رۆژا (10/6/2019) ، بنهجهكرنا سهروكايهتا ميراترگريا بنهماليه يان بنيات ئاڤهدانى كرنا سهروهتهكا دهستههلاتداريهكا كورد و كوردستانيه….!!٠
وهك ههمى خويندهڤانێ ئاسايى دزانيتن كوردستان(ميزوبوتاميا) دلێ روژههلاتا ناڤينه، وهكى چاوان روژههلاتا ناڤين دلێ جيهانێيه! پێكهاتهيێ گهلێ كوردستان، كو كورد بهشێ وان يێ بنياتيه، ڤى گهلى رول و دێروك و شارستانيهت و كولتورێ خوهيێ زهنگين و ههرى تژى باندورهكێ ساخ و چالاك ههيه، ئهگهر تهماشايى دێروكێ و رويدانێن وێ بكهين، چ ل دێروكا گهڤنار يان ل دێروكا ناڤهند و نويدا ژى، هوير تهماشا بكهين، ئهڤ وهلاته(كوردستان) و ئهڤ گهله و بنهخاسمهيى، گهلێ مهيى كورد، توشى هێرش و بيڤهلهرزێن مهزن و ههوێن قركرنێ و ژناڤبرنێ بوينه، وهلات برهنگهكێ دراماتيكى و جهرگبر كهڤتيه ناڤا ههوێن داگيركاريێ، گهل كهڤتيه بن هێرشێن قركرنێ و ژناڤبرنێ و ژێبرنهكا نهژادپهرستيا زور گران و جهرگ ههژين… لێ دناڤا ڤان ههمى نهڤيانى و دوژمنكاريێن مهزندا، كوردستانێ، كوردستانيبونا خوه پاراستيه، گهلێ كوردستان و كوردى ديسان ههبوون و نهژادێ خوه پاراستييه، بزهحمهتى و رهنج و تێكوشينهكا دژوار ژيان كريه و پێكڤهژيان بههبونهكا خوهزايێ خوه كوك و بنيات ئهزلهيهتا خوه، وهكى بهرخوهدانهكا نيشتيمانى و مروڤايهتى، بهيڤيا ههبونهكا بجهسارهت خهبات و تێكوشانا خوه بهردهوامى دايێ و ل سهر ريا خوه بهردهوام دمهشهكا دژواردا دچن و دهربازى كهنارێ رزگاريێ دبن، ئهڤروكه ژى ژ كهرهما وێ خهبات و تێكوشانا كولاتيا سالان، بسايێ سهرێ وێ شهادهت و وان قوربانيێن هاتينه دانێ، ئێدى ههستا هندێ بنهجهبويه كورد و گهلێن كوردستانى، كوردستان و ئاخا ميزوبوتاميا خهريكه ناڤ و نهخشهيێ خوهيێ بنهجهى وهربگريتن و جهبگريتن دناڤا ناڤ و نهخشهيێن جيهانا ههيى دا، بونا تێگههشتن و شروڤهكاريێن خوه، ل گورهى ديتن و بويهرێن ههيى رونتر و بهرچاڤترێ بێخينه بهردهستێ خاندهڤا و خهلكێ خويێ هێژا و خهباتگێر و خهمخور، ئهم دێ هندهك ديتن و بهرچاڤكرنێن زێدهترێ ل خارێ وهكى سهره خال ئێخينه بهرچاڤ و بن دهستێ خاندهڤانێ گراڤى، بمهرهم و مهقسهدێن بجهكرنا ئهركهكێ نيشتيمانى و بروحهكا مروڤ پهروهرى، دخزين يێن شارهزا و يێن پسپور بابهتى زێدهتر زهنگين و پر ئالى بكهن و شروڤهكارى و خاندنێن خوه بئاوايهكى زانستى بدهنه خويا كرن.
ل باشور كولانيايهكا ميراتگرى يان بنياتێ دهستههلاتهكا خومالى ئاڤهدانى دبيتن ….!!٠
سهردهمێ زێرينێ گهلێ كوردستان لباشور ل پاش سهرههلدانا سالا1991ز دهست پێ دكهتن، ل سالا1992ز و بسهردا دهستههلاتهكا بناڤ پهرلهمانى ههلبژارتى ل ههرێمێ دهێتن پهيادهكرن، سهرهرايى وان ههمى شهروشور و ناكوكى و پێكدادانێن ههيى، لێ خوبرێڤهبهريهكا خوبخويى ل ههرێمێ(پارێزگههێن دهوك، ههولێر، سلێمانى)، ببهردهوامى ههبون و رێڤهبهريێن خوهبخويى ههبوينه و بئيراده و ئيدارهدانهكا كوردى و كوردستانى(ژبلى كێم و كاسيێن ههى)، بهردهوام بوينه تاكو روژا ئهڤروكه، نوكه ژى و ل پاش ئهنجامدانا گهرا پێنجێ يا ههلبژارتنێن پهرلهمانتويێ ههرێمى، خهريكه زێدهى(8)ههشت مههان دهرباز دبن، لێ هێشتا سهروسيمايێن كابينهيا نوى ئاشكرا و بهلى نهبوينه، نهوهى نوێ برهنگهكى ژ رهنگا ئوپهزيسيون بونا خوه راگههانديه، يهكگرتووى ئيسلامى ژ بلى ئوپوزيسيون بونا خوه راگههانديه، لێ برهنگهكى ژ رهنگا ناڤدهستى و ژێربهژێريێ بو پارتى و ينك دكهتن، بوێ مهرهمێ ژ ئالهكى شكهستنا خوه ساخ بكهتن و ژئاليێ دى، ژێر بهژێر پاخلێن خوه داگريتن و سولتانێ ئاق پارتى ژ خوه رازى بكهتن…كومهلا ئيسلامى، بزاڤا ئيسلامى، حزبا شويعيا