ئه‌قلێ كوردى وێراندبيتن، ئه‌نفال دبيتن، دهێتن زه‌غل كرن…!ا

مه‌ كوردا بێ سنور قوربانى دان، خوين رشت، ده‌ربه‌ده‌رى و خولى سه‌رى ديتن، تالان و ئه‌نفال و كيميا باران ديتن، ئيختصاب و ژێبرن..گرتن و زيندان، به‌رزه‌بوون و ئاواره‌بوون، خه‌بات و به‌رخوه‌دان…هه‌مى بو روژه‌كێ، بوده‌ستهه‌لاته‌كێ، بو ئاخه‌كا رزگاركرى، بو مروڤه‌كێ ئازاد و مافدار، بو هزره‌كا خومالى و ئه‌قله‌كێ ئه‌قلمه‌ندى…..ئه‌ڤروكه‌ ئه‌وه‌ هه‌مى بده‌ستهاتن، وه‌لات كوردستانه‌، مروڤ كورد و كوردستانيه‌، ده‌ستهه‌لات بناڤ كورد و كوردستانينه‌، مه‌ گوت رزگار و ئازاد بوين، بوينه‌ خودان ده‌ستهه‌لاتا خوه‌…به‌لێ رزگارى بچ ره‌نگ و شێوه‌بو! ئازادى و سه‌رخوه‌بوون دچ ده‌ستودار دايه‌! چ ده‌ستهه‌لات و ده‌ستهه‌لاتدارى مه‌ وه‌رگرت! چ ماف و مافداريه‌ك مه‌ بده‌ستخستيه‌!ا

گه‌لا ته‌ماشابكه‌…بهزرورامان بير بكه‌…ئه‌قلداريا خوه‌ بكاربينه‌…مه‌سترين شاعرێ كوردى! مه‌سترين كه‌سايه‌تيێ كوردى! ژمه‌سترين بنه‌مالا كوردى! مه‌سترين بيرمه‌ند و هزرمه‌ندێ كوردى! مه‌سترين خه‌باتگێر و شوره‌شگێرێ كوردى! چ داخاز دكه‌تن! چ هيڤى هه‌نه‌! خوزيا وى، ئه‌وه‌ ببيت نچ گناوه‌ره‌ك!ا

خوزگه‌ من صه‌ك بامه‌! توژى دهێلبايه‌!…به‌لێ هيڤى دكه‌تن، سه‌يه‌كێ نێر بيتن و هه‌ڤالاوى ژى دێهله‌ سه‌بيتن!ا

بوچى! بو ئازاديا خوه‌! بو ژيانا خوه‌! بو جووت بونا خوه‌! دا بكارن لهه‌ر جهێ وارێ خوه‌ بژين! خونێزيكى سه‌ربرى(قه‌صاى)بكه‌ن، دا بكه‌يفا خوه‌ هه‌ستيكا بكوژن و به‌رمايكێ گوشتى بخون! بئازادى و هه‌ستا خوه‌يا جوان كويچكێن خوه‌ بينين دونيايێ! پێكڤه‌ ياريا ببكه‌ن و بره‌قسن و كه‌يف و حه‌نه‌كا ب ئاره‌زويا خوه‌ بكه‌ن…!!ا

دا ژڤێ، ده‌ستهه‌لاتا بێ ناڤ و بێ ئه‌رناڤ قورتال بن! دا ژ باج و تاپويێ قورتال بن! دا ژ دابه‌شكرنا پارچێن ئه‌ردى، يێن تژى سه‌خته‌كارى و ره‌شوه‌ خلاس ببن! دا ژ خانى و شوقه‌يێن بكرێ، بێ ئاڤ و بێ كه‌هره‌ب، بێ باج ديسان خلاس بن! دانه‌ بن كويله‌ و كرێ گرتيێن پارتيێن كوردى! سه‌رباز و پێشمه‌رگاتيێ بو به‌ريكێن مروڤێن بێ تام و بێ ناڤ نه‌كه‌ن! دا ژ گوهنێلا مروڤێن گناوه‌ر قورتال ببن!!ا

دا ل ديوانێن زمان درێژ و مه‌دحه‌كه‌ر و دزوتالانچى و كوله‌يێن تورك و فارس و عه‌ره‌بان نه‌روينن! دا ژ كوله‌تيا(هاوولاتيبونا)وێ ده‌ستهه‌لاتا جاش قوروجيا ده‌ستهه‌لاتا ئه‌قليمى قورتال بن…!!ا

