کارەکێ گەلەک باش بو دەستەلاتێ چالاکڤانێن شێلادزێ ئازادکرین، بەلێ گەلەک باشتر بو دەستەلاتێ کەس دەستەسەرنەکربا
کارەکێ گەلەک باش بو دەستەلاتێ چالاکڤانێن شێلادزێ ئازادکرین، بەلێ گەلەک باشتر بو دەستەلاتێ کەس دەستەسەرنەکربا!
پشتی ٤٤ روژان چالاکڤانێن شێلادزێ هاتنە ئازادکرن ژ لایێ دەستەلاتا باشورڤە. گرتنا چالاکڤانێن شێلادزی ژلایێ دەستەلاتێ ڤە کارەکێ نەیێ کوردایەتی بو شاشیەکا مەزن بو ژ لایێ دەستەلاتێڤە. ژ بەر وێ چەندێ گەلەک لێدوانێن نەرازیێ د سوشیال میدیا هاتنە بەلاڤکرن. کارەکێ نەرێنی هەبو ل سەررێڤەبرنا دەستەلاتا باشور.هەتا وی رادەی گوڤارێن ئەوروپی و ئەمریکی نەرازیبونەکا بەرچاڤ نیشان خەلکێ خوەدا. دڤێت دەستەلاتا باشور خوە ژڤان کریارو رەفتارێن نە کورد پەروەری دیرکەت دا هەردەم ب دیموکراسی ل قەلەم بدەن نە بن دکتاتورو ئامراز ددەستێ نەیارادا. روژ بو روژێ دێ دلێ خەلکێ مە ژێ ساربیت گەرماتیا کوردینیێ دێ گەلەک کێم بیت ئەڤەژی نە د بەرژەوەندیا کوردان دایە. ئەگەر کەسەک ژ لایێ دەستەلاتێ نەهاتبان دەستەسەرکرن ئەڤ گێلەشوکە چ روی نەددا و کەسێ دەستەلات ب دکتاتور ل قەلەم نەددا. چ مژارێن نەباش ل سەر دەستەلاتێ نەدهاتنە نڤێسین. یا ژهەمیێ گرنگتر خەلک دا دەستەلاتێ دانن کورد پەروەر و شورەشگێر و خەلکەکێ مەزن دا پشتەڤانیا دەستەلاتێ کەن. بتنێ دا دوژمنێن کوردان گازندا کەن ئەوژی ب رێکێن دبلوماسی دا هێنە چارەسەرکرن. هەر ئەگەر چ بن دەستەلاتێ کارەکێ گەلەک باش بو کری دەستەلاتێ چالاکڤانێن شێلادزی ئازادکرین بەلێ گەلەک باشتر بو کەسەک دەستەسەرنەکربا.
هەر بو زانین دخوە نیشاندانێن جەماوەری ل دەڤەرا شێلادزی لدژی هێزێن تورکیا ل وێ دەڤەرێ نەرازی بونەک پەیدا بو لجەم سەرکردێن تورکیا . ددەمەکێ کێم دا، ئەردوگانی سەروکێ تورکیا، ئەو خوەنیشاندان ئێخستە ستویێ پەکەکێ دا. ددیڤدا حکومەتا هەرێمێ ئەڤ سەرهلدانا خەلکێ دەڤەرا شێلادزی ب کارەکێ نەرەوا ل قەلەمدا. پاشی گەلەک چالاکڤان و خەلکێ سڤیل هاتنە دەستەسەرکرن ژ لایێ هێزێن پاراستنێڤە پشتی نەچەگەهانێن “ن ر ت’ دەستە سەرکرین. خەلکەکێ زێدە د ناڤ سوشیەل میدیادا نەرازیبونا خوە دیارکر و دبێژن دڤێت بەرپرسێن هەرێمێ پشتەڤانیا خەلکێ دەڤەرێ کربا. چونکێ روژانە فروکێن جەنگییێن تورکیا هێرشان دکەن سەر دەڤەری ب دەهان کوردستانی دێنە شەهید کرن و ب دەهان بریندار کرینە ژ بلی زیانێن مادی و ترس ئێخستن ددلێ خەلکید.