كوردستنى…هندهك ئالى و كهسايهتيێن دى، ل ناڤبهرا حانه ومانه، مانه ههلاويستى و تاما دهڤێ خوه خوش دكهن، بو شاباشهكێ چهور و شرين…بزاڤا گوران ژى ههرچهنده بفهرمى شكهستنا خوه رانهگههانديه( 12 كورسيك، دزهنيهتا واندا ههر 24 كورسيكن)، لێ دوارێ كريارى دا، شكهستنا خوه پهژرانديه، شاباشهكا باش وهرگرتيه و پارتى ب برا مهزنێ خوه قهبيل كريه، ژ بلى هێرڤه و وێڤه، بهحسا وێ ناكهين…لێ ئهوا ئهم دكارين بئاشكرايى رونڤهكرنێ بدهينێ، شهرێ دهستههلاتێ نوكه كهڤتيه ناڤبهرا پارتى و ينك( ئهو دوهێزێن ژ سهرڤه برا و ژ بنڤه دوژمن، ههڤگورێن بهندوپهيمانا بناڤ ستراتيژيك….)، ههرچهنده رهههندێن ڤى شهرى، دێروكهكا تراژيدى ههيه، قولايهكا فكرى و دهرئهنجامهكێ مشتى سهرنشيڤى و سهر ئهڤرازى ههيه…لێ لپاش مالئاڤاهيا رێبهرێ روحيێ ينك( نهمر مام جهلال تالهبانى)، خهريكه روحهكا نوى لناڤ رێزێن يهكێتي نيشتيمانى ئاڤادبيتن و سهرههلددهتن، سهخمهراتى وان جوداكارى و دابران و ژێك چونێن بويى، چ ژ جودابونا بزاڤا گوران و هاوپهيمانى يان هندهك كهسايهتيێن دى…لێ ڤهگهر و سهرژنوى بينا كرنا(ينك) خهريكه ببيتن ئاڤاهيهك و بهروبياڤهكێ خورت تر و رێك و پێك ترێ، نهخاسم پشتى بهرێز سهركومار(دكتور بهرههم سالح) ڤهگهريايى ناڤا پارتيا خوه، گهلهك هاوديد و كهسايهتيێن دى يێن رهسهن و نيشتيمان پهروهر ژى خهريكه بگههنه ناڤا رێزێن(ينك) و سهرژنوى پهرهپێدان و نويژهنكرنهكا باشترێ و گهشترێ بدهنه ناڤا رێزێن ئێكهتيا مام جلال و ههڤالێن وى يێن دامهزرێنهر( ناوشێروان، عادل مراد، فوئاد مهعسوم، عهبدالرزاق فهيلى، عومهر شێخ موس، ههڤالێن دى..).٠
ئهوا راستى بيتن ل دوماهيك ههلبژارتنێن عێراقێ و ههرێمێ، سهختهكاريهكا زور هاته كرن، سهرهرايى پهسند كرنا بهرئهنجامێن دوماهيكێ، لێ سيبهر و رهههندێن وان حيله و سهختهكاريێن هاتينه كرن، نههاتن نخافتن و زيق ل سهر پێلێن دهريايى خو دههلاڤێتن و سهر ئاڤ دكهڤن، ئهڤێ چهندێ دئاليهكى دا برينهك كوير پهيدا كر و دئاليهكێ دى دا بێ متمانيهكا مهزن پهيدا كر، ئهڤ بێ متمانيه زێدهتر زهق ديار بو، ل دهمێ لايێ سهركهڤتى(پارتى ديموكرتى كوردستان)، خو دسهردا برى و كهڤتيه ناڤ ههول و بزاڤێن جدى تاكو ههمى پوستێن بهغدايێ بو خوه وهربگريتن و لايێن دى پشت گوهڤه پاڤێژيتن، نهخاسم يهكێتى نيشتيمانى، ئهڤ ههول و بزاڤه ژ بلى بێ متمانهيى كوير كرن، سهر ژ نوى ههڤركى و ئازرندنا برينا سهر لێ ههودا و پيلانگێريێن ناڤخويى بنيات بو هاتنه دارێتن، لهومانێ ئهڤ قوناغه دبيتن ببيتن سهرهتايهكا قوناغهكا نوى، لێ بنهمايك و رێگهچارهسهريێن گونجايى و زانستى ناهێنه ديتن…بويه خهريكه مهترسى زێدهتر و مشتى پێترين نههامهتى و رهش بينى ببن، چونكى عێراق بگشتى و ههرێم بتايبهتى ل بن تاقيكرنهكا زور مهترسيدار دهرباز دبيتن، كومكرنا هێزێن ناڤدهولهتى و زهبلاح، لێكدان و پێكنهكرنا بهرژهوهنديێن ئهمنى و ئابورى و جيوارى…ههرديسان ههرهشهيێن شهرهكێ كاڤل كهر و تژى مالوێرانى نهدوير ل دهڤهرێ بقهوميتن، زيان و زهرهرێن كوردستيان نهدويره دوو هنده و سێ هنده بن.٠
