حاكم گوران دهرگههێ كارهساتهكا دييه…!! ٠
حاكم گوران دهرگههێ كارهساتهكا دييه…!!٠
30-1 گولانا/2019 سهعهت(11،6)دهقيقه..حاكم گوران، ههرچهنده من ناس نهدكر، لێ ئهو بخو ههم بهرنيساس بوو، ههم ژى روشمير و خهباتگێر بو! نهخاسم ل دهستپيكێ، وهكى قوتابيهك و پهروهرده كريه كێ حزبا شيوعى و ل سهر رێبازا(لينين – ماركس)، ئهڤه وێ دگههينيتن شارهزايهكٍێ هشمهند و زانايهكێ تێكوشهربويه، يانى زانا و دانا بويه، تێگههشتى و پێگههشتى بويه…ئێكهمين بهرنياسينا وى بو من ل ريفراندوما 2016 بويه، ئهز باوهرم ژى خهلكهكێ زور ژى ل وى دهمى نياس كر، ژ بلى يێن وى ناس كرين و خهبات و قوربانى پێكڤه داين…من ل ڤێره دڤێتن تشتهكى، ديتنهكێ ل سهرڤى ئينسانى بنڤێسم، ئهڤ نڤێسينا من نه ههلسهنگاندنهكه بو وى، نهژى مافداريهكه ئهز دێ دهمه وى، چونكى ئهو كار نهكارێ منه و دبيتن ژى من ئهو شيان ژى نهبن(داخاز ژى دكهم، كهس و كارێن وى، دوست و تێكهلێن وى، خويندهڤانێن هێژا…ل كێم و كاسيێن من ژى نهگرن..)، ئهوا من دڤێتن بتنێ، ديتنهكه و ل سهر رويدانهكا ديار كريه، بێ شكه ژى ئهڤ رويدانه، رويدانهكا جهرگ برو و مشتى كول و كهسهره! هيڤيدارين جهێ وى بههشت بيتن، خودێ سهبر و ههدارێ بدهتن كهس و كار و دوست و تێكهلێن وى، تشتهك بو، هاته رويدان، خوزيكا نههاتبايه رويدان…!٠
بههرحال، دلهك سوتى، قههر و كهدهرێن خوه دامركاندن! دلێ خوه شهوتاند! روحا خوه ئهزيهتدا! نهدبو ئهڤه هاتبايه كرن! ئهڤه رويدانهكا دلتهزينه! رويدانهكا دلێنيه! حهژێكرنێ(عاتيفێ) كونترولا ههستان كريه! ههست دبريندارن! دياره برين بكهدهر و دژوارن! شهڤ تاريا روژێيه! شهڤێ روناهى يا كوشتى! برين بدختوران، بنوژداران دهرمان دبن! لێ شهڤا رهش! شهڤا غهدار نههێلا ببيتن روژ! نههێلا نوژدار بگههيتن بريندارى! برين ئازريا بو نههاته كهواندن و دهرمان كرن! فيغاد و نالێن نهبون ههوار! ههوار گير و بو نهكههشتێ! گازى نهگههشته ناڤا گوهێن نوژدارى! ئهى نوژدار، ل كيڤهبوى! بو چى گيروبوى! تو بو چى نهبويه بانگين! بو ل ههوارێ نههاتى! بو چى ته هێلا گوران گولا بهردهتن سينگێ خوه! هێشتا ئهو برينداره! برين ل سينگيه و ل لايێ راستێ! چهپ ساخلهمه، هيڤى خازين رست ژى، زوى ساخلهم ببيتن، نهمريتن! جارهكا دى گوران ساخ ببيتن! لێ گهر ساخ بو! ئێدى بلا نهچيتن سهرێ مهتينى! بلا نهچيتن دهرڤهى باژێرى! دهرڤهى باژێرى