!! چار هه‌يڤ ده‌ربازبوون كانێ حوكمه‌ت؟
چار هه‌يڤ ده‌ربازبوون كانێ حوكمه‌ت…!!
اكرم خالد عبدالكريم/سيد اكرم/دهوك
(٢٨)بيست و هه‌شت سال ده‌رباز بوون، كابينه ل سه‌ر كابينێ، حوكمه‌ت ل دويڤ حوكمه‌تێ، دبێن ڤێ جارێ حكومه‌ت، دێ حكومه‌تا چاكسازى و پاكسازيێ بيتن، پروژه و خزمه‌نگوزارى دێ زه‌حف و بله‌ز بن، ژيان دێ پێشداچيتن، دێ بيتن شاما شه‌ريف…به‌لێ حكومه‌ت بسه‌ر و به‌ر، بوه‌زير و هه‌ڤوه‌زير…دێ هێن گهورين، گوهورين ڤێ جارێ دێ درهوريشالى بن…باشه حكومه‌ت هێشتا ژدايك نه‌بويه، ئان دێ بيتن و ئان نابيتن، بێ كارى ته‌هليكه‌يه، موچه نيڤ و چارێكن، پاشكه‌ڤتا موچه‌ى هه‌ريا به‌رده‌وامه، تيداره په‌لوسه كرنه، ره‌شوه و واسته‌كارى بويه سسته‌م، ئه‌گه‌ر خودانێ داخازێ، دگه‌ل داخازيا خونه‌بيتن، داخازيى برێڤه ناچيتن، دسه‌روێ دا، دڤێتن جار جار ده‌ستێ خو بده‌تن به‌ريكا، تشته‌كى بنه‌په‌نى بده‌تن ڤى يان يێ دى، دێ بلا وه‌سا بيتن، مانێ قه‌يرانه، موچه گيرو دبن و تێرا مه‌سروفاتێ مالێ ناكه‌ن، قستێ خانى نه‌دايه، قستێ سه‌يارێ نه‌هاتيه ده‌فع كرن، پارێ ئاڤێ، كاره‌با حكومى، كاره‌با موه‌ليده‌ى، نه‌هاتيه دانێ، ده‌ينێن دوكانێ يێن ل سه‌رك ستوير بوين…!!
ئه‌رێ حكومه‌تا نوى دێ كه‌نگى ژدايك بى…!!
ئه‌رێ گه‌لا حكومه‌ت دێ وه‌ك به‌رێ بيتن، يان ژى دێ بيتن شاما شه‌ريف، خه‌ريكه چار هه‌يف ده‌بازبوون، دان و ستاندن گه‌لك دسست و خاڤن، شاندێن دان و ستانكار شلوقه و ژ به‌رك چووينه، دێ چن و ناچن، سه‌ردانا دێ كه‌ن و ناكه‌ن، دێ پێك هێن و پێك ناهێن، هه‌ر فراكسيونه‌ك دناڤا خودايا ئالوزه، هه‌ر حزب و ناڤخويا خو پێكنه‌هاتى و پێكنه‌كرينه، شاندێن دان و ستانكار، ل ده‌مێ سه‌ردانا ئێك دوو ژى دكه‌ن، سست و خاڤن، لێدوان ناروهن و نه‌پێكهاتينه، گوتن و لێدوانێن جواد جودا و ئێك نه‌گرتى دهێنه دانێ، كى دێ به‌شدار بيتن و كيژان ژى به‌شدار نابيتن و دێ بيتن ئوپوزيسيون، فرانكسوينا گوران، (على حه‌مه سالح) دبێژيتن ئه‌م 50% دێ به‌شدار بين، واته نيڤه بنيڤه، چتبه‌كتانێيه! يان دێ به‌شدار بن يان نابه‌شداربن، سه‌فينا وان لنيڤا به‌حرێيه، يان بسلامه‌تى ده‌ربه‌زى ده‌ريايى بيتن، يان ده‌باز نابيتن، دوعابكه‌ن، صه‌له‌واتان بده‌ن نه‌خه‌ندقن…جارا دى وان و پارتى ئێك و گه‌ڤزكا ئێك و دوو دكر! به‌لێ ڤێ جارێ ئه‌و بخو حه‌سيانه، زانيه خه‌له‌تى كريه، دبێن پارتييێ ژى خه‌له‌تى كر، دناڤبه‌را خراب و خرابترێ، خراب هه‌لبژارت…لێ پارتى داخازيا لێبورينێ نه‌كريه، يانى بخودا ناچيتن و قه‌بيل ناكه‌تن يا خه‌له‌ته!
