هه‌ڤركيێن ئيران و ئه‌مريكا ياريه‌كا سياسيه يان شه‌ره‌كێ بێ ناڤبر دێ قه‌وميتن…!!٠
ئيران و ئه‌مريكا دوو وه‌لاتن، چ سنورێن هه‌ڤپشك نينن، دويراتيه‌كا زور هه‌يه لناڤبه‌را وان، هه‌رئێك دكه‌ڤيتن كيشوه‌ره‌كێ، ژيێك دوو د جودانه(ئيران وه‌لاته‌كێ ئاسياويه و ئه‌مريكا ژى دناڤا كيشوه‌رێ ئه‌مريكا دا دژيتن)، ئيران وه‌لاته‌كێ ئيسلامييێ مه‌زهه‌ب شيعيه، ئه‌مريكا وه‌لاته‌كێ مه‌سيحيه، دوو وه‌لاتن، هه‌رئێك ل گوره‌ى كيشوه‌رێ خوه، وه‌لاتێن مه‌زنن چ ژئاليێ هێزا مروڤى يان هێزا ئابورى، ئه‌مريكا ل گوره‌ى ئيرانێ، وه‌لاته‌كێ نويه(نه‌يێ كه‌ڤناره)، لێ ئيران وه‌لاته‌كێ كه‌ڤناره، خودان شارتانيه‌ته‌كا كه‌ڤناره، ئيران سه‌ركێشيا ئيسلاما شيعى دكه‌تن، ئه‌مريكا سه‌ركێشيا جيهانێ دكه‌تن، ئه‌ڤ هه‌ردوو وه‌لاته به‌رژه‌وه‌نديێن وان، يێن هه‌ڤپشك هه‌نه و ل سه‌رده‌مێ شاهنشاهيه‌تا(محمد ره‌زا په‌هله‌وى) به‌رژه‌وه‌ندى و هه‌ڤپه‌يمانيه‌كا موكوم دگه‌لك دا هه‌بويه، پشتى خومه‌ينى(مه‌لالى) هاتينه سه‌ر حوكمى ل ئيرانێ، په‌يوه‌نديێن وان گه‌له‌ك تێكچوون و نه‌خاسم پشتى ئيرانێ ئه‌ندانێن سه‌فاره‌تا ئه‌مريكى، وه‌كى ره‌هينه ل ده‌ڤ خوه گرتين، دبيتن دان و ستاندنێن بنڤه‌يى، ده‌م بو ده‌مى ل ناڤبه‌ر وان دا هاتبنه كرن، لێ ئه‌وا ئاشكرا روژ بو روژێ په‌يوه‌نديێن وان ئالوزى تێ دكه‌ڤيتن، نه‌خاسم پشتى سه‌روك تره‌مپ بويه سه‌ركومارێ ئه‌مريكا و رێكه‌ڤتنا گرنگا ناڤوكى(ئه‌وا باراك ئوباماى ئيمزا كرى ل ناڤبه‌را خوه و ئيرانێ)، هاتيه هه‌لوه‌شاندن، ژئاليێ سه‌روك تره‌مپى، ئه‌وا راسته، راست ئه‌م دكارين بيژين، ئه‌وه هه‌ر ژ سالا1979ز تاكو روژا ئه‌ڤروكه، په‌يوه‌نديێن ڤان دوو وه‌لاتا روژ بو روژێ به‌ره‌ڤ ئالوزى و تێكچونێ دچن، نه‌خاسم ل ڤان روژان، سه‌هم و سێبه‌را شه‌ره‌كێ مه‌زن بسه‌ر ده‌ڤه‌رێ دا دهێتن، جاچ ب به‌رئه‌نجامێ سياسه‌ته‌كا كوير و بو ئه‌رمانجێن سياسى و ئابورى بيتن، يان ژى بكريار شه‌ر بهێتن كرن، بنه‌خاسمه‌يى پشتى ئه‌مريكا كه‌شتاخويا مه‌زن(ئه‌براهه‌م لنكولن) به‌ره‌ڤ كه‌نداڤێ ئيناندنى و ئاماده‌باشيا شه‌رى ل ده‌ڤ هه‌ردوو ئاليان دهێتن كرن، ئه‌م دێ بزاڤێ كه‌ين ديتن و شروڤه‌كاريێن خوه ل سه‌ر بويه و رودانێن دهێنه برێڤه‌برن، بو خانده‌ڤانێ هێژا ده‌ينه ديار كرن، بوێ مه‌ره‌ما خزمه‌ته‌كێ بكه‌ين و خوێنه‌ڤانێ مه ژى ديتن و بوچونێن خوه ل سه‌ر بابه‌تى بده‌تن ديار كر، تاكو ئه‌م هه‌مى پێكڤه وێنه‌يه‌كێ باشترێ بده‌ينه به‌ر چاڤێ خه‌لكێ خوه‌يێ گراڤى.
