عفرين برينهكا كويره لبن داگيركاريا تيرورا دهولهتا توركى…!!ا
عفرين برينهكا كويره لبن داگيركاريا تيرورا دهولهتا توركى…!!ا
عفرين باژێرهكێ كورديه، لبن داگيركاريا رژێما ئهردوگانى و هێزێن تيرورستێن سهربوان…دێ بكورتى بهحسا وێ كهين ژ چهندين روى و رويدانێن ڤى باژێرێ گرنگ و ستراتيژى دژيان و شارستانيهتێ كوردستانا داگير كرى دا.
١- عفرين و دێروك:- باژێرهكێ كهڤنارێ كورديه، پێكهاتهيێ ڤى باژێرى(96%) كوردن، سهربويلايهتا حهلهب ڤهيه، ژئاليێ روژئاڤا دهشتاهيا ويلايهتا ئهسكهندهرونهيه، رۆژههلات باژێرێ ئهعزازه، باشورێ وێ چيايێ سمعانه..دهڤهرهكا چياييه و دكهڤيتن باكورێ سورێ،(700-1296)كم ژئاستێ دهريايى بلندتره، گرنگترين چيايێ وێ(گرێ مهزنه)، كو ژزنجيرهيا چيايێ توروسه، پانياوێ(55كم)، درێژاهيا وێ(75كم)، روبهرێ وێ(3850كم2)، 2% روبهرێ سوريێ دروست دكهتن، رويبارێ وێ(رويبارێ رهش – درێژاهياوى85كم)، بدويراهيا(63كم) دويره ژ حهلهبێ، سهرژێمرياوێ(مهركهزى = 50000)پێنجى هزار سهرنشينه، ژ حهفت ناحيا پێكدهێتن(شيراوه،شێخ حديد، جندرس، راجو، بلبل، مهركهز، مبطلى)، 366گوند ههنه، كوما سهرژمێرى تاكو 31/12/2010 دكره(523.258)سهرخێزان…ا
٢- عفرين پشتى هاتيه داگير كرن، بسهدان هزار خهلكێ وێ ئاوهره و دهربهدهر بويه و هاتيه دهركرن ژ سهر ئاخا باب و كالێن خوه، (2500)كهس هاتينه گرتن و ژوان(200)ئافرهتن، بههزارهها خهلكێ دهرڤهى باژێرى ژ دهوروبهران بتايبهتى ژ(حمص و غول)لێ هاتينه نشينكرن، بسهدان هزار دار زهيتون هاتينه برين و ژناڤ برن، بسهدان هزار مهرومالاتێ وان هاتيه دزين و تالان كرن، هزارهها هيكتارێن عهردى هاتينه وێران كرن، بدههان كارگههێن(روين، صابوين..)هاتين ڤهگوهاستن بو توركيا، زێدهى(6)جهێن شوينهوارى هاتينه خراب و وێرانكرن و ههمى ئاسارێن وان برينه توركيا، ب بهايێ(70)مليون يورويان زهيت الزهيتون هاتيه دزين بو توركيا و توركيا بخوه فروتيه، بههزارهها خاندنگهه و جهێن گرنگ هاتينه وێرانكرن، سهروسيمايێن باژێرى بتهمامى دهێنه گورين، خاندنا توركى و عهرهبى لێ هاتيه سهپاندن، زولم و زورداريهك زور مهزن ل سهر دهێتن پهيادهكرن، بريار ئهوه ژمارا كوردان لێ كێم بكهن تاكو كورد بتنێ ببن35% .ه
٣- ئهگهرێن داگيركاريێ ل گورهى ديتنا من:- زور ئهگهر ههنه بو داگير كاريا ل سهر ڤى باژێرى، گرنگترينێ وان(( جهێ وێ يێ جوگرافى و ئابورى و شارستانى، باژێرهكێ كهڤنار و ستراتيژيكێ كورديهيێ زور گرنگ بويه، تهماعكاريا توركيا رهگهزپهرست ل سهر ڤى باژێرى بو لێدانا كوردان برهنگهكێ ريهوريشالى، تهخسيريا هێزێن ناڤنهتهوهيى و نهخاسم توركى، ئيرانى، روسى، سعودى، قهتهرى، ئيماراتى و هندهكێن هێزێن ههرێمى نهخاسم لبنانى و فهلستينى وهكى بزاڤا حهماس…ههرديسان تهخسيرى و ههماههنگيا هندهك هێزێن باشورا كوردستانێ و نهخاسم پارتى و ئهنهكهسێ، كو ڤان هێزا ستراتيژيهتا ئهردوگانى ل سهر ئهردى پهيادهكريه و بو بوينه هاريكار…!!
٤- زيان و بهرئهنجامێ كهڤتنا عهفرين:- داگير كاريا ل سهر عهفرينێ، نهبتنێ داگيركاريا ئاخێ و زهرهر و زيانێن ئابورى و مادينه، بهلكى زيانهكا ههرى گهورهيه بو لێدانا ستراتيژيهتا كورد و كوردستانيان دههمى ئاليهكى دا، نهخاسم ئاليێ ژدهست چونا ئاخێ، خهسارهتهكا زورامهزنا ئابور و سهروسامانى، گهورينا جيوسياسى و سوكانى و شويشتنا نڤشى و لێدانا كهساتيا ڤى باژێرى، گيروكرنا خهونا كورد و كوردستانيان، بو رزگاريا ئاخێ ژ دهريا سپى ناڤهراست بو عفرين و تاكو دگههيتن سنورێ باشورێ كوردستانێ، ههرديسانێ خهونا دهولهتبونا كوردستانى هاته گيروكرن..!
