ئەحمەد بالایی خەلەکا دوویێ
وەک دهێتە زانین هەر ل دەستپێکا چەرخێ بیستێ وهرڤە چەندین بزاڤ وتەڤگەرێن چەکداری لسەر دەست شێخ وملا و دەرەبەگ وبنەمالێن کوردان سەرهلدانە لدژی ئیمپراتوریەتا ئوسمانی وسەفەوی وکەڤنەپرستاجیهانی و رژێما ئەتاتورکی وشاهێ ئیرانێ ودەستهەلاتداریا شاهاتیێ ورژێمێن ئێراقێ ئێک لدیف ئێکێ، لگور هێز وشیانێن خوە بەرخۆدایە وکەتن قاداخەباتێ دابەرگریێ لخاک وناسنا ماخوەیا نەتەوەیی ومرۆڤایەتیێ بکەن. لێ ژبەر نەبوونا بەرنامەک سیاسی وسیستەمەک ئابووری وسەربخوە ونەئێک رێزیا ناڤ مالا کوردی، هەر زوو ئەو بزاڤێن چەکداری دهەرێمەک بەرتەنگدا دهاتن دورپێچکرن و ژناڤچوون. سەدەم ژی هەر ڤەدگەریت وێ ئێکێ کو پرانیا وان بزاڤ و بەرخۆدانێن کوردان نە لسەر بنگەهەک بیر وباوەری وهشمەندیێ هاتبوونە دامەزراندن، بەلکو هژمارەک ژ وان بزاڤێن چەکداری لدژی رژێمێن سەر دەست د دەمل دەستبوون وژنشکەکێ ڤە پەیدادبوون، پتریا وان ژسەدەما زۆلم وستەم وبن پێکرنامافێ گەلێ کوردبوویە، لەوما بنەچاری لدژی هێزێن سەردەست چەک پەیووادکرن و بەرخۆدان دکرن ل کوردستانێ. وان دخاست تول وحەیفا خوەژوان هێزێن داگیرکەرهەلینن وخوه ژدەست وان قورتال بکەن، لێ هەر بزاڤ و بەرخۆدانەکا کوردان تنێ بەرگری ژ دەڤەرێن خوەکریە، نە لسەربنگەهەک بیر وباوەران بوویە، پڕانیا وان دبێ رێخستن و بەرنامە بوونە، هەستا نەتەوەیی زۆر یاکز و یالاواز بوویە لنک وان، کورد ژلایێ داگیرکەران ڤە هاتبوونە ژێک دزین و پرت و بەلاڤکرن دا کورد ئێک نەگرن، دا نەبنە خۆدان هێزەک خۆرت وئێکگرتی کو ب بنە مەترسی لسەر دەستهەلاتداریا وان. لێ وی سەردەمی پڕانیا شێخ وئاغا ودەرەبەگێن کورد ب بوونە پشتەڤانێن دوژمنابوون لدژی بزاڤێن کوردی، هەرچەندە کو بزاڤێن چەکداری ژی هەر بسەرکێشی ورێبەریا شێخ ومەلا وئاغا عەشیران ودەرەبەگێن کوردان بوویە، دکەتن ژێر باندۆرا سیاسەتا رژێمێن سەردەست ناکۆکی دناڤ چین وتەحێن جڤاکێدا نە دکرن ژبو بەرژوەندیێن خوە بکردئینان، ژبەرکو کەسێن سیاسی وئەکادیمی ورەوشەنبیرێن شۆڕەشگێردکێم بوون یان هەر نەبوون لەوما د دەمەک زوودا ئەوتەڤگەر وبزاڤێن کوردان لنیڤا رێ دخەتمین و هیڤیێن وان بجهـ نەهاتنە، ژبەرکو هەر بزاڤ و تەڤگەرەک بێ رێخستن وپەیرەو وپرۆگرام دێ یا بێ نرخ و بەرهەم بیت. U3