١- ئيران وه‌لاته‌كێ كه‌ڤناره و خودان شارستانيه‌تا كه‌ڤناره-
جمهورى ئيسلامى ئێران(ل گوره‌ى ويكيبيديا الموسوعه الحره= ARWIKIPEDIA.ORG )، ده‌وله‌تا ئيرانى، دكه‌ڤيتن روژئاڤايێ كيشوه‌رێ ئاسيا، وه‌لاتێ ئێكێيه ل روژهه‌لاتا ناڤين ژئاليێ چريا سه‌رژمێرى، پشتى مسرێ كو سه‌رژمێريا وان ده‌رباز دبيتن ژ(83)مه‌ليون كه‌سا، هه‌رديسان ژئاليێ روبه‌رى، ديسان وه‌لاتێ دوێيه ل پاش ميرگه‌ها سعوديه، روبه‌رێ وێ دبيتن(1،648،195كم2)، دبيتن وه‌لاتێ هه‌ژدێ ژئاليێ روبه‌رى ل سه‌ر ئاستێ هه‌مى دونيايێ، ئيران خودانێ خوه هه‌لكه‌ڤته‌كێ جيوسياسى و ئابورى زور گرنگه، هه‌رسێ ده‌رفه‌تێن ئاسياوى(روژئاڤايێ ئاسيا، ناڤه‌ندا ئاسيا، باكورێ ئاسيا) دگه‌هينيتن ئێك، باكورێ وێ(ئه‌رمينيا، ئازوربه‌يجان، توركستان)، دكه‌ڤيتن سه‌ر به‌حرا قه‌زوين(ئه‌ڤه ده‌ريايه‌كا ناڤخوييه، دگه‌ل كازاخستان و روسيا)، روژهه‌لاتێ وێ، ئه‌ڤغانستن و پاكستانه، باشورا وێ(كه‌نداڤێ عه‌ره‌بى و كه‌نداڤێ عومانن)، ل روژئاڤايى(عێراق)وباكورێ روژئاڤايى توركيايه، ته‌هران پايته‌ختێ وايه و دبيتن مه‌زنترين باژارێ ئيرانێ، هه‌رديسان دبيتن باژێره‌كێ روشمبيرى، سياسى، ئابورى، پيشه‌سازى و كلتوريێ مه‌زن و ئيران هێزه‌كا هه‌رێمى يا مه‌زنه، ديسان خودنێ يه‌ده‌كه‌كێ مه‌زنێ(گاز و غازێ)يه ل دونيايێ، ئيران خودانێ خوه يه‌كه‌مين زنجيره‌يا شارستانيه و ئيمپراتوريه‌تا(ئيلامى – 2800پ.ز)، هه‌رديسانێ ئيمپراتوريه‌تا ميديا ل(625پ.ز)ئيران ئێكخستن، هه‌رديسان ئيمپراتوريه‌تا ئه‌خمينى و سلوقى-هيلينى، پارسى، ساسانى ل سه‌ر ئاخا وان ئاڤابوينه، لبه‌ريا ڤه‌كرنێن ئيسلامىل(651ز)، لناڤبه‌را زنجيره حوكمداريا ئيرانێ روشمبيريا فارسى به‌لاڤ بويه، بگره ژ ده‌وله‌تا تاهرى، ده‌وله‌تا صه‌فارى، سامانى، بوه‌يهى…تێگه‌هشتنا وان پشت گه‌رم بويه ب تێگه‌هشتنا ده‌وله‌تا خه‌زنه‌وى، سه‌لاجيقه، ته‌يمورى، صه‌فه‌ويه‌تا شيعى، پاشى قاجارى…دشوره‌شا دستورى دا ل سالا1906ز ئێكه‌مين په‌رله‌منتو دامه‌زرانديه، ل پاش كوده‌تايا ده‌ستورى، ل سالا1953ز بهاريكاريا ئه‌مريكا و به‌ريتانيا رژێما خويا مه‌له‌كى دانا، ل سالا1979ز كومارا ئيسلاميا ئيرانى ده‌ستهه‌لات وه‌رگرت و زمانێ فارسى بو زمانێ فه‌رميێ ده‌وله‌تێ، ئيران ئه‌ندامه درێكخراوا وه‌لاتێن بێ لايه‌ن و كومكارا ئيسلامى و ئوپێك دا، ده‌وله‌تا وان پێك دهێتن ژ ژماره‌يه‌كا ده‌ستهه‌لاتێن ئالوز، ژئاليێ ئيداره‌دانێ، بلندترين ده‌ستهه‌لات(المرشد الاعلى)، ئيسلام دينێ وان يێ فه‌رميه.
