بوچی دڤێت هێزین تورکیا ژ کوردستانێ دەرکەڤن؟ نوکە باشترین دەمە

ئەگەر هێزێن تورکیا ئاشتی و تەناهی ئینابا دەڤەرێ و هاریکاریا خەلکێ هەژار کربا وەکی هێزێن دەولەتێن ئێکگرتی. چ زیان نە گەهاندبانە خەلکێ دەڤەری، بەلکی خەلکێ دەڤەرێ هند پێنەخوش نەدبون وەکی نوکە پشتی دلێ دەهان دەیکو بابا سوتی، کەسێن بێ گونەها ژیانا خوە ژ دەست دای، گەلەک زەڤیێن خەلکی شەوتاندین و ترس ئێخستی دلێ خەلکێ کوردستانێ . پشتی زیانەکا مەزن گەهاندی خەلکێ دەڤەرێ هەتا بەر دەست و پێن وان بەرتەنگ کرین. هەتا وی رادەی خەلک نەدشیا ژ مالێن خوە ب ئارامی دەرکەڤن. وەسا خویا دبیت ل جەم خەلکێ دەڤەرێ، هێزێن تورکیا ژ خرابیێ زێدەتر بەکریە وچ باشی یا بەرچاڤ نینە! هەروەسا دێ هەرچن چونکی هێزەکا داگیرکەرە دڤێت ژ دەڤەرێ بارکەت.  باشترین دەم نوکەیە بەلکی کوشتن و ترس ل سەرخەلکێ دەڤەرێ ب دوماهی بێت یان هەر چنە کێمتر لێ بێت. چونکی وەسا دیارە خەلکی هەدار نەما دڤێت ب هەر رێکەکێ چارەسەریەکێ ببینن. هەر چەندە خەلکێ دەڤەرێ ب ماوەیەکێ درێژ بێدەنگی هەلبژارت بەلێ چ مفا ژێ وەرنەگرت ژبلی خرابیێ ژ دەستێ هێزێن تورکی چ ب فروکێن جەنگی چ ب بومبەبارانکنا دەڤەرێ ژ لایێ ئارتێشا تورک یا ل دەڤەرێ. نوکە خەلکێ دەڤەرێ دڤێن ب هەرشێوەکی ڤان هێرشان بدوماهی بینن. ب ڤی دەست و داری، پتر خوین دێ هێتە رێتن روژ بو روژێ دێ بەرف پاشەروژەکا خرابتر دچیت.  ئەم ژ بیر نەکەین جهێ تورکیا دەستێ خوەدانا سەر زوی وی جهی بەرنادەت.  بدیتنا من نوکە باشترین دەلیڤەیە هێزێن تورکیا ژ دەڤەرێ ڤەکێشن خەلکێ مەژی تەنا ببیت ژ ڤان هێرشان.  پێنگاڤا دی هەردو حکومەتێن کوردستانی و عێراقی بکارێ خوە رابن هێرشێن تورکیا شەهمەزارکەن و ب چ رەنگەکی رێکێ نەدەنێ و توخیبێن عێراقی نەبەزینن. جارەکا دی خەلکێ دەڤەرێ ب ئاشتیانە بژین.  گەلێ کورد ئاشتی هەلبژارتیە دڤێت ب ئاشتیانە بژین. al”,sans-serif