ديموكراسيهتا مه ناڤهكێ بێ ناڤهروكه…..!!٠
ديموكراسيهت دناڤ و ناڤهروكا خوهدا، بابهتێ كوير و دوير و خودانێ خوه دێروكهكا كهڤنار و خودان سهربورهكێ ههرى مهزن و شاناز بخوهيه، ئهڤ پهيڤه ههردبونا بهشهريهت و ژدايك بونا مروڤايهتيێ دا، وهك ههبون و بكار ئيناندن ههبويه، لێ بكارئيناندن و دهستههلاتدارى و دئيدارهدانا رێڤهريا مروڤايهتى دا، وهكى فهلسهفهيا ژيان و ئيدارهدانا گهل و حوكمرانيێ دا، ل سهردهمێ يونانى و پاشى رومانى و بسهر وان دا، هاتيه بكارئيناندن، وهكى دهستههلاتا گهلى ل سهر گهلى و بو گهلى، ئهڤجارێ چ بئاوايهكێ نهراستهو خو بيتن، يان ژى بئاواكێ راسته راست بيتن…واته بو ئيدارهدانا حوكمرانى و رێڤهبهريا گهلى، زانا و فهيلهسوفێن ههرى كهڤن، وهكى ئهفلاتون، ئهرستوى، سيسرون و گهلهكێن دى، بياڤهكێ زورێ مهزن، ژ نڤێسين و هزر و رامان و شروڤهكاريێن خوه، بو ڤى بابهتى تهرخان كرينه….!!٠
ل سهردهمێ نوى ژى، نهخاسم پشتى سهرههلدانا شورهشا فرهنسى، بكارئيناندن و رهنگڤهدانهكا ژيارى و ژيوارى دپانتاهيا دهستههلاتێن ئێك ل دويڤ ئێكێن جيهانى، هاتيه بكارئيناندن و رێڤهربهرى ل سهر ئاڤهدان بوينه ل گورهى كاودان و دهرچونێن خوه يێن تايبهتى، زانايان ژى ل سهر ناڤاروكا ديموكراسى، بوچوونێن خوه يێن فهلسهفى، ئيدارى، سياسى ههبوينه… رێڤهبرن و كارێ كريارى ل سهر كريه، جاچ بئاوا و رێڤهچونێن خوه يێن باش و سڤيل بيتن، يان ژى بئاوا و بكارئيناندنێن خراب و شهخصهنهكرى دا بيتن٠
ديموكراسى:- پێكهتنهكا جووت پهيڤيه( ديمو = دهستههلات – كوراسى = گهل)، واته دهستههلاتا گهل، يانى مروڤ ژ خوه دهستههلاتێ ههلدبژێريتن و پێ حاكمداريا خوه دكهتن، ئهڤجارێ دهستههلاتا گهل، چ بئاوايێ راسته و خو( حاكمدارى ژئاليێ مللهتى بهێنه ههلبژارتن و دهنگدان ل سهر ههلبژارتيان بهێتن دانن و ببن حاكم ل سهر گهل و ئاخا خوه…) يان ژى تاك و كومێن گهلى، دهنگا بدهنه نوينهرێن خوه( وهكى جڤاتێن(نيشتيمانى، پهرلهمان، جاميعى….) پاشى ئهڤ كوم جڤينه، دهنگێ خوه ژ پێش مللهتى ڤه بدهنه حاكمان و حاكمان ههلبژێرن و دهستنيشان بكهن، وهكى ل كوردستانێ(ههرێما باشور) كو برهنگێ دووێ دهێتن ههلبژارتن، بو رێڤهبهريا گهل و وهلاتى، كو دبنه سێ جڤات( پهرلهمان، وهزيران، دادهڤانى)دگهل جڤاتا سهروكاتيا ههرێمێ كو دبيتن پشكهك ژ دهستههلاتا جڤاتا رێڤهبهريا وهلاتى(جڤاتا جێ بهجێكار= وهزيران))٠