٢- وه‌لاتێن ئێكگرتيێن ئه‌مريكى
ل گوره‌ى(الموسوعه الحره ويكيبيديا = AR.WIKIPEDIA.ORG) ئێكگرتيا ئه‌مريكى ل سالا1883ز، ژ شه‌رێ ئازديێ رزگار دبن و(13)ويلاياتان دروست ببوو! هێزه‌كا مروڤى(قوه بشريه) نه‌زێده‌ى (4)مليون كه‌سا بويه، لێ هێزا وێ ل گوره‌ى ده‌مێ زور زوى پێشدا چوو، تاكو بويه هێزا دونيايێ يا ئێكێ ل ناڤبه‌را(150)سالاندا، به‌رفرهه‌بون بخوه‌ڤه‌ديتن دئاليێ ده‌ريا هادى ل سه‌ر به‌رژه‌وه‌نديا هاونيشتيمانيێن ره‌سه‌ن(الهنود الحمر)، لويزانا ژ فره‌نسا كرى ل سالا(1803ز)، فلوريدا ژئيسپانيا ستاند ل سالا(1819ز)، تكساس و مه‌كسيك ژى ئێخستنه سه‌ر ئاخا خوه ل(1848ز)، شيا ل سه‌رده‌مه‌كێ كێم ببيتن هێزه‌كا مه‌زن ل سه‌ر ده‌ريا ئه‌تله‌سى، ده‌ستهه‌لاتا خو دانانده سه ده‌ريا هادى و ئه‌تله‌سى، رێكخستنا ده‌وله‌تا خوه‌يا فيدرالى پێش ئێخست، بده‌ستهه‌لاته‌كا ديموكراسى و ل گوره‌ى ئابوره‌كێ ئازاد، وه‌كى سه‌رمايه‌داريه‌كا مه‌زن كه‌ڤته ناڤا ركابه‌ريێ، هه‌مبه‌رى شكاندنا بلوكێ شيوعيى، هێز و ته‌ياراتێن ئيسلامى و ديموكراسى پشتگيرى كرن، سه‌روك تره‌مپ دبيتن سه‌روك كزمارێ(49) و گرنگترين سه‌ركردێن رزگاريا ئه‌مريكى( جورج وشنتون و ئه‌براهام لينكولنه).