ل وى ناهێتن! جارهكا دى دێ ههستێن وى بزڤن! حهزكرن دێ سيارى هزران بيتن! هزر دێ هێنه دسهردا برن! بلا ل باژێرى بيتن! باژێر شارستانيهته! جهێ ويه و وارێ ويه! ئهو نابيتن ل گوندا بيتن! گوند ل وى ناهێن! دێ گوند وى كرن! دێ وى خافله كهن! جارهكا دى دێ دهستێ خو دهتن چهكى! كلاشينكوجارهك دێ، دێ ههلگريتن! ئهو چهك نهيارێ ويه! كلاشينكوفێ سينگێ وى يێ سمتى! بهلكى نهمربيتن و دا جارهكا دى ژى نهمريتن! بلا ئهو يێ ساخ بيتن! دا خزمهتا ساخان بكهتن! ساخا راكهتن سهر پيا! بهلكى رێكهكێ و رێگه چارهسهرهكێ پهيدا بكهتن! رێك بو ژارا، بو ههژارا! حاكم حهكيمه، دڤێتن حكمهت و داديى وى ههبن! پێگههشتن و تێگههشتنێ پيادهبكهتن! رێڤهبهريهكا لائيق بكهتن…!!٠
ئهرێ گهلا! ل ڤى وهلاتى! لناڤا ڤى مللهتى! چهند حاكم گوران ههنه! چهند مروڤێن ههست بريندار ههنه! چهندا ڤيايه خو بكوژن! لێ وان خونه كوشتيه! وهلات، گهل، دوزا مروڤايهتى! دوزهكا بحهقه! وهلات و گهل پێتڤى قوربانيايه! لێ نابيتن، قوربانى هوسان بهێنه دانێ! ههر مريهكێ ڤێ ئاخێ دڤێتن بدههان و بسهدان كهسێ دى بژينيتن! خودان بكهتن، پهروهرده بكهتن و پێ بگههينيتن! ههر كوشتيهكێ مه ژى، دڤێتن سهدان سنێلان لپاش خوه راكهتن، سهدان برينداران دهرمان بكهتن! ههر شههيدهكێ مه ژى! دڤێتن خوينا وى ههزارهها دارێن ئازاديێ بخوينا خوه ئاڤبدهتن، مهزن بكهتن و خهملا وهلاتى دلخاز بكهتن…!!٠
مه گوت قوربانى! مه گوت شههادهت! مه گوت خوين رێتن و شورهش! لێ مهنهگوت خو كوشتن! ئهم ناخازين گهلێ مه خو بكوژيتن! كوشتن، مرن، شههادهت، گورى كرن…ئهگهر پێتڤى بيتن! ئهگهر گهل و وهلاتێ رزگار بكهتن! لێ خو كوژى، بتنێ خو كوژيه! نابيتن ئهم خوه كوژ بين! خو كوژى برينان زێدهدكهتن! رونداكان زێده دكهتن، دهردو بهلا زهحف دكهتن! ئهم وێ ناخازين، ئهو چاره نينه! ئهو بێچارهترين چارهسهريه…!!٠
لهو جارهكا دى دبێژين! هيڤى دكهين! گوران نهمريتن! زى ساخ ببيتن! ساخ و ساخلهم ببيتن! ل سهر خوه، بعهقل و زانينا خوه، بو گهلێ خوه، بو وهلاتێ خوه، ببيتن خزمهتكار! ببيتن ديوار و پهرجان!٠
ئهگهرخودێ نهكهتن…چوو رهحمهتێ ژى، هيڤيه ئهو قهد نهبيتن! لێ ئهگهر بو! هزار رهحمهت ل سهر روحێ و ژخودێ دخازين بههشتى بيتن!٠
كهس و كارێن وى ژى بسهربرن! تهنا و رهحهت بن و ههر دپاراستى بن…!!٠
شهڤا30-1/5/2019
اكرم خالد عبدالكريم/ سيد اكرم/دهوك