نوكه راسته، هندهك ژ سهروسيمايێن دهستههلاتێ خهريكه ديار و ئاشكرا بوينه، ل 10/6/2019ز، رێورهسمێن سهروكێ ههرێمێ دێ ل هولا سهعد عبدالله(نه ل هولا پهرلهمانى) برێڤه چن، نێچيرڤان بارزانى دێ بيتن سهروكێ ههرێمێ، مهسرور بارزانى دێ هێتن راسپاردن داكابينا نويا حكومهتێ دروست بكهتن، لێ تاكو نوكه هێزێن سهرهكى و شريكێن ستراتيژى و خودان هێز و ئهزمون(بئاوايێ تايبهتێ خوه)، نهگههشتينه چ ئهنجامێن دوماهيكێ، لهومانێ گهرهنتى كرنا رهوتێ دهستههلاتێ و ئاڤاكرنا كابينا نوى، بێى(ينك) نهههر حكومهتهكا كێم و شاشه، بهلكى دهستپێكهكه و سهرهداڤهكه بو بژارهده و داهوريان و ژێگرتهيێن دى و تژى خهتهر و مهترسى، نهبتنێ بو كابينا نوى، بهلكى بو گهلێن كوردستانى و بو ههمى دهڤهرێ، چونكى ههرێما باشور بههمى ئاليان ڤه خويكهكا گران دايه، چ خويكا هێزێن ناڤخويى يان ژى خويكا هێزێن دهرهكى و ناڤنهتهوهيى، دبيتن زێدهترێ بهرگريا خويك و سهرانهيێن گرانترێ نهكهتن…بويه بئاشكرايى دشێين بێژين، رهوشا نوكه جهێ دل خوشيێ نينه…دئاليهكى دا وهلات و گهل لبن مهترسيێن ناڤدهولهتى و ههريمينه، دئاليێ سيان دا، دهستههلاتدارێن ههرێمێ مژويلى شهخصهنهكرن و كويركرنا ئێش و ژانێن گهلێن خوهنه و بهيچ رهنگهكى داگهريانان بو ئێك دوو ناكهن، بو هێزێن ناڤدهولهتى، بو دوژمن و دهولهتێن ههرێمى خهريكه ببن مالويته و ليسێن وان بو خوهش بكهن، نهخشهسازيان ل گورهى بژاده و خاستهكێن وانان دكهن…بو خوه ژى، بو گهل و بو وهلاتێ خوه ژى خهريكه ببن دهرد و كوله سهرى….سهد سالێن خهباتا خويا سياسى، حهفتێ سالێن خهباتا چهكدارى، ئهنفال و كيمياباران، رهشه كوژى و گرتن و مال وێرانى، هندا كرن و بهرزهكرن، تهعريب و تهتريك و تهفريسێن هاتين كرن…خهريكه بهێن ژبير كرن و بههدهر بچن، كوريسك ببيتن ميراتگرى، پوست و پاره ببن ئارمانج و بهرنامه، بويه ههردچيتن، دهم دچيتن و هيڤى دهێنه هندا كرن، بويه دبێژين و گوتنهكا راسته ژى، ههردهم كورد شهركهرهكێ باشه، ل شهرا نهشكهستيه، لێ دسياسهتێ دا، ل سهر مێزان ياريكهرهكێ دورا و شكهستيه.٠
ژ شورهشگێريا سهرێ چيا ن بو سياسهتا كورسيك و پشتا مێزان
راسته كوردستان دناڤا دوخهكێ نالهبارێ ناڤنهتهوهيى دا توشى دابهشبوون و ژێكڤهبونێ بو، شهرێ چالديران(1514ز)و كومهكا پهيمانێن ناڤدهولهتى و پاشى ژ بهرئهنجامێ شهرێ جيهانيێ(1،2)وێ دا، ئهو بو لوزان جارهكا دى دوو چارچه كرنه چار پارچه، لێ دڤێتن ئهم وێ ژى بێژين، دهرفهتێن زور مهزن ژى بو گهلێ كورد و بو خهلكێ كوردستانێ هاتن، ئهگهر ئهو دهرفهت هاتبانه وهرگرتن، گهلێ كورد، خهلكێ كوردستانێ ل گورهى كاودانێ وى دهمى خوه رێك خستبايه، دبو گهلێ كورد دهولهتا خوه ل سالا1916ز دا دامهزراندبا، ههرديسان ئهگهر گهلێ ئهرمهن و گهلێ كورد پهيمانهكا خوهيا مجد ههبايه، نهكهڤتبانه ناڤا پلانێن نهياران…ديسان دبو ل سالا1918ز و بسهرده، ببانه خودان دهولهتا خوهيا ههڤپشك ل سهر ئاخا(ميزوبوتاميا و ئاخا ئهرمنستانێ)، لێ مخابن، گهلێ ئهرمن و گهلێ كوردى، ههڤرێزيا خوه دروست نهكرن و مانه بدويڤ پلانێن نهياران ڤه، بون عهبدالێن چ نهكرنا ههڤدوو، بويه ڤان گهلا دهرفهت ژ دهست چوون و بونه قوربانيێن سهرهشكيا خوه، بونه قوربانيێن دێروك و بهرژهوهنديێن گهلێن ههرێمى و دونيايێ، تاكو نوكه ژى ئهو تهحلى و كارهساتێن وان دمێژن و دبنه گوريێن پشكا ههريى مهزن بو خهلهتيێن وى سهردهمى ، لێ ئهوا جهێ داخێ و برينا مهزن دجهستهيێ كورد و كوردستانيان، پرانيا هێز و تهڤگهرێن سياسيێن كورد و كوردستانى ل ڤێ سهدساليا نوكه، خوهزايێ كورد و كوردستانێ نينن، لبن ههژموون و كارتێكرنێن ناڤدهولهتى و ههرێمى، نه بتنێ دئاليێ سياسيى دا، بهلكى دئاليێ لهشكهرى و رێڤهبهرى ژى دا، لبن ههژمونێ دوژمنێن ههرێمى و ناڤدهولهتى دا ئاڤابونه و برێڤه دچن، دوژمنێن مه، نهخاسم ل باشور چاوان هێز و تهڤگهرێن مه ئاڤاكرنه، ههر وهسان برێڤهدبهن و ل گورهى بهرژهوهنديێن خوه ديزاين كرنه، لهومانێ ههردهم ئاليێ ههرێمى و ناڤنهتهوهيى دهێتن پشت گوههاڤێتن و ئاليێ ناڤخويى، ناكوكى و جرهبرا ناڤخويى، خوتيژ كرن و بهربونا گيانێ ئێك دوو كريه بهراهى و سهرپشك كريه، ههر ئهڤه ئهگهرێ وێ چهندێ شكهستى، خو شكهستى نهبينيتن و شكهستنا خوه ژى بكهتن بههرا خهلكێ دى، خو بكهتن پالهوان و سهركهڤتى، بويه ههر دهه پازدهسالان شكهستنهك ببهر مه دكهڤيتن و شكهستى ههر بهراهيكێ كاروانيه، نهناڤ و نه ژى ناڤهروكا شورهشێن مه دهێتن گورين و دورانێن مهژى نابن دوران و مروڤێن دورايى ل پێشيا مه دچن و ئهم ژى خاس و عام دكهڤينه دويڤ پێن وانان.٠