٣- به‌راورديه‌ك لناڤبه‌را ئه‌مريكا و ئيرانێ:٠
ژكوما(137)ده‌وله‌تا، ئه‌مريكا هێزا(1)ئێكێ يا له‌شكه‌ريه، ئيران ل پلا(14)دايه…دانيشتويێ ئه‌مريكا(323)مليونه كه‌سه و يێ ئيرانێ(83)مليونه كه‌سه…ئه‌مريكا(119)كه‌س ل ژيێ له‌شكه‌ريێ دانه، ئيران (39)كه‌س ل ژيێ له‌شكه‌ريێ دانه…ژمارا هێزێن سه‌ربازيا ئه‌مريكا(2.1)مليون سه‌ربازه، (860)هزار سه‌رباز يه‌ده‌ك، ئيرانێ(873)هزار سه‌رباز هه‌نه و( 350)هزار سه‌ربازى يه‌ده‌ك…بودجه‌يا وه‌زاره‌تا به‌رگريا ئه‌مريكا(716)مليار دولاره، يا ئيرانێ(6،3)ملياره‌دولار ئه‌مريكيه…هێزێن ئاسمانيێن ئه‌مريكا(13)هزار فروكه‌ى جه‌نگى، (2300)فروكێن بكوژى وێرانكه‌ر،(2800)فروكه‌ى هێرشبه‌ر،(1300)فروكێن ڤه‌گوهاستنا كه‌ل و په‌لێن له‌شكه‌رى،(104)فروكێن مه‌شق كرنێ، (5700)هه‌ليكوپته‌ر، (970)هێليكوپته‌رێن هێرش به‌ر…هێزا ئاسمانيا ئيرانێ((509)فروكێن جه‌نگى، ژوان(142)فروكێن وێرانكه‌ر،(165) فروكێن هێرشبه‌ر، (89)فروكێن ڤه‌گوهاستنا له‌شكه‌رى،(12)هه‌ليكوپته‌رێن هێرشبه‌ر…. ئه‌مريكا خودانێ (13،500)فروكخانه‌يێن سه‌ربازيه، ئيران خودانێ(119)فروكخانه‌يێن سه‌ربازيه…ئه‌مريكا خودانێ(6200)ده‌بابێن شه‌رى و(39)هزار موده‌ريعه و (990)ميدفه‌عين لويلى زڤروك، (864)ميدفه‌ع مه‌يدان،(1000)موشه‌ك، راجيمه…ئيران خودانێ (1600)ده‌بابه، (2345)م وده‌ريعه،(570) مدفع لوليى زڤروك، (2100)مه‌يدانى، (1900)راجيمه…ئه‌مريكا خودانێ(415)كه‌شتى جه‌نگى، (42)كه‌شتى فروكه هه‌لگر،(68)غه‌واصه،(22)كه‌شتى موشه‌ك هه‌لگر، (68)كه‌شتى موده‌مر،(15)كورفور،(13)كه‌شتى ده‌ورى،(11)كه‌شتى پوچه‌ل كردنىمين ….ئيران، خودانێ (319)كه‌شتى جه‌نگى،(13)غه‌واصه،(6)موده‌ميره،(3)كورفور،(88) كه‌شتى ده‌ورى، (3) پوچه كردنى مين….ئه‌مريكا خودانێ(33)به‌نده‌رێن جهگره، ئيران خودانێ (3) به‌نده‌رايه….يه‌ده‌كێ نه‌فتا ئه‌مريكا(36،5)مليار به‌رميله، يا ئيرانێ(158،4)مليار به‌رميله، روبه‌رێ ويلايه‌تێن ئه‌مريكى(9،8)مليون كيلومه‌تر چارگوشه‌يه، يا ئيرانێ(1،7)مليون كم2.
٤- ديتن و بوچوون ل سه‌ر ره‌وشا نوكه‌يا(ئيران – ئه‌مريكا)
ل گوره‌ى بوچوونێن من، كوما به‌رئه‌نجامێ بزاڤ و هاتن و چوونێن هه‌يى، لناڤبه‌را ئه‌مريكا و ئيرنێ، دهێنه كوم كرن، لناڤ ڤان خالێن لخارێ ديار دا.
٠١ ئه‌مريكا مژويلى به‌رفرهه‌كرنا ميحوه‌رێ به‌رژه‌وه‌نديێن خوه‌يه، نه‌خاسم ل روژهه‌لاتا ناڤين، كودبيتن چه‌قێ به‌رژه‌وه‌نديان، ئيران ده‌وله‌ته‌كا زورا گرنگه، بهه‌ر ره‌نگێ بيتن، دێ كێشيتن ناڤا به‌رژه‌وه‌نديێن خوه، چونكى ئه‌گه‌ر بمينيتن ده‌رڤه‌ى ميحوه‌رێ ئه‌مريكا، ژبلى خه‌ساره‌ته‌كا مه‌زنا ئابورى، سياسى…توشى ئه‌مريكا د بيتن، ئيران ده‌وله‌ته‌كا مه‌زهه‌بى توندرويه و ل سه‌ر پاشخانه‌يا شيعه‌گه‌رى ئاڤابويه، ديسان خودانێ شارستانيه‌ته‌كا زور زه‌نگين و كه‌ڤناره، هه‌رديسان خه‌ريكه ببيتن خودان هێزه‌كا ناڤكوكيا مه‌زن و ئه‌ڤه ژى گه‌فه بو ئه‌مريكا و بو ده‌ڤه‌رێ بگشتى، نه‌خاسم ل ڤێ دوماهيكێ خه‌ريكه هيلالێ خوه‌يێ شيعى ژ كه‌نداڤى تاكو ده‌ريا سپى ناڤه‌راست ته‌مام بكهتن و بڤى رهنگى دێ بيتن هێزه‌كا زورا مه‌زن به‌رامبه‌رى ئه‌مريكا و ئيسرائيل.
