دەڤەرا ئارام لبن چاڤدێریا هێزێن نیڤدەولەتی دێ تورکیا و هێزێن کوردی ژێک جوداکەن


بەرپرسەکێ ئەمریکی جێمس جەفری گوت: یەپەگە نەیا دەستویر دایە بهێت دەڤەرا ئارام پشکداریێ دگەل هێزێن هەڤپەیمانا بکەت. ئەڤ دەڤەرا ئارام دێ دناڤبەرا کوردان و تورکیا دا بن ل سەر توخیبێ تورکیا ژبەر تورکیا گەلەک پێ ناخوشە، چونکی وەسا هزردکەت یەپەگە یا گرێدایە ب پەکەکێ ڤە ئەڤەژی مەترسیە ل سەر ئارامیا تورکیا.

هەر وی بەرپرسێ ئەمریکی جێمس جەفری گوت: ئەم ناخازین کەسەک  ب چ رێکا هەڤپەیمانێن مە “کوردان” سەردەریەکا نەدروست دگەل بکەن. ژبەر هندێ ئەم یێ ل چارەکێ دگەرهین بو هەمیان باش بیت. بەلێ هەر دوی دەمیدا ڤی بەرپرسێ ئەمریکی جێمس جەفری گوت ئەم گەلەک هێزێن خوە ناهێلین ل سوریایێ و ئامانجا مەیا سەرەکی ئەوە ئەم داعش ژبن ببەین نە چاڤدێریا دەڤەا ئارام بکەین.

 تورکیا گەلەک دخازیت بتنێ چاڤدێرا دەڤەرا ئارام بکەت دا وەکێ ئەفرینی دیموگرافیا وێرێ بگهوریت. ئەڤە نێزیکی چەند مەهایە سەرکردێن کوردا  و کۆمێن چاڤدێرێن کورد ل دژی ئەنقەرە ئەو کارێن ل ئه‌فرینێ ئەنجامداین دیموگرافیا دەڤەرێ گوهارتیە. ل مەها چارێ ٢٠١٨ هێزێن تورکیا دگەل ئوبوپسزیونا سوریێ پێک هاتیە ژ گروپێن توندرەو هێرش برە سەر عەفرینێ پشتی بەرەڤانیەکا دژوار تورکیا کونترولا عەفرینێ کر.  هەر دەملدەست دیموگرافیا دەڤەرێ گهوری عەرەب و تورک ل عەفرینێ ئاکنجی کرن. تورکیا هەر ب ئەنجامدانا هێرشان دکەت سەر روژئاڤا بو نەهێلانا یەپەگێ، بەلێ یا خویایە تورکیا نەڤێت چ دەڤەر لبن کونترولا هێزێن کوردیڤەبن وەکی باشورێ کوردستانێ.