن من یێن حێنج ب ڤێدانێڤه‌ بێچاره‌نه‌, ئه‌ڤه‌ حه‌زێن فیریایى, ل ئاسمانێ ئۆمێدا كه‌سك كۆلاره‌نه‌, ما تو بێژى؛ رێكا دوور و گولا سۆر و  خه‌ونا مۆر و عشقا كوور هه‌پاره‌نه‌!! نه‌ جه‌هنه‌مێ ده‌رگه‌هێن خوه‌ ل من ڤه‌كرن, نه‌ به‌هه‌شتێ ره‌هێن من ل ناڤ حورى یێن چاڤ كه‌سكدا شینكرن. ما دێ هه‌تا كه‌نگى چاڤه‌رێ بم, ل ناڤه‌راستا ته‌رازوویێ و ل سه‌ر سنوورى دێ بێ رێ بم؟! ده‌نگه‌كێ دلۆڤان و مشتى كۆڤان, وه‌كو مژێ خوه‌ ب سه‌ر سه‌رێ من دادا و گه‌رمییه‌ك ب چاڤێن منڤه‌ رادا… بریاره‌كه‌ و هه‌ڤسارێ وێ به‌رده‌, ته‌ڤ ته‌رازوو یێن ڤى چه‌رخى ل به‌ر پى یێن ته‌ دووباره‌نه‌, دووباره‌نه‌ …

ده‌رگه‌هێ  سوورا قه‌لاتێ نه‌ دائێخه‌
ئه‌ز مۆسامه‌…
جێ ژڤانێ گه‌هینا سپى, ل من به‌رزه‌یه‌
عه‌ڤران, رێكێن بازنه‌یى باراندن
برینێن كول و كه‌واندى ژ گۆڕان هه‌لاندن
خه‌ونێن خۆشێن خه‌وخاندى, ب خوینێڤه‌ گه‌ڤزاندن و
هنده‌ك شتلێن دار زه‌یتوونان ل په‌راڤێ قادش چاندن
ما دا چ بیت, گه‌ر تاكه‌ك بام ب دارا ته‌ڤه‌
یان گولدانا خه‌ربیێ بام دقویچكا ته‌ڤه‌
یان پێپكه‌كێ عه‌رشێ ته‌ بام
یان ده‌زیه‌كێ نه‌ قه‌تیایى بام ب ده‌همه‌نا دیتنا ته‌ڤه‌
ئه‌ز ئه‌زه‌كێ وه‌كو هه‌یى, ب بێهۆده‌یى
ئه‌ڤه‌ عشقا من
ئه‌ڤه‌ دیتنا من
ئه‌ڤه‌ ژانا من
ئه‌ڤ ئۆبال و پێشبینى و خه‌یالا من
ل ژڤانێ هاتنا ته‌ یا گیرۆ به‌یى
ده‌رگه‌هێ خوه‌ نه‌ دائێخه‌
ئه‌ز دزانم …
ل پشت دیوارێن بلند و ئاسێ و گرتى یێن بورجا به‌له‌ك
له‌شه‌كێ گه‌رم
تبلێن زیڤین, ئه‌وێن سپى
سپى سپى و
خه‌یاله‌كا مشتى عه‌شق و خۆشى و ئه‌ڤین
دقافكه‌كێ سۆرگولاندا پێكڤه‌ دژین
ده‌ستێ من یێ گوڕى ژێ دچیت
ب له‌په‌قوتێ ته‌واف دكه‌ته‌ تبلێن ته‌ یێن مشتى ژیان
ئوو
له‌شێ ته‌, ئه‌وێ هه‌مى عه‌شق و ڤیان.
ده‌رگه‌هێ خوه‌ نه‌ دائێخه‌
دێ ژ نه‌فخه‌یا ئاڤى پرسم!!
كا وه‌لاتێ خه‌ونێن دۆتى و كانێ ژڤان
كانێ باران؟! …
كا شینوارێن داخا ماچا و كانێ رێزان
ل بن پیستێ من یه‌سۆع یێ خوه‌ دپه‌رخینیت و
كانێ یه‌زدان؟! …
ده‌نگه‌كێ مشت دلۆڤانى
ژ روحا من ده‌ركه‌فت و فڕى سه‌ربانى
“من تو دڤیاى و دڤێى و دێ ڤێى”
ئوو دێ هه‌ر ڤێى!
له‌ دیوارى ژووره‌كه‌م بپرسه‌
چه‌ند خۆشم ده‌وێى!
له‌ بۆنى جله‌ خامۆشه‌كانم بپرسه‌
چه‌ند خۆشم ده‌وێى!
له‌ گه‌ردى هه‌واى ناو هۆله‌كانم بپرسه‌
چه‌ند خۆشم ده‌وێى!
له‌ هه‌ناسه‌ى سییه‌ ئاوساوه‌كانم بپرسه‌
چه‌ند خۆشم ده‌وێى!
له‌ ووشه‌ى داره‌ قرتاوه‌كانم بپرسه‌
چه‌ند خۆشم ده‌وێى!
له‌ په‌نجه‌ى گه‌رم و ئاگرینه‌كانم بپرسه‌
چه‌ند خۆشم ده‌وێى!
له‌ خۆزگه‌ى سه‌ربڕاوه‌كانم بپرسه‌
چه‌ند خۆشم ده‌وێى!
له‌ ئاوازى گۆرانییه‌ سۆتاوه‌كانم بپرسه‌
چه‌ند خۆشم ده‌وێى!
له‌ چاوه‌روانى ساته‌ سارده‌كانم بپرسه‌
چه‌ند خۆشم ده‌وێى!
من ده‌زانم دێ هه‌ر هێى و
وه‌ك نه‌سته‌له‌ له‌ ناو ده‌مى مندا ده‌توێى.