ئەڤە دەلیڤەک بو بو خەلکێ دەڤەرێ ڤێ زورداریێ نەهێلن و هەروەسا بەرسڤەک بو تورکیاو بێژن دەستەلاتا تورکیا ئێدی بەسە بو هێرشان ل سەر دەڤەرێ. بەلێ جهێ داخێیە خەلکێ دەڤەرێ گەلەک ب حکومەتا کوردستانێ پشتگەرم نینن، چونکی خەلکێ دەڤەرێ نە خەما وانا ئێکێ یە بەلکی بەرژەوەندیێن ئابوری تێک نادەن.بەلێ هەر چاوەبیت ب هیچ رەنگەکی نابیت چالاکڤان و شورەشگێرێن دەنگێ ئازاد زیندان بکە.
خەلکەکێ زێدە نەرازیبونا خوە دیارکریە بو ڤەراندنا دەنگێن ئازاد. گەلەک نەرازیبون پەیدابو ل گەلەک وەلاتێن ئەوروپی ژلایێ رەڤەندا کورد. گرتنا خوەنیشاندەرا ب توندی هاتە شەرمەزارکرن. نویترین بەرهەمی نڤیسەرێ ئەمریکی مایکل روبن ل واشنتون ئیکزامنەر بەلاڤکری ل روژا چارشەمبی، ل سەرێ دێرێ نڤێسیە ” دیموکراسی بەرزە دبیت ، میراتێ سەرکردێ کورد بارزانی تەراوبەرا دبیت”. ئەڤە هندەک ژ وان خالێن گرنگێن مایکل روبنی دەست نیشان کرین. براستی گەلەک حکومەتا هەرێمێ گونەهبارکریەو ب دکتاتوریەتێ و مراندنا دەنگێن ئازاد ل سەر ڤێ بویەرا شێلادزێ کا چاوە سەرەدەری دگەل خوەپیشاندەرا کریە. پاشی دبێژیت بارزانی نڤیسانگەها “ن.ر.ت” گرتیەو چالاکڤان دەستەسەرکرینە دەما خوەنیشاندان کرین بدژی رژێما تورکیا ئەوا بێ یاسا ل دەڤەرێ. دبێژیت دڤێت نێچیرڤان بارزانی نەبەس تورکیا نە شەرمەزارکر ژبەر ئەرتەشا تورکیاخەلکێ بێ گونەها کوشتین و بریندارکرین، بەلی چالاکڤان دەستەسەرکرن ب بەهانا ئارامیا دەڤەرێ . هەروەسا نڤیسانگەها میدیا کوردی گرتن ل دەڤەرێ چونکی ئەو رویدانە بەلاڤکر. ددیڤدا خەلکێ سڤیل ل بن یاسا سەدامی برگێ ١٥٦ ێ پێ هاتنە گونەهبارکرن. هەروەسا ب سەدامی و کورێن وی هاتنە مقارنەکرن چاوە خەلک دەستەسەردکرن . ئەڤەژی نیشانا دلرانیا خەلکێ ئەمریکایە و هەتا وی رادەی بارزانی مەسروری ب سەدامی عودەی مقارنە بکەن. وەسا دیارە ئەڤە نیشانا نەرازیبونەکا ئێکجار دژوارە بدژی بێدەنکرنا ئازادیێ ل کوردستانێ. ڵ دوماهیێ دبێژیت هەرێما کوردستانێ ب ملیونا دولاران ل ئەمریکاو بریتانیا دمەزێخن بولوبی کرنا خوە بەلێ هەر نەشێن راستیێ بگهورن.
ئەم نابینین ئەڤە کارەکێ باش بو هەتا بگەهیت ڤی رادەی خەلکێ بیانی شیرەتا ل دەستەلاتا باشور بکەن و کوردایەتیێ نیشان بدەن دا ژ دوژمنان ب دویر بکەڤن. دلێ خەلکەکێ مە ژ دەستەلاتێ ماو هزرا خوە دکر جارەکا دی دەنگێ خوە بدەن لایەنەکێ دی چونکی دەستەلاتێ چ بەرەڤانێ ژێ نەکر.