بهه‌رحال دياره ددل دا گوران بريارا خودايه به‌شدارى حكومه‌تێ ب بيتن، به‌لێ ل هێڤيا كێكێيه و ڤێ جارێ كێكا خو ژ ده‌ست ناده‌تن، ئه‌گه‌ر كێك ب به‌روان بكه‌ڤيتن! دبيتن به‌هرا خويا كێكێ به‌رنه‌ده‌ن! دبيتن تشته‌ك بده‌ست بكه‌ڤيتن! بهه‌رحال ڤێ جارێ گردێ زه‌رده‌كه، ب ئاقل چويه دانوستاندنێ، به‌لێ گوران ماهر و هزرمه‌نديا خو بكارئينايه، دا بگورن…!
پشتى شاندێ پارتى دگه‌ل شاندێ دان و ستندكارێ(ينك)، زور دان و ستاندن و سياسه‌ت و دبلوسيه‌تا خو بكار ئيناندى، دياره ئه‌ڤروكه بريار دايه پێك بهێن، به‌لێ سێ ليژنه دروست كرنه و پروژێن هه‌ڤبه‌ش دێ بو بريار دانێ ئاماده‌كه‌ن، ل(18/2/2019) كوبونا په‌رله‌مانى دێ هێتن گرێدان، دياره سه‌روك و جێگرێ په‌رله‌مانى دێ هێن ده‌ستنيشان كرن، سه‌روك بو (ينك) و جێگر بو(پارتى)، دياره ژێگرتن دێ لناڤبه‌را دوو خانمان دا بيتن…بهه‌رحال هنده‌ك ژ سه‌روسيمايێن، حوكمه‌تێ خه‌ريكه ديار ببن، يان دێ حكومه‌ت ژدايك بيتن و يان ژى هه‌ر دێ ژدايك بيتن…دياره هه‌ستيارى ئالزينه و گه‌رماتى گه‌هشتيه وى راده‌ى، ئێدى دڤێتن حكومه‌ت ژدايك ببيتن، دناڤبه‌را پارتى و ينك دا، پارێزگارێ كه‌ركوكێ بو ينك ئێك لابويه، دێ ل (18)هه‌ژده‌يى مهێ فراكسيونا پارتى ژى دجڤاتا پارێزگه‌ها كه‌ركوكێ دا به‌شدار بيتن، مايه چت و كتانێ، ل سه‌ر وه‌زيرێ (دادا عێراقێ) يان بو پارتى و يان بو ينك، بهه‌ر حال كتبه و سورانێ خه‌ريكه مسوگه‌ر ببيتن!! به‌لێ جه‌ماوه‌رێ خوشتڤى ڤێ جارێ حكومه‌ت دێ ژدايك بيتن، حكومه‌تا ڤێ جارێ جووت سه‌نگوره، وه‌لاهى جووت و نيڤه…ئێك ل به‌غداد، ئێك لهه‌ولێر، پارێزگه‌رێ كه‌ركوك ژى نيڤ حكومه‌ته…!!