ل ڤێره پسيارهكا جدى دهێتن پێش، ئهرێ گهلا چ ئهگهرن بورى و كارهساتێن مه زوى ژ بيرا مه دبهن!!٠
لڤان سهد سالێن بورى(لباشور)، گهلهك هێز و حهرهكه دروست بون( كومهلا لاوێن كورد، كومهلا داركهر، جزبا هيوا، شورهش، ئازادى، جزبا ديموكرات، ينك، سوشيالست، كومهله، پاسوك، ستێركا سور، تێكوشين…گهلهك پارت و كومهلێن دى)، دئاليێ حهرهكى ژى دا(حهرهكاتێن شێخ مهحمودێ نهمر، حهرهكاتێن بازان، شورهشا ئهيلولێ، شورهشا گولان، سهرههلدانا جهماوهرى ل سالا1991ز، پهرلهمان و حكومهتا ههرێمێ…)، لێ ديسان دهرفهت نههاتن وهرگرتن، سالا 1991 و 2003 ديسان دوو ههلێن دێروكى بو گهلێ مه هاتن، لێ ديسان ئهڤ ههله نههاتن وهرگرتن و قوناغا خهباتا مه دژوار و پر ئاستهنگى كر، بو دهمهكێ دى كێشهيا مه پاش ئێخست….ئهو ههول و بزاڤێن بناڤێ دهولهتداريێ و ريفراندوما سهرخوهبونێ ژى، مهرهم و پالدهرێن دى ل پشت بوون، ههرديسانێ هيچ ئامادهسازيهكا زانستى و ژيوارى بو نههاتبونه كرن، بويه كێشه زێدهتر ئالوز و ئاسێ كر و هێز دا نهياران و دوست هاتنه توره و زوير كرن، بهرئهنجامى ژى، ژبلى(91%)ئاخا كوردستانێ هاته ژ دهست دانێ، پلانێن دوژمنكاريێ هاتنه كوير كرن، ههستا نهتهوهيى و باوهرى بخوهبون ديسان هاته هندا كرن، كێشا وهلاتهكێ دێرين و گهلهكێ رهسهن و مهغدور ديسان هاته پشت گوههاڤێتن و كێشه ژى هاته سڤك كرن و كێم كرن، ژ بلى كوكا نهيارتيێ هاته زێدهكرن و نهيارێن مه، نهخاسم يێن ههرێمى ل سهر ئێك مێز هاتنه خرڤهكرن.٠
بهرئهنجامێ ههرى ل پێشيێ، ڤێ سياسهتا باشورى، ههمى ئهو حزب و سياسهتا هاتيهكرن، ههمى بزاڤ و حهرهكاتێن هاتينه برێڤهبرن، بهرئهنجامهكێ باش وهرنهگرتن، بونه ئهگهرێ ژ دهستدانا پشكا ههرى مهزنا ئاخا كوردستانێ، گهل دهربهردهر بو، ژ سهر ئاخا خوه مهاجر بو و بو غهريبه، كوشت و كوشتار پهيدا بوون، ئهنفال و كيمابان هاتنه ئهنجامدانێ، دهربهرى و بهرزهبونێن مهزن دروست بون، كول و دهردو كوڤان لناڤ خهلكى مشهبوون، ههزارهها ئێش و ژان بهربونه ستوكورا گهلى، ژبلى وێ چ گوهورين كارى پهيدا نهبوون، پهرێ برێكا بهرێ…سهركرده ههريێن بهرێ بوون، حزب و رههبهر ههرئێن بهرێ بوون، رێك و رێگهچارهسهرى ژى ههريێن بهرێ بوون…بويه نهچارهسهرى و بێ رێبهرى بوونه رێك و شوپ و هندابون بونه سهميان و سهروهرى، لهومانێ بورى زوى هند ابو! ئێش و ئهلهم بێ دهرمان مان! بويه چارهيا بێ چارهسهريێ لباشور بويه ئێشهكا بڤهگر و ههردهم بودهمى ههو ددهتن و ناخێ مه دههژينيتن و برينێن مه يێن كول كيسهگرتى دكهتن و سهر ژنوى وهبايا مه سهر ههودههتن.٠
لهومانێ ل ڤێره بێ ناڤبر دبێژم! چاوان ههوێن ههلبژارتنێن مه وهكى تليلى و گهرێن شههيان و داوهتانه، پهرلهمان و حكومهتێن مهژى وهكى زاڤا و بويك و بهربويكانه، رێورهسمێن داناندنا سهروك و رێڤهبهرێن مهژى چهپرهپانێ و دهست قوتان و خوههلاڤێتن و پێ گوتن، دويرى بنهمايكێن زانستى، دويرى عورف و عاداتان، دويرى رێسا و ياسايان، ئهرێ گهلا ههرێمهك وهكى باشور بقادێ دهولهتهكا مهزن و خودان سهروهرى قوربانى داين…چ ئهگهر ههبوينه ئهڤه زێدهى(28)بيست و ههشت سالايه نهبويه خودان ياسا، بێ عورف و بێ بنهما دهێتن سهردهرى كرن، شهخص و مالبات دزێهن و ئهقلێ خوهيێ مالباتى دا دهێتن بهرنامه دكهن و برێڤهبرن، براستى سهيره و سهير و سهمهرێن جهرگ ههژينه! چاوان ل دهڤهرهكا هوسان، گهلهك مليونى، خودان ئاخ، خودان زمان، خودان دێروك و كهلتور، خودان ئابور و بورى، خودان ديانهت و خودان هزروبير! چاون دبيتن دچاخێ(21)بيست و ئێكێ دا! چاخێ ئهلهكترون و پێشكهڤتنێ! ئهڤ ههمى پاشكهڤتن و هندا كرنه، بوچى بهروكا مه بهرنادهن! براستى ههم بێ خودانى ههيه و ههم ژى هندا كرن ههيه!٠