٠٢ باوه‌ريا من ئه‌وه ئه‌مريكا چ پێنگاڤێن شه‌رى دژى ئيرانێ ناهاڤێژيتن تاكو بياڤێن به‌رژه‌وه‌نديا خوه بخورتى ئاڤا نه‌كه‌تن، واته رێك كه‌ڤتنێ دڤێتن بكه‌ن دگه‌ل هێزێن مه‌زن و بنه‌خاسمه‌يى دگه‌ل روسيا، صينێ، ئه‌وروپا و پاشى دگه‌ل هێزێن سونى ل روژهه‌لاتا ناڤين، ديسان بياڤێن كار و خه‌بات و پلانێن خوه دێ دگه‌ل هێز و جه‌ماوه‌رێ ناڤخويێ ئێرانێ رێك ئێخيتن و هێلا به‌رژه‌وه‌نديێن خوه دێ خورت ئاڤاكه‌تن و بنه‌مايكێن ده‌وله‌ت بوونێ ل ئيرانێ بته‌مامى دێ تێك ده‌تن و كاودانێ هه‌ژاندنا هێزا جه‌ماوه‌رى دڤێتن بو خوخومالى كه‌تن.
٠٣ ئيران ئه‌و وه‌لاته يێ پاشخانه‌يه‌كا سياسى و بياڤه‌كێ مه‌زنێ مه‌يدانا سياسى ل به‌ر سينگى، خودان ئاخ و جه‌ماوه‌ره‌كێ مه‌زنه، زورا زه‌نگينه بمال و سه‌رچاوه‌يێن خوه يێن سروشتى و مروڤى، ده‌ستهه‌لاتا وێ يا شيعه گه‌رى، نوێنه‌ريا نێزيكى (383)مليون بسلمانێ شيعى دكه‌تن ل جيهانێ و بنه‌خاسمه‌يه ل ڤان وه‌لاتان(عێراق، يه‌مه‌ن، لوبنان، سوريێ، ئيمارات، سعوديه، هندێ، ئه‌فغان و پاكستان و گه‌له‌ك وه‌لاتێن دى، بنه‌خاسمه‌يى ره‌وشا(عێراق، سوريێ، لوبنان، يه‌مه‌نێ…) لبن ده‌ستێ خوه خه‌ريكه كوم بكهتن، هێلێن ده‌ستهه‌لاتا خوه بپانى و ئه‌ستونى كوير هاڤێتينه، ديسان ئيران لناڤخوه‌يا خوه‌دا خه‌ريكه توشى نه‌رازيبون و زه‌حمه‌تيێن زور مه‌زن ببيتن، كه‌ڤتنا ئيرانێ يانى كه‌ڤتنا مه‌زهه‌به‌كى كو دبێژنێ مه‌زهه‌بێ شيعى، دئاليێ دى دا، ئيران خو دبينيتن هه‌مبه‌رى دوژمنكارى و پلانێن مه‌زنێن ناڤخوه يى و ده‌رڤه‌يى، بويه به‌رئاقل نابينم ئيران لناڤا ڤان كاودنێن خراب و دڤى سه‌رده‌مێ ئالوزى دا، خو دگه‌ل هێزه‌كا وه‌كى ئه‌مريكا توشى شه‌ره‌كى بكهتن، كو هيچ ده‌ربازبوون و هيچ سالوخه‌تێ ده‌ربازبونێ تێدا نينه، ديسان چاوان سياسيێن وان ل دويڤ چاره‌سه‌ريێ دگه‌رهن، شوينا شه‌رى په‌رداغێ ژه‌هرێ دنوشن، مه‌زهه‌بێ وان ژى ئيمامه‌تى… راستڤه‌كرن و ده‌ليڤان بپه‌سند وه‌ردگريتن و نه‌دويره، هه‌مبه‌رى ئه‌مريكا و هه‌مبه‌رى خوه ڤه‌گرتنا خوه، ده‌ليڤه‌يه‌كى ب بينت و دگه‌ل ئه‌مريكا پێكهتنه‌كێ بكهتن، هيچ نه‌بيتن بو ده‌مه‌كێ دى رێگه‌چاره‌سه‌ريه‌كا ئاشتيێ و خوگونجاندنێ ب بينن و خوژ ڤى شه‌رێ بێ به‌رامبه‌ر، ڤه‌دزن و خوه قورتال بكه‌ن و خو بده‌نه دگه‌ل محوه‌رێ ئه‌مريكى دا.