ده‌ى گه‌لا پرێزا خوه‌ باش ببينه‌! باش هزر و رامانا خوه‌ بده‌ كارى! مێرانيا خوه‌ بكه‌ ناڤا جه‌سته‌يێ خوه‌! پێداچونه‌كا وژدانى بكه‌ ل سه‌ر…سه‌د سالێن خه‌باتا سياسى! حه‌فتێ سال شوره‌ش و كوشتن و مال وێرانى! بيست و نه‌هسال ده‌ستهه‌لاتا بناڤ خومالى….به‌رئه‌نجام مروڤێ كورد! مروڤێ كوردستانى! مه‌سترين كه‌سايه‌تى! هيڤى و داخازى و هه‌مى ئومێدا وى ببيتن ئه‌و! ل سه‌ر وى به‌رئه‌نجامى كوك بيتن…ژنوى ببيتن صه‌! خوشتڤيا وى دێهله‌ صه‌ بيتن! ئاى تاكێ كورد و كوردستانى بزانه‌ تو لناڤا چ ده‌ردوبه‌لايێ دا دژى! چ هه‌ره‌شه‌ ل سه‌ر ته‌هه‌نه‌! چ وێرانكارى لپێشيا ته‌دانه‌! ئه‌قلێ ته‌ تاكو چ قياس هاتيه‌ وێران كرن! ل سه‌ر ته‌ ئه‌نفاله‌، تالانه‌، وێران دبى….مه‌جلسا وان، دانيشتڤانێن كورێ شعرى…مالا منێ تريقێنا وان و كه‌نيه‌…بخو دكه‌ن..بهه‌ستێن ته‌ ياريا دكه‌ن..باشه‌ تو چى كوردا..بو خودانيێ لخوه‌ ناكه‌ى…مادێ خودێ ته‌عالا به‌س بته‌ڤه‌ بيتن! يانى خودايێ مه‌زن كار و كوكێ وى دێ به‌س توبى! ئێدێ به‌سه‌! ولاهى ته‌ هه‌تشت بخوه‌ڤه‌ ماندى و حه‌يرى كرن! باشه‌ تو به‌شه‌ره‌كێ بێ كه‌لك بوى، تو كريه‌ مروڤ! ئه‌قل و هش و هزر دانه‌ ته‌! له‌ش و ده‌ست و پێ دانه‌ ته‌! هه‌مى هه‌ستوه‌ر و ئه‌ندامێن ته‌مام يێن له‌شى دانه‌ ته‌! رێكا باشى و خرابيێ ژى وه‌كى چاڤێ رۆژێ لبه‌رته‌ زه‌لال كر! ديار و بروناهى ئێخست! تو دانايه‌ سه‌ر پيا و هه‌مى پێتڤيێ ژيانێ دانه‌ ته‌!ا

ئێدى به‌سه‌..!! بلا كه‌سايه‌تيا ته‌ بو ته‌ بيتن! ئه‌و وه‌لاتێ ژين و ڤين دايه‌ ته،‌ بو وى ژى كاره‌كى بكه‌! مافێ خودايێ خوه‌ ژى پيچه‌كێ ئه‌دا بكه‌! گوهداريا خوه‌دايێ خوه‌ بكه‌! باشه‌ ئه‌ڤ ده‌ستهه‌لاتدارێن فاسد و مفسد، ئه‌و ژى وه‌كى ته‌نه‌، هه‌ر تشتێ وان هه‌ى ته‌ژى هه‌يه‌، دێ به‌سه‌ جاره‌كێ مێرانيا خوه‌ بكار بينه‌! وێره‌كيه‌كێ بده‌خوه‌! بتنێ نه‌چه‌ به‌ر ده‌رگه‌هێ وان! قويتێ عه‌يالێ خوه‌ نه‌كه‌ ده‌ڤێ وان! ده‌ست ژ جاشكاتيا وان به‌رده‌..!!ا

ئه‌گه‌ر تو پێشمه‌رگه‌ى، پێشمه‌رگێ خوه‌ و ئاخا خوه‌ به‌! ئه‌گه‌ر تو چه‌ته‌ى ژى، ديسان چه‌ته‌يێ خوه‌ و ئاخا خوه‌به‌! ئه‌گه‌ر توخولام و كويله‌يى ژى، خولامى كولاتيا خوه‌ بكه‌!ا

كه‌دا خوه‌ ببه‌ مالا خوه‌! پاريێ ده‌ڤێ خوه‌ نه‌ده‌ ده‌ستێ به‌رپرسيار و ده‌ستهه‌لاتدارێ بێ ناڤ و بێ ئه‌رناڤ…!!ا

تو ئازاد هاتيه‌ دونيايێ، خودانيێ لئازاديى و ژيانا خوه‌ بكه‌! ئازاديخوه‌ بو خوه‌ بكار بينه‌! كار و كوكێ خوه‌، بو خوه‌ و بو وه‌لاتێ خوه‌ بكه‌! مانا ته‌، يا ته‌يه‌ و مرنا ته‌ژى ديسان ياته‌يه‌…ئه‌ڤجارێ مان و مرنا خوه‌ بو خوه‌ بهێله‌! خودانيێ لمال و مالباتا خوه‌ بكه‌! بو خوه‌ بژى و بو ئاخو و بو مللته‌تێ خوه‌ بژى! هه‌كه‌ر مرى ژى، ديسان مرنا ته‌، بلا بوته‌ و بو مالبات و بو وه‌لات و بو گه‌لێ ته‌ بيتن..!!ا

ئه‌گه‌ر ته‌ سه‌ركه‌ڤتن دڤێتن، سه‌ر كه‌ڤتن دڤێ دايه‌!ا

ئه‌گه‌ر ته‌ سه‌ر فرازى ژى دڤێتن، ديسان سه‌رفرازى ژى هه‌ر دڤێ دايه‌!ا

ئه‌گه‌ر ته‌ ژين و مان ژى دڤێتن، ديسانێ هه‌ر ئه‌ڤه‌يه‌ هێڤێنێ ژين و مانێ!ا

ئه‌گه‌ر ته‌ مرنا برويمه‌ت دڤێتن…ته‌ شه‌هاده‌تا راست و دروست دڤێتن، ديسان رويمه‌تى و شه‌هاده‌تا تژى سه‌روه‌رى.. ديسان هه‌ر دڤێدايه‌ !ا

گه‌لا كه‌ل بژى…دا بسه‌ربه‌ت و شانازى بژى و بمرى…!!ا

        اكرم خالد عبدالكريم/سيد اكرم/دهوك

              20 / 4 /2019