خوبرێڤهبرنا دهست و دارێ ئيدارهدانا خهلكى، وهكى دهستههتهكا ديموكراسى، بدهڤوك و رامانا خوهيا هزروبيران، رامان و زمانهوانى، ئيدارهدانا دهست و دارهكێ ديار كرى دههمى ئاليهكى دا، جا دهستههلات چ دهستههلاتهكا سڤيل يان ژى حكومى بيتن، چ دناڤا دهستههلاتا حوكمداريێ دابيتن، يان ژى دناڤا يهكه و پێكهاتهيێ مهدهنى(گهلى) دا، بو برێڤهبرنا دام و دهزگههێن خوه، ئهڤه بخوبخو دهربرينهكه ژ چاواتيا رامان و گهنگهشه و شروڤهكرن و برياردان و خوبرێڤهبرنا دهست و دارى، چ دناڤا چين و تويژ و پێكهاتهيێ جڤاكى يان حكومى ڤه، پهيڤا خوبرێڤهبهريا گهلى دچارچوڤهيێ كوم و جڤينێن جودا جودا بيتن يان دناڤا تاك و كومێ دا بيتن، ديموكراسيهت پهيڤهكا گشت گيره، ههمى گهل و نهتهوه و كوم جڤينان بخوڤه دگريتن، تاكو دئاليێ دينى و مهزههبى و هزرى، سياسى جڤاكى…بتاك و كومهلێن مللهتى دچارچوڤهيێ ئاخهك و دهستههلاتداريهكا ديارى كرى دا، لناڤا گهل و ئيدارهدانا دهولهتداريێ و دهستههلاتێ دا٠
وهلاتٍێ مه، وهلاتهكێ رهنگا و رهنگ و فره نهتهوه و دين و مهزههبه، دئاليێ نهتهوهيى دا، ژبلى گهلێ كوردى، گهلێن دى ژى ههنه، وهكى گهلێ(ئاشورى، ئهرمهنى، كلدانى، توركومانى، عهرهبى…)، ههرديسانێ ژئاليێ دين و مهزههبى ژى فرههيه، وهكى دين و مهزههبێن(( ئيسلامى( سونى= شافعى، حهنهفى، حهمبهلى، مالكى…)و(شيعى= عهلهوى، ئيسماعيلى، زهيدى، فاتيمى، دورزى، دوازده ئيمامى….)، (مهسيحى= كاسوليك، پروتستاند، ئهرسودوكس، نهصرانى…)، جوهى، ئێزدى(ئێزدى(ههم دينه و ههم ژى نهتهوهيه))، بابى(بهائى)، كاكهيى، سائائيبه، زهرهدهشتى(بههدينى)، خورشيدى….))، ژبلى دين و مهزههبێن كهڤن و ژناڤ چويى، وهكى( تهوتهوى، ميتهرانى، سروشت پهرست و بێ دين ژى ههنه، واته ولاتهكێ رهنگا و رهنگ، لاندكا دين و نهتهوهيان و پێكڤهژيانهكا مروڤايهتى ههبويه، لێ لێكدان و پێكدادانێن سروشتى و داگيركارى و بسهردا گرتنێن دێروكى و شاستانى، وهلات و خهلك ئێخستيه ناڤا گورينكارى و بسهرداگرتنێن نهسروشتى و گهل كوژى، بمهرهمێن نهتهوه و دين پهرستى و ژبلى قهتل و عامێن بويى، گهلێن دهڤهرێ بههمى پێكهاتهيێ خوهڤه توشى قركرن و شويشتنا نڤشى بوينه٠
پيادهكرنا ديموكراسيهتا نهژاد پهرستى
د ئهگهرێ پێكدادانێن سروشتى و نهسروشتى دا، جيهان بگشتى توشى گورانكاريێن زور مهزن بويه، چ دئاليێ جوگرافى و توبوگرافى و جيوزانستى دا، يان ژى دئاليێ جڤاكى، رهگهزى، دينى، نهتهوهيى، مهزههبى و هزروبيرێن جودا و پێكنهكرى دا، وهلاتێ مه ژ بلى لبن كارتێكرنا پێكدادانێن دێروكى، شارستانى و ژيوارى دا بويه، چ ل سهردهمێ دێروكا كهڤن دا بيتن يان ژى ل سهردهمێ دێروكا نوى ، نهخاسم پشتى شهرێ جيهانيێ ئێك و دووێ، بهردهوام وهلاتێ مه لبن ههرهشه و داگير كاريا نهتهوهيى، دينى، مهزههبى دا ژيان دزهحمهترين دهم و چاخێ خودا دهرباز كريه، بنهخاسمهيى ژلايێ دهولهت نهتهوهيا( توركى، فارسى، عهرهبى) دا، دهم و چاخێن خوه بزهحهتيهكا زورامهزن بوراندينه، ههرهشهيێن داگير كارى و ژناڤببرێ بهردهوام بوينه و بنهخاسمهيى ژلايێ دهولهتا( توركيا، سوريا، عێراق، ئيرانى..)