ئه‌ڤجار گه‌لێ مه‌ى خوراگر و قوربانيده‌ر، خو ئاماده‌كه‌ن، حكومه‌ت دێ زێتن، جمكه‌ك و نيڤا ئينيتن…ئه‌ڤجارێ چاڤێ سه‌رى، قه‌يران و مه‌يران نامينن، چاكسازى و پاكسازى دێ هێن كرن، پاشه‌كه‌وتى موچه‌ى نامينيتن، رێك د ده‌مێ خودا موچه دێ هێن دابه‌ش كرن، پروژه ل سه‌ر پروژه‌ى دێ هێن بجهكرن، هاڤينه‌هه‌وار دێ گازى كه‌ن…بهار دێ بيتن دوو بهار، ماشالله به‌فروبان ژى زور هاتينه و ئاڤا سيلاڤان زێده‌بويه، ئه‌ڤجار به‌ريك دێ تژى پاره‌بن و كه‌شت و سه‌يران دێ فه‌ر بن و بنه واجب…!
!!مه‌رحه‌با ئوپوزيسون…دێ هه‌بن نابن
دبێژن شاسوارى و نه‌وه‌ى نوێ خو به‌رهه‌ڤ كريه، ئوپوزيسيونن، به‌لێ دێ بنه ئوپوزيسيون! دێ ئه‌و گه‌نج و نويهاتينه، به‌لێ زه‌نگين و خودان پروژه نه، به‌حسا ته‌جروبا ئيسرائيل و ئيسلاما سه‌رده‌مێ (هارون الرشيد) دكر، و كه‌لتورێ عه‌باسيان دێ لبه‌ر مللێن خوه كه‌ن، دێ هێن كه‌نه ناڤ پێشكه‌ڤتنا ئيسرايلى، نه‌تانياهوى دێ ئينن كوردستانێ، به‌لێ ئه‌و سه‌مته، پيچه‌كێ بو من بويه ئارێشه، ناروهنيه‌ك هه‌يه! ئه‌رێ گه‌لا ئه‌ڤه(1400)هزار و چارسه‌د ساله ئيسلامى خه‌له‌تى و خه‌تايێن خو دكه‌ن ستويێ ئيسرائيلى، هه‌روه‌چكى ئيسرائيل رێگره هه‌مبه‌رى پێشكه‌ڤتنا وانا! پسيار ئه‌وه گه‌لا ئه‌ڤ هه‌ڤالێن نه‌وه‌ى نوێ، دێ چاوان كولتور و كه‌دا زانستێ ئيسلامى وئيسرائيلى تێكه‌ل كه‌ن، بێ به‌رئێك كه‌ڤتن…دووعا بكه‌ن، ئه‌گه‌ر به‌رئێك كه‌ڤتن ژى دروست بو! به‌رئێك كه‌ڤتنه‌كا كێم زيان بيتن
!دابێنه سه‌ر ره‌وشا قه‌واره و حزبێن ئيسلامى
يا ئاشكرايه مه دحالێ دا سێ قه‌واره‌يێن حزبى ئيسلامى هه‌نه، بزاڤا ئيسلامى، شاكارا خودێ ژێرازى مه‌لا عبدالعزيز هه‌له‌بچه‌يى، كو نوكه به‌رێز مه‌لا ئيحسان عبدالعزيز رابه‌ريا وێ دكه‌تن، هه‌ر چه‌نده كه‌ڤنترين كيانه، لێ دبيتن بچيكترين قه‌وارێ ئيسلامى بيتن، قه‌واره‌يێ دووان كومه‌لا ئيسلاميه ب ره‌هبه‌ريا ماموستا مه‌لا عه‌لى باپير، دبيتن نوكه بهێزترين و خوه‌ديا باشترين و روهنترين سياسه‌ت بيتن، دياره ژى ئه‌ڤ حزبه خه‌ريكه به‌رڤ مه‌ده‌نيه‌ت و سياسه‌ته‌كا نيشتيمانى گاڤان دهاڤێژيتن و پێشدا دچيتن، لێ نوزانم بو چى پارتى دێ سه‌رده‌نا وان كه‌تن، يان ناكه‌تن! دێ به‌شدار بن يان نابه‌شدارنابن! ل ده‌مه‌كى دوستێن پارتى بوينه، لێ لڤان دوو كابينه‌يێن بورى، ركابه‌ريه‌كا مه‌زن دژى پارتى دكر، موكور بون، ل سه‌ر به‌رنامه و پياده‌كرنا پروژه‌يێ خو، هه‌ر ئه‌ڤه دبيتن ئه‌گه‌رێ زويركرنا پارتى بيتن! بهه‌رحال ئه‌م دێ چاڤه‌رێ بين و يا د ديزكێ دێ هێتن شكه‌ڤكێ.
