دێ بەردەن و نابەردەن…!! ڤێ جارێ بەحسا ئازادیێ ناکەم، دا نەبێن پروپاگەندێ دکەتن

اکرم خالد عبدالکریم/سید اکرم/دهوک

دێ بەردەن و نابەردەن…!!
ڤێ جارێ بەحسا ئازادیێ ناکەم، دا نەبێن پروپاگەندێ دکەتن!
لێ دێ بێژم بودگرتینە، کێ گرتینە، چما ئازاد نابن، چ جوداهی لناڤبەرا ڤان دوو وێنان هەیە، وێنان چ رامان هەیە!
ئەگەر بەراوردیەکێ بکەین…هەمی کوردن، هەمی ئازادیخواز و ماف پەروەرن، هەمی کوردستانینە و وەڵات لێ داگیر کرینە، چنکو مروڤن بو مروڤاتیێ تێدکوشن، چونکی وێرەکن بمەردینی خەباتێ دکەن، وەلات لێی پارچە پارچە کریە، وەکی غەریبان دهێن هەژمارکرن، رەڤەندن یان نیشینگەهن، بەلێ لمالا خو غوربەتینە، زیندانینە و بمادێن گران هاتینە گونەهبار کرن، بەردانا وان بویە قسەتەک درێژ و بدوزێن وان لسەرک زێدەهی دهێتن برێڤەبرن یان دێ بەردەن یان نابەردەن…دا بچین سەرخالێن جوداهیێ….!
لەیلا گوڤەند گرتیا تورکێن تورانی و پان ئەردوگانیە، گرتیا دەستێ داگیرکەرەکێ زالم و بێ مەعریفەت، ل ژێر تێگەهەکا تالان کەر و جینوساد دا سەردەری دگەل دا دهێتن کرن، د گرەڤا برسیبونێ دا خەریکە جانێ خوە فیدا بکەتن، بو سەروکێ خوە بو فەلسەفە و رێک رێبارا خوە، بو ماف و ئازادیێن گەلێ خو خو ئامادەی مرنێ کریە، لەوما گرنگە ئەم وێ ناڤ بکەین بشاها ئازادیێ یان ب بوکا ئەزەلێ!
لێ کوما دیا زیندانیان، هەرچەندە بو ماف و ئازادیێن گەلێ خو چوینە ناڤا زیندانێ، شوینا خەلات کرنێ بوینە گرتی، لێ گرتییێن کێ بو چی زیندان…گرتیێن وێ ، وێ رێبەریێ یا هەر روژ سلوگان بو ماف ئازادییان ددان، بمەعریفەتا خو کوردن و بو کوردستانیان دەستهەلاتێ دگێرن…هەی نە عەنفەری و نە ژی چاڤێ سەری…بو چی هوین ڤێ دکەن هەی دەستهەلاتوکا باشور…باشە مادەم هوین تەشیا دوژمنا درێسن، بو چی ئەڤ هەمی سالێن خەباتێ، بوچی ئەڤ زەحمەتی و ئەڤ کولەواریە هەوە کێشان و هوسان بڤێ وەحشیەتێ هەوە مللەت کریە کولە و بەندەوار..دفەلەکا دوژمنان دا بێ رحم هاتە هێران و هنج هنج کرن…دێ بلا بەس بیتن هەی دەستهەلاتوکا بەلا و بێ هش و فام