دسوجده‌گه‌ها رۆژێدا په‌پیكه‌كێ ژارم, دحه‌زره‌تا ماچێن شه‌ڤا دۆژه‌هێدا, پلنگه‌كێ هارم… عشقه‌كا كه‌ڤنارا نه‌په‌ن و حه‌زا دژوار, ژیێ من خوار و سه‌ربۆرا من كره‌ رووبار. ماسییان دهناڤێن مندا سه‌ما كر, ماسیگران به‌ژنا من دووتا كر و عاشقان ب خوینا سۆر پرچا من یا ته‌ر خه‌نا كر … ما ئه‌ز دێ چ كه‌م ئێدى, كو ناچم ده‌ف كه‌سه‌كێ دى, ترسه‌كا دى, خوه‌ هاڤێته‌ سه‌ر ئێكا دى و سه‌ركوتكرن هه‌مى میدى!! ئشتوڤیگۆ یێ جه‌رگ سۆتى, سه‌رێ هه‌ڤسارى دا ده‌ستێ هیرودۆتى و شه‌ڤێ دادا…

ده‌مێ ئه‌لندێ چاڤێن خوه‌ ڤه‌كرین و
رۆژێ كه‌ڤرێن ب پالا چیایڤه‌ ماچكرین
خه‌ونه‌كا خه‌مر, خوه‌ دناڤ خوها خه‌مێدا چاند
عه‌ڤره‌كێ عمباركریێ عه‌مر هه‌وبوویى
بارانه‌كا هێدى و ته‌نا ل پرچا من یا حه‌وێس باراند
ئه‌ز ب بارانێ تافیلبووم
تو… بارانى!
له‌شێ من مشته‌ ژ گونه‌هان
دیدارا ته‌ ته‌عمیدكرنه‌ و غفرانه‌ ژ بارێ من هه‌لاند
هه‌كو تو دهێى, هه‌ستێن من دكه‌ڤنه‌ سه‌مایێ
ئێكۆ ئێكۆ ل به‌ر سها ته‌ خرڤه‌ دبن و
سترانێن ئه‌نكیدۆیى دسترینن
دیتنا ته‌, دچاڤێن مندا رۆناهییه‌ و نووره‌
بهیستن, ئاوازه‌كا په‌ر ڤه‌كرییه‌ و ته‌نبووره‌
بێهنا پرچا ته‌ یا ره‌ش و خه‌ناكرى
به‌خچه‌یه‌كێ ره‌نگینێ مشت گولا سۆره‌
تاما لێڤێن ته‌ گه‌زووه‌ و
له‌مسا ته‌ ژوورا من دكه‌ت په‌رسگه‌ه
ئاییرده‌كێ مشتى پاپۆس و بخووره‌
تورینا من …
بوهژین دعشقا ته‌دا, وه‌ ل من كرییه‌
كو هه‌ر تشتێ من هه‌یى و نه‌ى بو ته‌ بێژم
هه‌مى خه‌مێن ل سه‌رێك كومبوویى ل ده‌ف ته‌ برێژم
دێمێ ته‌ هه‌ستیكه‌ك ڤه‌روچكاندى و هێشتا ته‌ره‌
وه‌ك پشیكێ دئالیسم و مینا شیرخۆره‌كى دمێژم.