ههر ئهڤێن ههبوينه! حزب و حهرهكهت و سياسهتا باشورى چنهكريه و سهنگ و بهايێن باشوريان بێ رهواج كرينه و ئێشا هندا كرن و ژبير كرنێ بويه موبتهلا بو رابردويێ مه، بو نوكهيا مه، بوداهاتێ مه! پسيارا دى يا ههرى جدى ئهوه گهلا ئهرێ ئهڤ ئێشا مهزن، ئهڤ بهرزهبونه تاكو كهنگى دێ دجهسهتيێ مه دا بهردهوام بيتن! تاكو كهنگى بهرزهبون دێ ههستێن مه ژ مه دزيتن و لناڤا بهرزهكرنێ دا مه گيرو كهتن..!!٠
ئهم گهلهك بێ شانصين يان ژى بێ سهروهرين…!!٠
د دێروكا مهيا بورى دا، چاوان ئهم خودان حزب و حهرهكهت بوينه، ههر وهسان ل گورهى زروف و سهردهمێ خوه، مه سهروك و رههبهرى ژى ههبوينه، نه ل باشور بتنێ بهلكى ل ههمى كوردستانێ، ل روژئاڤا ابراهيم ههنانو، بنهمالا نهبيل بهرى، بنهمالا جانپولا، بنهمالا بهرازى، دورزيان…بدههان كهسايهتى و بنهمالكێن كوردى چ لناڤا دهستههلاتا(سورێ، لبنان، ئوردنێ..) يان ژى لناڤا ئوپوزيسيونا وهلاتێ شامێ بگشتى دا، كهساتى و هزرمهندێن مهزنێن كوردى رول و سهروهريا خوه ههبويه، ههرديسانێ لباكور، بنهمالا بهدرخانيان، يونس پاشايى، شێخێن پيران، سهيد رهزا، تاهايێ شهمزدينى، شێخ عوبهيدولاهێ نههرى و بدههان و بگره بسهدان كهسايهتى و ناڤدارێن كوردى جهگرتيه دناڤا دهستههلات و ئوپوزيسيونا باكور( ل توركيا)دا، ههرديسان گهلێ مهيێ روژههلات ژى، بههرهيهكێ زور مهزن دفكر و رامانێن دهستههلاتدارى و ئوپوزيسيونا گهلێن ئيرانى ژى دا ههبويه، نهخاسم كهريمخانێ زهند، سمكويێ شكاك، قازى مهحهمهد، شێخ عوزهدين حوسهينى، رێبهر قاسملو، شهرف كهندى و بدههان رێبهر و سهركردێن دى…ههر بوى ئاوايى و نهخاسم ل ڤێ دوماهيكێ، گهلهك سهركردێن كوردێن باشورى باندورا خوه ههبويه، وهكى شێخ مهحمودێ حهفيد، شێخ بههائودين، ابراهيم احمد، سالح يوسڤى، مهلا موستهفا وهكى رێبهرێ شورهشا ئهيلولێ، مهسعود بارزانى، مام جهلال تالهبانى و ناوشێروان مستهفا، وهكى دوو رێبهرێن نويخاز و ههڤچهپهر، گهلهك كهسايهتيێن دى…لێ ئهو ژى راسته ڤان ههمى كهسايهتيان نهكاريه رێكهك و رێبهريهكا بقادى خهبات و قوربانيێن گهلێن كوردستانى، بفكر و رامانهكا خوسهر و برێك و بنهكوكيهكا پرانيا ههرى زورا ڤان حزب و حهرهكه و سهروهرى و رێبهريێن ههى، مژارێن رهخنهيێن زورن و لبن بارانا گازندهيێن گهل و خهلكێ كوردستانێ گوهشى و مات و دامايى ماينه و دمينن و دفهتسن…بويه ڤى وهلاتى، ڤى گهلى رێبهرى، سهروهرى، رێگهچارهسهرى بو دڤێن….!!٠
عبدولا ئوجهلان و نمونهيا رێبهرى و سهروهريا كوردستانى…!!٠
عبدولا ئوجهلان(ئاپو)، ئهو زاروكێ ژ بهدهنا دهيكهكا تورك و بابهكێ كورد ل گوندێ ئهمرالى ژدايك بويى، دناڤا شهرهنيخا دهستههلاتهكا تورك تورانى و رهگهز پهرستى دا، ژيانا ههژارى و زهحمهتياندا ئافراندن كرين، بفهلسهفهيهكا نمونهيى خويانى بينا كرى، زانست و دێروك كريه ڤههاندنهكا هزرا خومالى، دناڤا زيندانێ دا تهڤگهرا ئاپوچى دگهل مهزلوم و عهگيد و ههڤچهپهرێن خودا رێك و رێگهچارهسهريهكا بنياتى و ديموكراسى، شورهشگێرى ل گورهى خوهسهريا شوپهكا دێروكى و شوناسى و زانستهوايى ئاڤهدانى