دابێينه سه‌ر حزبا( يه‌كگرتووى ئيسلامى)، ئه‌ڤێ حزبێ هه‌ر ل ده‌ستپێكێ و تاكو نوكه، سياسه‌تك و مه‌له‌ڤانيه‌كا ئه‌نتيكه‌يا سياسى كريه، جار دوستێن سعوديه و خه‌ليجينه، جاران ژى، نه‌وه‌لا هه‌رجاريى دوست و موعجبێن ئاق پارتى و سه‌ركردێ وێ، ره‌جه‌ب ته‌ييبينه!
ژبلى بنڤايه‌تيه‌كا پارتى، هه‌ڤال گه‌ماريا پارتى ژى هه‌بويه، ژبلى وێ ده‌ستهه‌لات بونه و مفادار ژى بوينه…لێ ل ڤێ به‌ينێ و ل وێ به‌ينێ، دياره سه‌رك هه‌لبون و بنڤه‌بنڤانكا وان ژى، تشته‌ك ژێ ديار بويه! له‌ومان ژى ل دوماهيك گه‌را هه‌لبژارتنێ خويكا خودا، نيڤ بنيڤ، ڤێ گه‌رێ ده‌باز بوون! دێ دبێژن يێن بخودا دچن، ئه‌گه‌ر بخودا بچن تشته‌كێ باشه!
دا گه‌له‌ك گووتن و شروڤه‌كاريان نه‌كه‌ين و ژ سنورێ خو ده‌رباز نه‌بين، لێ ئه‌گه‌ر ژ مه قه‌بيل بكه‌ن، دێ هنده‌ك پێشنياران، بو ڤان هێزێن ئيسلامى كه‌ين، هيڤيدارين ژ پێشنيار و ره‌خنه‌يێن مه توره نه‌بن و بدله‌كێ تژى حه‌ز ژێكرن و سود وه‌رگرتن وه‌ربگرن! مه‌ره‌ما مه ژى بتنێ خزمه‌ت و پێشداچوونا وايه، ئه‌گه‌ر ژ مه قه‌بيل بكه‌ن!!
1- ئه‌ڤ سێ حزبه بمن وه‌ره، ئه‌گه‌ر ببن ئێك كيان، يان ئێكه‌تيه‌كێ دناڤا خودا، بره‌نگه‌كى ژ ره‌نگان دروست بكه‌ن، بمن وه‌ره دێ پێترێ خزمه‌تێ كه‌ن و دێ كارتێكرنا وان ژى باشترێ و بشه‌وق ترێ بيتن.
2- د سياسه‌تا خودا، بمن وه‌ره دوورا وێ ئێكێ هاتيه، دين و سياسه‌تێ ژێك جودا بكه‌ن، دين تاعه‌تێ خودايه، ئه‌رك و مافێن خو يێن دينى جودابكه‌ن و تێكه‌لى سياسه‌ت و ئيداره دانێ نه‌كه‌ن( مال لمالباتێ، تاعه‌ت لمزگه‌فتێ، ئيداره‌دان ل دائيرێ، حزبايه‌تى لباره‌گايێ حزبى…)، چونكى هزر و وه‌زيفێ دينى كرياره‌كه لناڤبه‌را خودايى و عه‌بدى!! لێ ده‌وله‌تدارى ئه‌ركه‌كێ دونيايه لناڤبه‌را مروڤان و ئه‌ردى، گه‌ره‌كه ژێك بهێنه جودا كرن( هيڤيخازم ئه‌ڤ گوتنه خه‌له‌ت نه‌هێت وه‌رگرتن و راڤه‌كرن..).