، دناڤا ڤان ههمى داگير كارى و بسهردا گرتنان دا، ژ بلى ئاخا وهلاتێ مه زهبت كريه، داهاتێ وهلاتى تالان و وێران كريه، ريشهكێشهيا نهتهوهيى، دينى، مهزههبى، نهژادى بو گهلێ كورد و گهلێن دى( ب دين و نهتهوه ڤه..)هاتيه كرن، راسته گهلێ كورد و گهلێ ئهرمهن، وهكى دوو نهتهوهيێن داگيركرى، ل سالا1916ز دهرفهتێن باش بو هاتنه پێش، ئهڤ دوو گهله دهرفهت ههبويه ببن دهولهت، لێ بههر ئاوايێ ههبيتن، ڤان دوو گهلان دهليڤه ژ دهست داينه و نهكاريه دهولهتێن خوه دروست بكهن، لێ ههرئێك ژ گهلێ(عهرهب، تورك، فارس..)، ل پاش سالا1921ز و بسهردا، كارينه دهولهتێن خوه دروست بكهن، وهلاتێ مه ژى(كوردستانێ)، ل سهر جوگرافيا دهولهتێن خوه لێكڤهكرينه و كوردستان پارچه پارچه كريه و لبن بهندا داگيركاريهكا زالم و تژى جهڤر و جهفا داگيرى قهبيل كريه(ههرچهنده نهرازيبون بدرێژاهيا قوناغێن داگير كاريێ يا بهردهوام بويه)…ئهگهر بهرخودانا نهتهوه تورانيزما توركى بكهين، وهكى دپهرتوكا( تێزى مێژووى تورك و دوزى كورد) دا هاتى، ژ نڤێسينا پروفيسور(ئيسماعيل بێشكچى) ژ وهرگێرانا(ئهنوهر مهحهمهد ئهحمد)، لاپهرێ(9 – 14)، ل دهمێ( كومبونا گشتيا كومهلێن توركى ل 23 ئهپرلا1930ز، پروفيسور، دكتوره(عافيهت) و پروفيسور(سهبرى مهقسودى)، برهنگهكێ نهبهرئاقل بهحسا رهوريشالێن نهتهوهيا توركى دكهن، وهكى كومبهستا جڤينا نهتهوايهتى، كو(16)ئهندام پهرلهمان و وهزير و پروفيسورێن مێژوو و بهرێوهبهرێ موزهخانێ…دڤێ كومبونێ دا، رهوريشالێن نهتهوهيا خوه دگههين سهردهمێ ئادهمى، تاكو ئادهمى ب تورك پهسن دكهن، كوما نهژدادێن شارستانيهتێ(سومهرى، ئهكهدى، هيتى، مسرى، چينى، يونانى، رومانى…نهژادێن وان دبهنه سهر عێلاتێن توركى، وهكى(ئالتايى)…هيچ رهگهزهكێ شارستانى بو گهل و نهتهوهيێن دى بجهناهێلن، بهلكى گههشتيه وى رادهى ههمى گهلێن دونيا بنهژاد توركى دههژمێرن، بێى كو هيچ بهلگهيهكێ دێروكى و شارستانى و نهژادى پشتهڤانيێ ل سهر بكهن، واته يهكهمين پهرتوكا دێروكى دهردكهن، بناڤێ ( بنهمايكێن دێروكا توركى) كوژ(4)بهش و(606)لاپهرهيان پێك دهات…تهماشا بكهن هوسانێ توركێن نهژادپهرست، رهوريشالێن خوه كوير كرن، ل سهر وێ ئاخا وان داگير كرى، ژ بيرا خوه برن، كو ئهو ل سهر پشتا ههسپى هاتينه دولا ئهنادولێ، ژ بلى وێ وان زور گهل و نهتهوه يێن دى بزهربێ زورداريێ گوهارتينه سهر نهژادێ خوه٠