كرى، ژ باكوربو سههلول بيقاع وبهرهڤ ئهوروپا و پاشى دكومپلويهكا شوم و لبن زولمهكا ناڤنهتهوهيى دا، بهرهڤ توركيا و زيندان كرن دگرتيگهها، گزرتا ئيمرالى دا، ئهڤ كهله سهركردێ كوردى، راسته زێدهى(20)بيست سالايه لناڤا زيندانێ و لبن شهرت و مهرجێن گران ژيانا زيندانێ بسهر دبهتن، لێ ئهو رابهر و داهێنهرێ هزروبيرهكا زانستى و فهلسهر و دامهزرێنهرێ پارتيكێيه بناڤێ(پارتيا كاركهرێن كوردستانى)، بئهو پهرێ زانابون و شارهزايهكا بلمهتييانه رێكهكا شورشگێرى و بيروهزرهكا فهلسهفى و زانستى، ئهڤى ئينسانێ مهزن خهباتهكا شورهشگێرى بداهێنانهكا نمونهيى و رێڤهبهريهكا پێشكهڤتى و خودان مقاوهمهكا گهريلايى و ئاخ پهرستى داهێنا و سهروهرى لێ كر! فكر و رامانێن ڤى سهركردهيى رێكخستنهكا سياسى و چهكدارى و بناڤ و ئهرناڤهكێ نويخاز و موكوم و تێكهلى ئاخ و خوينێن وهلاتپارێزى بجهستهيهكێ پيلايى هاته بينا و ئاڤا كرن، خورسكى و ئهصالهتا ڤێ رێبازێ ههر جهێ كوردستان لێ، ههر جهێ كوردستانى لێ ژيانێ دكهن، خهبات و رێك و تهڤنێ ڤێ رێكخستنێ لێ هاته راچاندن و رێبهرى كرن( سهرهرايى كێم و كاسى و رهخنهيێن ههيى، لێ ئهڤ حهرهكهيه بفكر و رامانێن خوه، بو حهرهكهكا كوردستانى و جيهانى و برهنگ و تهڤنێ چيايێن پيلايى تهڤن و نهخشهيێن خوه موكوم راچاندن..)٠
بههول و بزاڤێن ڤى سهركردێ مهزن، رێكخستنهكا جهستهيى و هزرى، دجهستهيێ كهسهكى و درێكخستنا رێكخستنهكێ دا، بو رێكخستهنهكا روحى و ژيانهوهيى بئافرين و خودانى، دناڤا كاكلا روحێ دا هاتينه ئاڤاكرن، ئوجهلانيهت كريه ئاڤاهيهكێ ئهزهلى و بهردهوام دناڤا روحا مروڤاتيهكا پيروز و ئاخ پهرست دا، هوسان ههر تاكهكێ ڤێ رێكخستنێ بو ئاپوچيهك و بگرتنا بهرێز(عبدولائوجهلان) ئهڤ بزاڤه نههاته بهربهست كرن، بهلكى وهكى گورهبايهكێ روحى بهلاڤ بو، جهوار و تهڤگهرا خوه خورت و بنهجهى كرن، شورهشهكا سهرانسهرى و وهكى پهيامهكا روحى و وهكى پهيمبهرهكێ زهمانێ ڤێ سهدێ، پهيام و رێكا وى هاتن بهلاڤ كرن، بويه مروڤ نهحهق نينه بێژيتن ل پێنج سهد سالا بورى و ل سهدسالێن بهێن ژى، پهيامهك و رێبهرهيهكا بقادى زانست و فهلسهفهيا ڤى سهركردێ مهزن نههاتينه و ناهێن…لهو گرنگه كورد و كوردستانى خو دهيندارى ڤى ئينسانێ مهزن ببينن و مروڤايهتى ژى سودمهند ببيتن ژ فكر و بهايێن فهلسهفه و زانستێ ڤى مروڤێ مهزن٠
نوكه ژى ل ههرچار پارچهيێن كوردستانێ، ل ههر جهێ كورد و كوردستانى لێ دهێن ديتن، فكر و رامان و كارتێكرنا ڤى سهركردهى دهێتن ديتن و بهيستن، لباكور ژبلى وێ زولم و زورداريا دهولهتا توركى دكهتن، بئهوپهرێ دورندايهتى و نهژادپهرستيێ بهرهنگارى گهلێ كورد و گهلێن ئازاديخوازيێن توركيا بويى…لێ خهبات و تێكوشانهكا مهزن دناڤا زهحمهتى و ئاستهنگياندا، بهردهوام دپێشداچوون و دناڤا سهركهڤتنێن مهزندا بهرهڤ سهرفرازيهكا مهزن دچيتن و دهستكهڤتيێن مهزن تومار دكهتن…ل روژئاڤا، سێكا ئاخا سوريێ رزگار كريه و چهندين كانتونێن خوبرێڤهبرى و برهنگهكێ سهركهڤتى و نمونهيى رێڤهدبهن و نمونهيهكا ههرى ژێهاتى و سهركهڤتى ئاڤا دكهن، راسته تيرورهكا دژوار بهرهنگارى وان بويه، دناڤا شهرهكێ گرانێ ئيسلاما ئيخوانيا ئهردوگانى دا ژيانهكا تژى زهحمهتى و دناڤا خهباتهكا مشتى ئاستهنگى دا خهبات و بهرخوهدانا خوه ددومينن، لێ سهروسيمايێ ئيدارهدانهكا پێشكهڤتى و سهركهڤتى دناڤا رێڤهبهريهكا گهلى دا، بهردهوام بشانازى سهركهڤتنان تومار دكهن و جهێ خوه ب چاكى دگرن لناڤ گهلێ خوه و لناڤا گهلێن ناڤدهولهتى ژى رهنگ و سيمايێ خوه وهرگرتيه، خهريكه ژى دهستكهڤت و سهركهڤتنێن مهزن بچنن و مسوگهر بكهن.
