گازيهك بلهز بو ههمى دام و دهزگههێن بهرپرسيارێن حكومهتا ههرێمێ، يێن پهيوهنديدار/ دام و دهزگههێن مهدهنى و دبلوماسى و راگههاندنێ
اكرم خالد عبدالكريم/سيد اكرم/ دهوك
گازيهك بلهز بو ههمى دام و دهزگههێن بهرپرسيارێن حكومهتا ههرێمێ، يێن پهيوهنديدار/ دام و دهزگههێن مهدهنى و دبلوماسى و راگههاندنێ…!!
داخازيا بلهزبهردانا ههمى گرتيێن بويهرا(شێلادزێ)دكهين، دوپاتيا وێ دكهين گرتن و كوشتن و ئهزيهتدانا خهلكێ سڤل و ئازاديخواز، كريارهكا نهمروڤايهتى و نهنيشتيمانيه، ئهڤ ئازاديخوازێن دهێن گرتن و ئێشاندن، كومهكا مروڤێن مروڤ پهروهر و ئازاديخوازن، نيشتيمان پهروهر و نهتهوه پارێزن، كهسانێن خهباتگێر و خهمخورێن دوزا گهل و وهلاتێ خوهنه، بو دهستههلاتا حوكمهتا ههرێمێ شهرمهك و فهێتيهكا زورا مهزنه، ڤان ژێگرتيێن مافپهروهر و زهحمهتكێشن بگرن و ئهزيهت بدهن، نهخاسم ل دهمهكى دهولهتا توركيا يا تورانى و رهگهز پهرست، روژانه كهس و كارێن وان دكوژيتن، بريندار دكهتن، ناهێليتن ل سهرمال و حالێن خوه خوجهببن، ئهوا توركيا دبێژيت و داكوكيێ ل سهر دكهتن، داگيركاريا وان دژى تيرور و تيرورستايه، چ راستى و بنهكوك بو نينن، چونكى يا رون و ئاشكرايه، ئهوا دهولهتا توركى دكهتن تيروره و بهلكى حهلاندنا نفشيه، دژى مللهتێ مه و داگيركرنا وهلاتێێ مهيه…زێدهى بيست سالايه، برهنگهكێ نهياسايى و نهمروڤايهتى، كارێن داگيركرنێ ل سهر ئاخ و گهلێ مه پياده دكهن، كهس و كارێن مه قهتل و عام دكهن، تهناهيا وهلاتى و گوندێن مه تێك ددهتن، يا دروست ئهوه، ههر چى زويه هێزێن داگيركهرێن توركى، ژ وهلاتێ مه بهێنه دهركرن، تهناهى و ژيانا وهلاتيێن مه بهێتن دابين كرن…گرتن و كوشتنا خهلكێ ئازاديخواز و نيشتيمان پهروهر بئهگهرێ(تێكدانێ) و نهخاسم دژى بهرهنگاريا لهشكهرێ توركيا، ل سهر گهل و وهلاتێ مه، زولم و زورداريهكا مهزنه و كارهكێ نهدرێدايه، ههرديسان چارهسهريا ئهوا حوكمهت داخاز دكهتن، بڤى ئاواى ناهێتن كرن، ئهڤ پێرابونه، دێ بنه ئهگهرێ تورهبون و بێزاريا خهلكێ مه، ناڤ و دهنگێ حوكمهت و دهستههلاتا مه، دێ پێ خراب بيتن، كورد و كوردستان دێ پێ نهشرين بيتن، برينێن خهلكى دكويرن و ئهو برينه دێ كويرترێ لێ هێن و تورهبون دێ گههيتن كوپيتكا نهرازيبوون و بهرسينگرتنا دهستههلاتێ…لهومانێ يا فهره و بلهزه، ئهڤ كهسايهتى و ئازادخازێن نيشتيمانپهوهرێن گرتنى بهێن بهردان، ههرديسان ژى يافهرترێ، ئهوه ئێش و ژانێن وان برهنگهكێ لوجيكى و مروڤايهتى بهێنه وهرگرتن و چارهسهر كرن، ئهگهر كريارهكا نهدرێدا، يان ژى ياساشكێنيهك ژى هاتيه كرن، دهستههلات دڤێتن برهحم و سينگهكێ فرهه و روحا مروڤايهتى، گازى بكهتن و دان و ستاندنێ دگهل دا بكهتن و چارهسهريێن زانستى و مافپهروهرى، بو ئێش و ژانێن خهلكێ خوه بكهتن، ئهز باوهرم ژى، ئهگهر دان و ستاندنهكا دروست و زانستى، دگهل ڤان كهسانێن هێژا دا بێتن كرن، ئهڤ كهسه دێ بنه ئهگهرێن چارهسهريا زور ئێش و ژانێن نيشتيمانى و نهتهوه پارێزى، خهم خورن و ل دويڤ چارهسهريا، خهمێن خهلكێ خو دگهرهن، برهنگهكێ چالاك و ببزاڤێن ژ ههژى كار دكهن و بهشدارێن ههماههنگى و سارێژكرنا برين و ئێش و ژانێن خهلكێ ههرێمێنه، لهومانێ جارهك دى دێ بێژم، بهردان و ئازاد كرنا ڤان كهسايهتيا داخازيا مهيه و داخازيا خهلكێ كوردستانێيه.
اكرم خالد عبدالكريم/سيد اكرم/ دهوك/