ئهگهر بهرخوانهكا سهرپێ ل نهژاداپهرێسيا عهرب و فارسان ژى بكهين، وهكى د(ويكيبيديا الموسوعه WIKIPEDIA.ORG) بومه بهرچاڤ دكهتن، ئومهتا عهرهبى ژ ههمى وان گهل و مللهتان دگريتن، يێن دوهلاتێن وان لناڤا سنورێن خوه ڤهدگرن و ئيسلامێ دناڤا خوهدا پاوان كرى، كهواته ههم پروسهيا عهرهب بونێ گهلێن دى قهبيل ناكهتن، ههم ژى دينێ ئيسلامێ دينهكێ عهرهبيه و بو تهعريبێ هاتيه، ئهڤه ژى يا راست نينه، چونكى ل گورهى وان ( كورد، فارس، تورك،چهركهس، بلوج، چيچان….) پرانيا وان نهتهوهيێن دسنورێ خيلافهتا ئيسلامى دا ژيانێ دكهن، پارچهيهكن ژ ئومهتا عهرهبى، واته ژبلى ئيسلام دينێ عهرهبايه، ئهو وهلاتێن روژهكێ ژ روژان لبن دهستههلاتا ئيسلاما عهرهبى، يان هاتينه سهر دينێ ئيسلامێ، ههمى ب عهرهب دهێنه ههژمار كرن و برهنگهكێ دى نهتهوهيا عهرهبى، نهتهوهيهكا سهردهسته و نهتهوهيێن دى قهبيل ناكهتن، ئهگهر مللهتهك دى ژى ههبيتن، بتنێ لق و چقێن وان بعهرب دههژمێرن… بكورت و كرمانج عهرهب رهگهزپهرستن و پێكڤهژيانێ قهبيل ناكهن، بونا ڤێ ئهنفال(بسهردا گرتن) بو وان كريارهكا رهوايه و ل دهمێ جههكى ژى بگرن، ئاخ و گهل و بها و ههمى تشتێ ل سهر وێ ئاخێ، يێ وايه و بو وان يێ حهلاله و ئهو دكارن وهكى بازرگانهك، وێ ئاخێ، وى مللهتى، وان سهر و سامانێن وان ههى، بكهن مللكێ خوه، جاچ بو خو ههلبگرن يان ژى بفروشن، بكهن ديارى، بكوژن و سهرژێ بكهن…جهێ وان گرتى بههمى مروڤ و پێكهاتهيێ، پرانيا سهرومالێ وان وهكى (ملك اليمين) سهردهريێ پێ بكهن…باشترينێ نمونان، ل سهردهمێ(محمد پێغهمبهرى) ل دهمێ ئهنفال ل سهر بهنى قورهيزه راكرين، ژ بلى ڤێ قهبيلا جوهيان، ئهو ڤهحهواندبوون، دشهرێ ئوحود و خهندهق و گهلهك شهرێن دى دا، بهرگرى ژێ كربوون، تاكو ژلايێ قورهيشيێن مهكههێ ڤه، نههاتبانه قهتل و عام كرن، بتنێ بحهجهتا تهحالفهكا نهپهنى دگهل قورهيشيان كريه، ئهنفال ل سهر راكرن(900)نههسهد زهلامێن وان كوشتن و دخهندهكاندا ڤهشارتن، مال و ملكێ وان كره پويره، كچ و ژنكێن وان كره سهبايه و ل سهخوه دابهش كرن، تاكو زاروكێن وان، دهمانگێن وان ههلددان، ئهكهر بهرێ وان مويێن رهش لێهاتباينه، ئێكسهر دا سهرێ وان برن، لێ ههمى شهرێن وان دگهل عهرهب و قورهيشيان دا، ئهڤ چهنده نههاتيه كرن، بهلكى ل گرتنا مهكههێ، ههمى گرتى ئازاد كرن و مالا ئهبوسوفيانى كره مالا سهلامهتيێ…ئهڤه باشترينێ بهلگايه كو عهرهبا ههر ل دهستپێكێ دينێ ئيسلامێ بو خوه كريه وهسيله و تهعريب پێ كريه.
