ئەحمد بالایی/ خەلەکا سیێ
ئەگەر پرس بکەن گەلو چما وی دەمی تنێ شێخ ودەرەبەگ
وبنەمالێن ئولی وعەشیری ب وان بزاڤێن چەکداری رادبون؟ ۱ـ نە ئەو ژخەلکێ سادە دکوردپەروەر و وەلاتپارێزتربوون، یان دلسۆز وخەمخۆرتر،بوون، لێ ژبەرکو وی سەردەمی هەر شێخ و دەرەبەگ وئاغایەک خۆدان چەندین گوند و باژێر بوویە، ژێدەرێن ئابووری وهێزا چەکداری د دەست واندا بوویە،خەلکێ دەڤەرێ وعەشیرێن وان هەمی سەپانێن وان بوونە و دخزمەتا واندابوون، بەرهەمێ دەخل ودانی،تەرش وگارانا، جوت وکێلی هەمێ بو وان بوویە، بدەهان وهزاران کەس مرید ودەروێش ولایەنگرێن وان بوونە، بسەدان چەکدار و خۆ گورێکەر هەبوونە، ژبەر وێ ئێکێ ئەو بڤان بزاڤێن چەکداری رادبوون.
۲ـ دوژمن وداگیرکەران وکەڤنەپەرستاجیهانێ گەلێ کورد ب وان مالبات وکەسایەتیێن ئاینی وخێلەکی ناسدکرن کو گەلێ کورد بگشتی لژێر گڤاشتن وباندورا شێخ و دەرەبەگاندابوون ئەو بسوناهی ب پۆست و پلە وپارا دهاتن خاپاندن بازرگانی بنرخێن گەل دکرن..
وی سەردەمی مرۆڤێن بسپۆر و زانا، رەوشەنبیر وخۆدان هەستێن نەتەوەیی زۆر دکێمبوون دناڤ جڤاکا کوردی دا، لەوما دوژمن وداگیرکەران هەول وبزاڤدکرن کو چ جاران کورد نەبنە ئێک هێز وئێک هەلویست ئەگەر دێ بیتە مەترسی لسەر دەستهەلاتداریا وان، کوردژی هەیا رادەکێ بوونە داردەستێن داگیرکەران و مالا خوە ب دەست خوە کاڤل و وێراندکرن. لەوما هەلبەستڤانێ مەزن خانیێ نەمر دبێژیت:
( ئەڤ عەەب وعەجەم بوان حەسارن کورمانج هەمی ل چار کنارن، هەردووتەرەفان قەبیلێ کورمانج بو تیرێ قەزا کریە ئارمانج). کورد پڕجاران بوونە تیرێ ژەهرێ لدژی ئێکدو بکار ئێنایە ودوژمن وداگیرکەڕان هەرتم بخوە مفا ژخەیانەتا کوردا وەرگرتیە وهەیا نهاژی ئەو حیزبێن خوە ب حیزبێن دیموکراسی وسوشیال دیموکراسی ولیبرالی وسیکولار و ئاینی هەر لسەر وێ کەڤنەشۆپیێ دمەشن، لەوما نیڤاخاکا کودستانێ لباشوور لگەل کەرکۆک د دەست هێزێن داگیڕکەر دایە ژبەر ناکۆکی وبێ تفاڤیا ناف مالا کوردی، رۆژانە ئیران، تورکیا وحەشدا شەعەبی هێرشان دکەنە سەرجهێن خەلکێ سڤیل وبێ تاوان وهەمی حیزب ورێخستن وحکوومەتا هەرێما کوردستانێ دبێ دەنگن لهەمبەر وان هێرشێن هوڤانە هایا وان ژئێش وئازارێن گەل نینە. Colorfu