سهرهرايى وان ئاستهنگ و رێگريێن لباشور و ل روژههلاتێ ل بهر ڤێ تهڤگهرێ، لێ ديسان برهنگهكى ژ رهنگان ديسان خهبات و زهحمهتى بهردهوامن و ل روژههلات پێشكهڤتن ژى برێڤهنه٠
دهرفهتێن سێكوچكهيهكێ سهروكاتيێ بو گهلێ مه هێشتا ههيه..!!٠
مه ل دهما بورى بهحسا سهروكايهتى و رێبازا ئوجهلانى كرن، خهريكه ئهڤ رێبهره سهروهريهكا ناڤنهتهوهيى و كوردستانى بنهجێ تومار بكهتن، لێ ل سهر وهلاتێ مه، ل سهر گهلێ مه پلانگێرى ههيه، دوژمنكاريا بهردهوامه، نهيارتيهكا زور و دژوار بهردهوامه، لێ ل گورهى ئهگهر و كاودانێن نوكه ههى، دبيتن تێرانهكتن و بهرگهگرتن قورس و خودان خويكهكا زورا گران بن…لهومانێ ههما ههنگى و سهروهرى و خودانهيكا كوردى و كوردستانى زور تر و مجدترێ پێويسته، دئاليێ دى ژى دا رهنگه پلان و بهرسنگرتنێن نهيارێن مه ژى ههبن، نهخاسم ئهو دهستههلاتدارێن خوه دبيتن ددهستههلاتداريا(عهرب، تورك، فارسى)دا، ل عێراقێ ئهڤ وهلاته ناڤهگهرهيتن دوخێ خوهيێ جاران، خهريكه بهغدا لاوازببيتن و عێراقهكا فدرالى، بههرێمداريهكا(كوردى، سونى، شيعى) جهبگريتن و بنهجهببيتن، ديسان سورى ژى ناڤهگههيتن دوخێ خوهيێ بهرێ، دبيتن ل وێرهژى دهستههلاتهكا فدرالى(كوردى، سونى، شيعى)، ژ سێ يان چار ههرێمان دروست ببيتن، ديسان خهريكه كورد جهێ خوه دنهخشهيێ سوريێ دا بنهجهبكهن، رهوشا توركيا و ئيرانێ ژى ل گورهى نهخشه و پلان و خاستهكێن وان برێڤهناچيتن، ئيرانێ بفهرمى ههرێما باشور و روژئاڤا قهبيل كريه، نهدويرهژى ل روژێن بهێتن ههرێما روژههلات ژى بهێتن دروست كرن، نهيا بهرئاقله ژى تاكو دوماهيكێ دهولهتا توركى ههبونا كوردان رهد بكهتن، چ دوير يان نێزيك خوبرێڤهبهريا كوردێن باكور ژى دێ ئاڤا بيتن…بويه دهليڤهيا خوبرێڤهبهريهكا كوردى و كوردستانى ئهگهر و بنهمايكێن وان ههنه، ل عێراقێ سهركومار كورده ( دكتور بهرههم سالح) كهسهكێ چالاك و بهرنياس و خودان تهجروبهيهكا مهزنه، رول و چالاكيێن وى زور ههنه، باوهريا من ئهوه ههول و بزاڤێن وى ژى دناڤا تهڤگهريا ناڤنهتهوهيى، ههرێمى و كوردستانى دا مجد و بكردارى ههنه و برێڤهيه بياڤهكێ باش بو عێراقهكا بهێز، بو كوردستانهكا بهختهوهر بنيات و فهراههم بكهتن، ههول و بزاڤێن وى ژى برێڤهنه و بهرهڤ پێشدا دچن، مايه هێز و كهسايهتيێن باشور، كورد و كوردستانى پشتهڤانيا وى بكهن، دهستێ وى بگرن، دهرفهتێ نهدهن بكهڤيتن ناڤا زهحمهتى و ناڤا تهلهه و خهفكێن دوژمنان، ل بهغداژى ههم دهرفهت ههنه و ههم ژى ژلايێ ههرسێ سهروكاتيان ههڤكارى و هاريكاريهكا باش دهێتن ديتن..دهرفهتێن ناڤنهتهوهيى ژى هاريكارن، لێ بمن وهره مايه سهروكاتيا ههرێمێ، دهستههلاتا باشور، ژ ڤى قهوارهيێ خوه دهربچيتن و سهر ژنوى بهزر و رامانهكا واتادار خو نويژهن و ئاڤا بكهتن، ئهوێ چهندێ ژى بزانن، شهخصهنهكرن و بنهمالى و حزبايهتيا بهرتهنگ و دهمار گير…نكاريتن سهرگێريا گهلهكێ وهكى گهلێ كورد و كوردستانى بكهتن، باشور ل دهمێ نوكه مهلبهندێ رێڤهبهريا كوردستانێ يه، ئهگهر سهرگێريهكا ساخلهم و ل گورهى ههل و مهرجێن ههيى، ل گورهى سهرگێريهكا كورد و كوردستانى بهێتن كرن، بێ شكه بهرههمهكێ باش و دهست كهڤتێن نيشتيمانى و نهتهوهيى و ديموكراسى دێ بهرههم گرن و دپاراستى بن.