3- د وه‌لاتێ مه‌دا، كوردستانێ(نه‌خاسم لباشور)، ئاخا مه لبن داگير كرنێيه، نه‌ته‌وا مه ل بن مه‌ترسيا ژناڤبرنێيه، مروڤێ مه خويكه‌كا زورا مه‌زن ل سه‌ره، ماف و ئازاديێن مه بوينه گه‌ف و ترسا مرنێ…بويه گرنگ دبينم، پارتيێن مه يێن ئيسلامى، رێك و رێڤه‌چونێن نيشتيمانى، نه‌ته‌وه‌يى، مروڤايه‌تى…بێخنه پێشيا به‌رنامه‌يێن دى…!
كورته گووتن و سه‌رئه‌نجام:
گه‌لا خه‌ريكه سه‌روچاڤێن حكومه‌تێ يێن ديار دبن! ئه‌ڤ حكومه‌تا هه‌زقى، خه‌ريكه، ژدايك ببيتن! دياره ژى دێ حكومه‌ته‌كا سێ كوچكه‌يى بيتن(( پارتى، يه‌كێتى نيشتيمانى، بزاڤا گورن..))، دبيتن ل دوماهيكێ هنده‌ك سه‌ر و به‌رپه‌لكێن دى ژى هه‌بن…بهه‌رحال، شك تێدا نينه، توركومان و مه‌سيحى…دێ جهى دڤێ كابينێ دا گرن! واته سێ كوچكێ مه دێ بيتن چه‌ند كوچكه‌كێ چوكدايى! ئه‌گه‌ر ئه‌ڤێ حكومه‌تێ، ئه‌و وێره‌كى هه‌بيتن…ده‌ست بچاكسازى و پاكسازيێن راست و دروست بكه‌ن! سياسه‌ته‌كا راست و ره‌هوان ل به‌رخو بگرن! ئه‌وێن دبنه ئوپوزيسيون، ئوپوزيسيونه‌كا راست و دروست بن! ئه‌وێن دچن ناڤا حكومه‌تێ ژى، براستى و دروستاهى حوكمداريێ بكه‌ن! سياسه‌ته‌كا راست و روهن هه‌بيتن! بئێك به‌رنامه بچن به‌غدا! بئێك به‌رنامه سياسه‌تا ده‌رڤه و هه‌رێمى په‌ياده بكه‌ن! ئيداره‌دانه‌كا بحكمه‌ت و شه‌فاف بنواشه بكه‌ن و بده‌نه هاژووتن!!…حكومه‌ت ژ خه‌لكى و بو خه‌لكى بيتن! ئه‌ڤه قه‌يران نه‌مان، ره‌شوه و سه‌خته‌كارى نه‌مان، موچه و پروژه بدروستى دێ هێن برێڤه‌برن، كه‌ساتيا مروڤێ كوردستانى، پاراستنا وه‌لات و ده‌ستكه‌ڤتنان، ماف و ئازادى دێ جهگرن و به‌رقرار بن..ئه‌گه‌ر جهبگرن و به‌رقرابن…براستى ژى ئه‌ڤ وه‌لاته و ئه‌ڤ حكومه‌تێن مه، سه‌يروسه‌مه‌ره و عه‌نتيكه‌نه! هه‌مى تشت، بير و هزر، پياده‌كرن و رێڤه‌برن عه‌نتيكه و دشكێدانه، له‌و دبێژم يان دێ بيتن، يان نابيتن، ژيان كتبه سورانێيه، خودێ يار و هاريكار بيتن.
جاره‌ك دى دووباره‌دكه‌م و دخازم ئه‌گه‌ر ره‌خنيه‌ك گران و گوتنه‌ك نه‌دجهدا مه‌كربيتن، داخازيا لێ بورينێ دكه‌م و دبێژم مه بتنێ مه‌ره‌م خزمه‌ته..!!
اكرم خالد عبدالكريم/ سيد اكرم/ دهوك