ئيرانا فارسى، وهلاتهكه ل روژئاڤايێ كيشوهرێ ئاسيا، ژ رويێ سهرژمێرى، دبيتن وهلاتێ دوێ، ل روژههلاتا ناڤين پشتى مصرێ(81مليون)، ديسان ل رويێ روبهرى، دبيتن مهسترين وهلاتێ دوێ پشتى سعوديه ب دويراتيا(1،648،195كم دوجايى) و دبيتن وهلاتێ(12)دوازدێ ل دونيايێ، ههرسێ لايێن ئاسيا(روژئاڤايێ ئاسيا، ناڤهندائاسيا، خواريا ئاسيا) دگههينيتن ئێك، ئيران جهێ ئێك ژ كهڤنارترين شارستانيهتێن جيهانێيه، ئهو دبێژن ئهم خودانێن شارستانيهتا(عيلامى، ئهخمينى، سلوقيا هيلينى، پارسيين، ساسانيين…)، ل ڤێ دوماهيكێ و پشتى دهولهتا فارسيا ئيرانى هاتيه بينا كرن، وان بڤى رهنگى زنجيرهيا روبيشتهيا خوه تومار كريه(دهولهتا تاهيرى، دهولهتا صهفارى، دهولهتا سامانييون، بوهيهيين..)، ههرديسانێ وان خوه ب دهولهتا خهزنهوى و سلاجقه، تهيمورى پشت گێرددا، مهزههبێ وان ژى شيعيێن جهعفرينه…!!٠
ئيرانا فارس ئێكه ژ وان دهولهتێن نهژادپهرست، يێن مهسترين پێشێلكاريێن مافێن مروڤى لێ دهێتن پهيادهكرن، ئهندامه دكونگرهيێ ئيسلامى و وهلاتێن بێ لايهن و وهلاتێن ئوپێكدا…پشت گرێدايى ب دستورێ خويێ ل سالا1979ز هاتيه پهسند كرن، لپاش هاتنا كومارا ئيسلامى، زمانێ فارسى زمانێ وايه يێ فهرمى٠
پشتى شورهشا ئيسلامى و خومهينى، هاتينه سهر كورسيكا دهستههلاتێ، سهرههلدانا گهلێن(كوردستان، خوزستان، بلوجستان…)دهست پێ كر، لێ بئاگر و بئاسن، شورهشا ئيسلامى ئهڤ سهرههلدانه ههمى بدوماهيك ئيناندن و كومارا ئيسلاميا ئيرانى راگههان و خومهينى بو رێبهرێ وان يێ روحى…ئهگهر خويندنهكا دێروكى و شارتانى و نهژداى ل سهر فارسان بكهين، دێ بينين فارس بتنێ ههرێمهكه و ههرديسانێ دهولهتا ئيرانى ژى، تێگههشتنهكا نويه و دهولهتا بهريتانى، لپاش بدوماهيك هاتنا شهرێ جيهانيێ ئێكێ ئهڤ ناڤه بو دانايه٠
كهواته ڤان سێ نهتهوهيان(تورك، فارس، عهرهب)، دهولهتێن خوه، ل سهر بنياتێ دينى و نهتهوايهتى، بئهو پهرێ دكتاتورى ئاڤاكرنه، وهكى سێ نهتهوهيێن سهردهست، كوما نهتهوه و ديانهتێن دگهل وان و دوهلاتێن وان دا دژين، وهلاتێن وان داگير كرينه، دين ونهتهوهيێن، دى دناڤا خوه و بو خوه حهلاندن و بكار ئيناندينه، دهرفهتێن ژيان و پێكڤهژيانا مروڤايهتى ژى ئێخستنه ناڤا تونێلهكا تهنگ و تارى، بوخوه ئاليك و ئالهت، وهلات و نهتهوهيا خوه پێ ئاڤهدان و بهرفرهه كرينه. ل ڤێره گروڤهيا ههرى ديار و