رێك و چارهسهريێن گونجايى ل گورهى مهرج و كاودانێ ههيى
ل گورهى ديتانا من و لپاش ههلسهنگاندنهكا سڤيل و سهرپێ بو ههل و مهرجێن ههيى، وهسان دبينم سهركرد و سهرانێن كورد و كوردستانى يافهره ل گورهى ڤان خالان نهخشه و پلانێن خوه بو ڤێ قوناغێ جێ بجێ بكهن:
١. ئهگهر چى سهروكايهتى و دهستههلاتا ههرێمێ ل گورهى شهخصهنه و بنهمالى كرن و حزباتيهكا قورغكارى هاتينه ديزاين وئاڤهدانى كرن، لێ دهرفهت ههيه ل گورهى نهخشه و پلانێن كوردى و كوردستنى خوه ديزاين بكهن، ئيدارهدانه ساخلهم و سازى كرى، دويرژ گهندهلى و ل گورهى پرهنسپێن زانستى و سهردهمى و مهدهنى نوێنهريا گهل و وهلاتێ خوه بكهن، كهساتيهكا نيشتيمانى ئاڤابكهن و ل گورهى بهرژهوهنديێن گشتى و مهدهنى سهردهريێ بكهن، ئيدارهدانهكا سڤيل، ديموكراسى، پێشكهڤتى و بپهرهپێدانهكا ئابورى ساخلهم…پهيوهندى و تێكوشانێن ههڤسهنگ و بهرژهوهنديێن ههرێمى، ناڤنهتهوهيى بپارێزن و رهوتێ گهل پێشهوايه و ژن و گهنج سهركردهيه و رابردو و زانست بنهكوكه پهيادهبكهن و تهڤگهرهكا نيشتيمانى ژى ببهشداريا ههمى ئاليان دروست بكهن.
٢. ل گورهى ياسا و ئهو پرهنسپێن ههيى، پهيوهندى و دبلوماسيهتا خوه دگهل بهغدا پێش بێخن و دوستايهتيهكا موكوم بينا بكهن، ببن پشتهڤان و ههڤكارێن سهروك كومارى، دهرفهت زور ههنه بو كوردان پێشكهڤتنهكا مهلموس بدهست خوه بێخن.
٣. دهمێ وێ هاتيه كورد وكوردستانى دقولايا وهلاتێ خوهدا، پهيوهنديێن خوه بخورتى پێش بێخن و ئيدارهدانا خوه ژى پێشدا ببهن، ئێكهتيهكا سياسى و لهشكهرى دروست بكهن..ئهڤ دوژمنكاريا ههيى و نهخاسم ل سهرباشور ژلايێ دهولهتا توركيا بتهمى بهێتن پروتستو كرن و دهرگههێ دان و ستاندنا ئاشتيهكا براستى بهێتن ڤهكرن، دهرفهت نههێتن دانێ باشور ببيتن بنگههێ دوژمنكاريێ ل سهرئاخ و گهلێ كوردستنى.
٤. دام و دهزگايێن دهستههلاتا حكومهتا ههرێمێ ل سهر شهنگهستهيهكێ زانستى و ديموكراستى و گهل پارێزى، سهر ژنوى بهێنه ئاڤاكرن و ساخلهم كرن و ئاڤا هيێ ئابورهكێ ساخلهم و خورت بهێتن بينا كرن و ئهڤ گهندهلى و شهخصهنا ههيى بهێتن بنهبر كرن.
٥. راسته كوردستان ل گورهى شهرت و مهرجێن ناڤدهولهتى و دويرى ئيرادهيا وان هاتيه دابهش كرن و ئێكگرتنا كوردستانێ ژى ديسان زهحمهتى و مهرجێن گرانن، لێ ئێكگرتنا كورد و كوردستانيان ژى مهحال نينه و يافهر پێنگاڤێن جدى و كريارى بو بهێنه هاڤێتن…ههر نێزيك بونهكا كوردى و كوردستانى ژى ديوارهكێ دوژمنكاريێ دههرفينيتن و ديوارهكا ئێكگرتنێ ژى ئاڤهدان دكهتن..!!
ل دوماهيكێ ژى دبێژم، ئهگهر سهركردێن كوردى ژ حهزێن خوهيێن كهسوكى دابهزن و پيچهكێ داگهريانان بو ئێك دوو بكهن، دهستبهردارى شهخصهنهكرنێ و بنهمالى كرنێ ژى ببن، كاودانێ ناڤدهولهتى و ههرێمى و كوردستانى ژى باش بخوينن و تێگههشتنا وان ههبيتن، وهلات پارێزى و گهل پارێزيێ ژى ل پێشيا خوهدانن، رولێ ياسايێ بلند بكهن و داد و داپهروهريێ پياده بكهن، ئهو خهتهر و بڤاتيێن ههيى ژى باش ببينن…هينگێ دهرفهت ههيه سامان و سروهتهكێ نيشتيمانى ئاڤابكهن، حزب و عهشائير و بنهمالك و ئهو شهخصهنهيا ههيى بێخن بن بارێ نيشتيمان و گهلێ خوه…باوهريا من ئهوه ل وى دهمى ئهڤ ميراتگريه و قوركارى و بێ سهروبهريا ههيى ژى، دهرفهت هنه بنكهن سروهتهكا نيشتيمان و بو گهلى بهێتن بكارئيناندن.
اكرم خالد عبدالكريم/ سيد اكرم/ دهوك