ئه‌وه‌ پێم نالێى بو ئه‌وه‌نده‌ نازم لێ ده‌كه‌ى, چاوه‌كانم ده‌له‌رزێنى و خه‌ونه‌كانم ده‌جۆلێنى و هۆشم ده‌به‌ى… لێت دوور كه‌وتم, تۆم نه‌بینى, ئه‌وه‌نده‌ نزیكى له‌شى دره‌خشانت بووم, هه‌ر تۆم نه‌ بینى… من نازانم ئه‌وه‌ خوێنى منه‌ له‌ سه‌ر لێوانت سه‌ما ده‌كه‌ن, یان شه‌رابه‌… ئه‌وه‌ ئاگرى عشقى منه‌ له‌ چاوه‌كانتا راده‌كه‌ن, یان سه‌رابه‌…
ژووانێكم له‌ گه‌ل حزۆرتدا هه‌بوو, بریارێكم له‌ حزۆرتدا هه‌بوو, زۆر شتم هه‌بوو, كه‌چى به‌وصه‌له‌یێكم بو بینینى ئاراسته‌كانت نه‌ بوو… نه‌ ئینجیل لاوانه‌وه‌ى په‌نجه‌ره‌ داخستووه‌كانم ده‌كات و نه‌ قۆرئان, نه‌ سه‌فه‌ر لێتم نزیك ده‌كات و نه‌ نوو په‌یمان… چیرۆكێكم هه‌یه‌, پره‌ له‌ عه‌شق و ڤیان, ڤیان له‌ ناو ده‌ستى بێ سه‌ربۆرى مندا مه‌یى, عه‌رشى خوا له‌ خه‌فه‌تى جوانییه‌كه‌ى تۆدا به‌یى…
زینى زیزى زه‌رده‌كه‌م؛ كه‌ تۆ هه‌یى, خوا هاوار ده‌كا ئۆخه‌ى!… گه‌ر تو نه‌بى, ده‌بوا هه‌بى… گه‌ر نه‌ بوویا, ئه‌من به‌ كێ بلێم ره‌بى..!!

دوهى ب شه‌ڤێ چاڤه‌رێ بووم
ده‌رێ ناخێ من ڤه‌كه‌ى و هیڤییه‌كێ بكه‌یه‌ كوارێ
ته‌ڤ فریشته‌ هاتنه‌ خوارێ, ژبو ئینانا بوهارێ
ل كوژیه‌كێ ژوورا من یا ته‌زى متبوون
چیرۆكێن عشق و ڤیانێ دده‌ستێ مندا ره‌پبوون
په‌یڤ ژ ئاسمانان خریان و بوونه‌ باران
هیڤییه‌كا كه‌سك من هه‌بوو, دسینگێ ته‌دا ببوهوژم
دیتنه‌كا ب ئه‌شك من هه‌بوو, دچاڤێن ته‌دا برژم
هیڤى, به‌لگه‌كێ زه‌رێ پاییزى بوو
ژداره‌كا شین و مشت خۆشى وه‌رى
دیتن, چووچكه‌كا بێ گونه‌ها بوهارى بوو
دده‌مه‌كێ سه‌رخۆشیێدا, هه‌لوه‌سه‌كێ ژنشكاڤه‌ بر
هه‌ر ل هادر, قه‌شاندن گه‌واهر و در
چاڤه‌رێیا من یا هێشتا ساڤا و شر
ل به‌ر ده‌رازینكا حه‌زه‌كا گه‌رم و خر, مر
ما تو خه‌ونى, یان ژى كه‌ونى؟!
دپاپۆسێدا دحه‌لیێم
سترانا هاتنه‌ڤێ دبێم
مه‌شكا خه‌ریبییه‌كا كوور و نزا یێ دكێم
ئه‌گه‌ر هات و ئه‌ڤجاره‌ ژى, وه‌كو هه‌ر جار گیرۆ ببم
باوه‌ر بكه‌, دێ ڤه‌گه‌ریێم و دێ هه‌ر هێم
ل به‌ر پێپكێ عه‌رشێ مه‌زن, ژ نووڤه‌ دێ زێم
.

1,077 Comments to “پاپۆس.. زینێ و پارچه‌بوونا ڤیانێ”

  1. My husband and i got very fulfilled Ervin could conclude his analysis because of the precious recommendations he discovered while using the site. It is now and again perplexing to simply possibly be releasing ideas which often others have been selling. We keep in mind we now have you to give thanks to for this. Those illustrations you made, the simple blog navigation, the relationships your site help to foster – it is everything fabulous, and it’s really making our son in addition to our family recognize that this subject is excellent, which is quite important. Many thanks for the whole lot!

  2. I in addition to my pals have already been analyzing the great procedures from your web blog while all of a sudden got a terrible feeling I had not thanked the website owner for those secrets. Most of the ladies came as a result glad to study all of them and have in effect quite simply been using them. Appreciate your actually being indeed accommodating as well as for picking some wonderful tips millions of individuals are really eager to understand about. My personal honest regret for not expressing gratitude to sooner.

1 214 215 216

Leave your Comment

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Blue Taste Theme created by Jabox
Content Protected Using Blog Protector Plugin By: Make Money.