ئاشكرا ئهوه، دهستههلاتێن داگير كهرێن كوردستان و ب نهخاسمهيى دهستههلاتا(عهرب، فارس، تورك)كو خو دبينن د دهولهتنهوهيا(سوريا، عێراق، ئيران، توركيا)دا، ئهگهر چى دناڤا خوه دا و بو گهلێن خوه ديموكراسى و ماف پهرست بن، لێ بو كهلێ كورد و نهتهوهيێن كوردستانى، بناڤێ ديموكراسيهتێ گهلێن دى و بنهخاسمهيى گهلێ كوردى قهتل و عام دكهن و نهژاد پهرستيێ دژى گهلێ مه دكهن، لهومانێ دهستههلاتا وان ديموكراسيهتا نهژاد پهرستى دژى گهل و نهتهوهيێن كوردستان بكار ئيناندينه و ل سهر ڤێ بكارئيناندنا نهژادپهرستى و نهمروڤايهتى دبهردهوامن٠
لبن ناڤێ ديموكراسى كرنێ، كورد و كوردستان دهێنه داگرير كرن
گهلێ كورد و خهلكێ كوردستانێ بهرمايكێ گهل و نهتهوهيێن كهڤنارێن روژههلاتا ناڤينن، كو د دهردولا ميزوبوتاميا دا خودان بوينه و ئاڤهدانى و شارستانيهت داينه ئاڤاكرن، نهژادێ مه ڤهدگهرهيتن بو وان شارستانيهتێن كهڤنار يێن حوكمدارى ل روژههلاتا ناڤين دا كرى، وهكى(سومهرى، ئهكهدى، ئيلامى، كاشيانى، سوبارى، ميدى، ئوراتوو، ئهشكانى، هيتى، وارشوكانى، كلد و ئاشورى، ئهرمهنى…)، واته وهلاتێ مه، مالباتا شارستانيهت و لاندكا ديانهت و هزر و بريران بويه، راسته ههر ژ كهڤن دا وهلاتێ مه توشى داگير كارى و دوژمناتيهكا هار و دژوار بويه…لێ مهسترينێ قهتل و عام و زولم و زوردارى لڤێ سهدساليا بورى ل سهر ئاخا مه هاتيه پهياده كرن، ئێكهمين دابهشبونا مهزن ل وهلاتێ مهدا هاتيه پهياده كرن ل سالا1514ز، ل شهرێ چالديرانێ(لناڤبهرا شاه ئيسماعيل و سولتان سهليم) دا دروست بويه، گهل و وهلاتێ مه ل سهر دهولهتا صهفهويا ئيرانى و عوسمانليێن تورانى دا هاتيه دابهش كرن، دابهش كرنا دووێ ژى ل پاش بدوماهيك هاتنا شهرێ جيهانيێ ئێكێ، كوردستان ديسان هاته دابهش كرن، ل سهردهولهت نهتهوهيا(عێراق، ئيران، تورك، سوريا)، ژبلى پارچهيهك ژى، كهڤته بن دهستێ ئێكهتيا سوڤيهتى يا بهرێ( جورجيا، ئهرمهنستان)، ل گورهى پرانيا خاندن و ڤهكولينێن ديراوكى و شارستانى و شوينهوارى، گهلێ كورد گهلهكێ گهروك و مهاجر نينه، بهلكى ژ خوهزايا دولا ميزوبوتاميا ژدايك بويه، گهلێ مه حهزكرنهكا زور ههيه تهناهى و پێكڤهژيانا گهل و مللهتان بپارێزيتن، ههرديسانێ روژهكێ ژ روژان نهبويه گهف و ترس بو گهل و نهتهوهيهيێن دى، لێ بهردهوام ل سهر ئاخا خوه دهێتن كوژشتن و ژناڤبرن، گهلێ كوردى دبيتن ل ههمى دهولهت و ههرێمێن دونيايێ بكاريتن بئازادى بژيتن، لێ بتنێ ل سهر ئاخا خوه وهكى غهريبه دژيتن و دهێتن قهتل و عام كرن، لباكور بمهرهمێن دينى، تێكدانا تهناهيا دهولهتێ، شورهشا شێخ عوبهيدولاهێ نههرى، شورهشا ئاگرى، شورهشا شێخ سهعيد، شورهشا بنهمالا بهدرخانيان، سهرههلدانا مێرێن ههكارى…ئێك ل دويڤ ئێكێ هاتينه ژناڤبرن و كوشتارگههێن زور مهزن ژى دژى وانان هاتيهنه پهيادهكرن، ل سهردهمێ دێروكا نوى ژى كهمال ئهتاتورك و عصمهت ئهنينوى و دهستههلاتدارێن دسهرواندا، نهههر دهرفهتێن ژيانا ئازاد ل گهلێ كوردى چونهكرن، بهلكى كوردستان كره بنگههێ شهرهكێ خويناوى و بمليونان كورد ژ سهر ئاخا وان ڤهگوهاستن و توشى رهشه كوژى و كوچبهريێ بون، ئهڤه نێزيكى(40)چل سالێن تهمامه، شهرهكێ خويناوى و پهيادهكرنێن نهمروڤايهتى ل باكور دژى تهڤگهرا ئازادى و گهلێ مهيێ كوردى ددهنه هاژوتن، ژ بلى كوشتارگهه و دهربهردهريێن دروست بوين، زێدهى(4000)چار هزار گوندان هاتينه چول كرن، بههزارهها كوشتى و دوو هندى وان بريندار و بهرزهبويى ههنه، زێدهى(45000)چل و پێنج هزار كوردا ژيانهكا پرى مهترسى لناڤا زيندانێن سياسيێن توركيا برێڤهدبهن، نێزيك(3000)سێ هزار كادروسهركردێن كوردان دناڤا ڤان سێ، چار سالا ن دا بنارهوايهتى ئێخستنه كونجێن زيندانان، بيست ساله سهركرده و زانايێ مهزنێ كورد(عبدالله ئوجهلان) دوير ژههمى ياسا و پرهنسهپێن ئهخلاقى و ياسايى، بپلانهكا ناڤدهولهتى ئێخستيه ناڤا زيندانا ئيمرالى و ژبلى وێ ژى ئێخستيه ناڤا گوشهگيريهكا مهزن و دهرفهتێ نادهن كهس و كار و پارێزهرێن وى سهردانا وى بكهن، كورد ل سهرئاخا خوه شهرێ بهرهڤانيێ ل سهر سادهترين ماف و ئازاديێن خوه دكهن، دبێژنێ هوين تيرورستن و ژياسايێ دهرچوينه، برهنگێ مهدهنى و ديموكراسى مومارهسهيا مافێن خوه دكهن و كورسيكێن پهرلهمانى بدهنگێن خوه وهردگرن، ديسان گونههباريا پشتهڤانيا تيرورێ ددهنه پال وان و دئێخن ناڤا كونجێن زيندانا، توركيا تورانى و رهگهز پهرست ئهوه ل سالا1923ز تاكو روژا ئهڤروكه بوخوه، لناڤا خوهدا دهستههلاتێ برهنگهكێ ديموكراسى بكار دينن، لێ ديسان ئهڤ ديموكراسيهته ژكوردان و نهتهوهيێن دى ناگريتن و ههمى دهرفهتێن ژيانا ئازاد لێ ئاستهنگى كرينه و بهردهوام ژيانێ لبن گهفێن مرنێ دكهن٠