٠٤ پشكا هه‌رى زورا دونيايێ و نه‌خاسم ل روژهه‌لاتا ناڤين و بنه‌خاسمه‌يى ترێ ده‌روجيرانێن ئيرانێ، ئارێشه دگه‌ل ئيرانێ هه‌نه، هه‌ر ده‌ليڤه‌يه‌كا بكه‌ڤيتن به‌ر ده‌ستێ وان دێ وه‌رگرن و به‌رژه‌وه‌نديێن خوه دگه‌ل ئه‌مريكادا، نائێخن ناڤا بڤه‌تيێ و ئه‌ڤه ژى خاله‌كا دى يه، تاگريا ئه‌مريا دئێخيتن وارێ بهێزبونێ ، به‌رامبه‌رى وێ ئيران دكه‌ڤيتن ناڤا ته‌گاڤى و ناڤا خه‌ته‌را ترس و خه‌ساره‌تيێ دا…بويه من نه‌باروه‌ر شه‌ر دروست ببيتن و دبيتن دان و ستاندنێن ڤه‌شارتى بهێنه سه‌ر مێزێ و هه‌ردووك وه‌لات پێكهاتنه‌كێ لناڤبه‌را خوه دا بكه‌ن.
ل دوماهيكێ دێ بێژم:- هه‌ر شه‌رێ دروست ببيتن لناڤبه‌را ئيران و ئه‌مريكا دا، دێ شه‌ره‌كێ وێرانه‌كه‌رێ زورێ مه‌زن بيتن، ته‌ناهى و ئابورێ روژهه‌لاتا ناڤين و دونيايێ دێ كه‌ڤيتن بن ترسه‌كا مه‌زن و زيانێن زور دێ ل سه‌ر هه‌ردوو لايان هه‌بيتن، نه‌خاسم تيرورا دونيايێ و نه‌خاسم تيرورا ئيسلامى، نه‌هه‌ر ئه‌وا ئه‌م دبينينن، دده‌وله‌تا داعش دا، به‌لكى ئه‌وا هه‌يى د ئيسلام و ته‌ياراتێن شيعى دا، دێ بره‌نگه‌كێ زور كه‌ڤنه بزاڤێ و به‌لاڤ بن و هێل و خه‌تێن خوه دێ نژياركه‌ن ب پانى و بشافولى، ئه‌ڤ تيروره ژبلى دێ زيانێن مه‌زن گه‌هينن ده‌ڤه‌رێ، دێ بنه گه‌ف و به‌ربنه دونيايێ و نه‌خاسم ل ئه‌وروپا…بويه ئاسويێن دان و ستاندن و پێكهاتنێ، باشترێ مزگين به‌خشن و هيڤى ئاڤاكه‌رن، له‌و ئاشتى و پێكهاتن بژارده‌يه‌كا باشتر و ده‌رگه‌هه‌كێ ساخله‌م ترێيه ، ئيران ژى نه‌يا به‌رئاقله، ئه‌ڤا بوى ژ ده‌ست خوه بكهتن…ئه‌وێن كاسێ ژه‌هرێ ڤه‌خارى، دێ تراره‌كێ ئاڤا كولندوكێ ژى ڤه‌خون.
