مەزنترین خاپاندن ژلایێ سولتان ئوردوگانی ڤە ل سەر مللەتێن دەڤەرێ” کورد و عەرەب و تورکا

مەزنترین خاپاندن ژلایێ سولتان ئوردوگانی ڤە  ل سەر مللەتێن دەڤەرێ”  کورد و عەرەب و تورکا”

    ئوردوگانی ب ناڤێ بوسولمانەتیێ گەلەک خەلک خاپاندینە هەر ژ تورکان و کوردان بگرە هەتا گەلەک وەلاتێن عەرەبی ب ناڤێ ئولی خاپاندینە.  عەرەب:  ئوردوگانی دڤێت خوە بکەت سەرکردەکێ عەرەبان بناڤێ بوسولمانان و بەرەڤانیێ ژ بوسولمانان دکەت و هەروەسا ب دژواری هێرشان دکەت سەر ئیسرائیلێ ژ سەرڤە بەس نەژدل.  دڤێت خەلکێ بوسولمان بتایبەتێ عەرەب  پشتەڤانیا وی بکەن دا ل پاشەروژێ ببیت سولتانەکێ مەزن ل دەڤەرێ دا پتر هێزا تورکیا ل سەر دەڤەرێ زال کەت و بهێز بێخیت.  هەرچەندە گەلەک وەلاتێن عەرەبی ڤێ چەندێ دزانن و ب دژواری بەسسڤا وی ددەن وەکی مسرێ و سعودیێ.  باش دزانن تورکیا ئێکەمین وەلات بو پشتەڤانیا خوە بو ئیسرائیلێ دیارکری و کەسەک نە ئول پەرستە، ل تورکیا جهێن ڤەخارنا مەیێ و مەلها و گەلەک تشتێن بدژی ئولێ بوسولمانا دمشەنەود سەربەستن. ژ بەرڤان ئەگەران خەلکێ عەرەب پتر دهشیارن باوەر ژێ ناکەن ب دژی رادوەستن.  چونکی ئەو باش دزانن جارەکا دی تورکیا دەستێ خوە دانیت سەر وەلاتێن عەرەبی ب ساناهی بەرنادەن

ئوردوگانێ گەلەک مفا ژڤێ دەرفەتێ دیتینە بکارئینانا ئولی بو بەرژەوەندیێن خوە، گەلەک ب دژی کوردانە ب ناڤێ ئولێ بوسولمانەتیێ گەلەک خەلک دسەردا برینە و کورد کرینە دو بەش. بەشەک دگەل سولتانی نە ب هێزو شیانێن خوە پشتەڤانیا ئوردوگانی دکەن قەد نزانن ئەڤە تومکە هەتا بەرپێن وی خوەش دبن وەکی نەژاد پەرستێن تورک دێ فەرمانا کوردا راکەن بو وان کورد هەر کوردە چ جوداهی نینە دناڤبەرا واندا.  گەلەک نمونە هەنە ڤێ چەندێ پشتراست دکەن.  دەما رفراندومێ، تورکیا ب هەمی هێزا خوە ب دژی رفراندومێ رابو نەگوت ئەڤە رفراندوما کوردێن باشورە هەڤالێن منن.  بەلێ ب دژواری دژاتیا کوردان کر نەخاسمە یا بارزانی کر. بارزانی دانا نە شارەزا و گوتی دێ چکەت چ رێ نینن هەمی رێ مە لێ گرتینە. دگەل عێراقی پەیمان گرێدان ب دژی کوردان و ب دژی رفراندومێ. خالەک دی،  ‌هێرشین عەسمانی لسەر دەڤەرێ بدژی پەکەکێ پتر خەلکێ سڤیل دکەت ئامانج بو تورکیا کورد هەر کوردە دڤێت رێژا وان کێم کەت ل دەڤەرێ. د هندەک مژارێن ئەمریکیدا دەست نیشان دکەن، تورکیا دڤێت رێژا کوردان کێم کەت وەکی ئەرمەنیا چونکی رێژا کوردان بەرەف زێدەبون دچیت و دبیت ئەگەرا هندێ کو نەتەوێ تورک ببیت کەمینە د ناڤ تورکیادا. خالا گرنگ ئەو بو دەما پشتەڤانیا داعشان دکر نەدگوت داعشا هێرشێ بکەن چ گروپ بێگەمان ل جەم وی کورد هەمی وەک یەک بون بەس دڤا رێژا وان کێم کەت بزاڤێن نەتەوی نەهێلیت ئاخا وان بندەستکەت. ژبەر هندێ هێرش دکرن سەر روژئاڤاو باشور وەک ئێک.  ژبەر ڤان ئەگەران تورکیا دڤێت ب هەر رێکەکێ کوردان کێم کەت ب کوشتنێ و هەر گروپەکی بکەت دوژمنێ ئێک دی. هەروەسا گروپێن کوردی دگەل خەلکەکێ بەرچاڤ ڤان راستیا دزانن و ب هەمی شیانێن خوە بەرەڤانیێ ژ مافێن خوە دکەن ب دژێ ئودوگانی رادوەستن ب هەر رێکەکێ راستیان بەرچاڤ دکەن. ل ڤێرێ ب مخابنیڤە هێشتا گروپ هەنە پشتەڤانێن مەزنترین دوژمنێ گەلێ کورد ئەردوگانی نە. 

نەبەس دوژمنێن خو دخاپینیت بەلکی خەلکێ تورکیا ژی دخاپینیت.  هاریکاریا داعشان دکەت بو نەهێلانا کوردان هەر دویدەمیدا بازرگانیێ دگەل داعشا دکەت پارەکێ زێدە و بو خوەو مالباتا خوە کون دکەت.  بناڤێ شەرێ پەکەکێ دڤێت بمینیت سەروکێ تورکیا بو دەمەکێ درێژ ببیت دکتاتور. بەلێ روژ بو روژێ تورکیا بەرەف قەیرانا دبەت ژ بەر بەرژەوەندیێن خوە بناڤێ ب هێزکرنا دەولەتا تورکیا، نەهێلانا پەکەکێ و داخازا داگیرکرنا جهێن کوردان و عەرەبان.  ل ڤێ دوماهیێ گەلەک تورک گهەشتنە راستیەکا بەرچاڤ، ئەوژی ئەردوگان مللەتێ تورکیا د خاپینن و تورکیا بەرەف قەیرانا دبەت و کوردان و تورکان دکەت دوژمنێن هەڤدو.