ئهگهر ئهم لێ نێرينهكا سهرپێ ل دێروكا دهولهتا ئيرانێ بكهين، ههر ژ سهردهمێ دهولهتا صهفهوى، قاجارى، شاهنشاهى تاكو دگههيتن سهر دهمێ جمهوريهتا ئيسلاميا ئيرانى، ديسان بهردهوام كورد دهێنه كوشتن و بێ ماف كرن، دهێنه گرتن و دهركرن…ئێك ل دويڤ ئێك شورهش و سهرههلدانێ گهلێ مهيێ روژههلاتێ دهێنه سهركوت كرن، شورهشا سمكويێ شكاك، كومارا مهابات، شورهشا ديموكراسى يا گهلێ كوردى، بئاگر و ئاسن دهێتن بهرسڤدان و ماف و ئازاديێن وانان دهێنه چونه كرن، نهژادێ وان دهێتن قهلاندن و ژسهر ئاخا وان دهێنه دهركرن و كوچبهرى دونيايێ دبن، ههتا بنهمايكێن ژيانێ ل وهلاتى ئێخستينه ناڤا زهحمهتهيهكا زورا مهزن دا، ژبلى گرتنا خهلكێ سڤيل بمهرهما سياسى، كوشتنا شهركهران، ژيانا كولبهريێ ئێخستيه ناڤا مهترسيهكا زورا مهزن، روژ نينه كومهكا كولبهران ل سهر سنوران نههێتن كوشتن، واته كێمترينێ مافێ ژيانێ ژ كوردانرا كريه دهرگهههكێ گرتى و پرسهكا مشتى مهترسى…لناڤا خوهژى ديموكراسى و ئاشتى خوازن، لێ ديموكراسى و ئاشتيا وان بو كوردان و بونا نهتهوهيێن ئازاديخواز، بويه جهههنهمهك تژى نههامهتى٠
ل روژئاڤا، ديسان ژيان دناڤا زهحمهتيهكا زورا مهزن دهربز دبيتن، تاكو ژ ههژى بهلگهنامهيا ناسنامهيا نيشتيمانى نههاتنه ديتن…واته كوچبهرن ل سهر ئاخ و لناڤا وهلاتێ خوهدا، لباشور ژى پرانيا شورهش و سهرههلدانێن كوردان( كومارا شێخ مهحمودى، سهرههلدانێن بارزان، شورهشا ئهيلول و گولانێ، بئهنفال و كوشت و كوشتارگهه و كيميابان و كوچبهريێن بكوم هاتنه بدوماهيك ئيناندن(ههرچهنده شورهشێن باشورى ل گورهى ئهركێ خوهيێ نيشتيمانى و نهتهوهيى و مروڤايهتى، سهردهرى نهكريه و لناڤا كێم و كاسيێن مهزن دا خهبات كريه..)، ل ڤى سهردهمى ژى لبن گهفێن دهولهتا داعش خهريكه خلاس ببن، لێ خهريكه تيرورهك و كوشتارگهههك و بسهردا گرتنهكا دى، بهلايهكا نوى بو گهلێ مه، بو وهلاتێ مه بداهينن و ژيانێ لێ بكهنه زهيقهت و زهحمهتى٠
كهواته، كوما گهل و نهتهوهيێن داگير كهرێن كورد و كوردستانى، بێى هيچ جوداهيك، ئهگه بوخوه ديموكراسى بن، بو مه نهژاد پهرست و دكتاتورن، ئهگهر ماف و ئازاديان بو گهلێن خوه پيادهبكهن، بو گهلێ مه داگير كهرن و ژيانا خهلكێ مه دئێخنه بن زهحمهت ترينێ تهنگاڤيێن ژيانێ…بويه ئهم وێ راست دبێژن، گهلێن داگير كهرێن كورد و كوردستانى، ئهگهر بو خوه ديموكرسى بن، لێ بومه داگير كهر و دكتاتورێن بێ ناڤبرن٠
