دڤێت چالاکڤانێن شێلادزی بێنە ئازادکرن بەری ژدەستێ هەمیا دەرکەڤیت
دڤێت چالاکڤانێن شێلادزی بێنە ئازادکرن بەری ژدەستێ هەمیا دەرکەڤیت
دخوە نیشاندانێن جەماوەری ل دەڤەرا شێلادزی لدژی هێزێن تورکیا ل وێ دەڤەرێ نەرازی بونەک پەیدا بو لجەم سەرکردێن تورکیا . ددەمەکێ کێم دا، ئەردوگانی سەروکێ تورکیا، ئەو خوەنیشاندان ئێخستە ستویێ پەکەکێ دا. ددیڤدا حکومەتا هەرێمێ ئەڤ سەرهلدانا خەلکێ دەڤەرا شێلادزی ب کارەکێ نەرەوا ل قەلەمدا. پاشی گەلەک چالاکڤان و خەلکێ سڤیل هاتنە دەستەسەرکرن ژ لایێ هێزێن پاراستنێڤە پشتی نوچەگەهانێن “ن ر ت’ دەستە سەرکرین. خەلکەکێ زێدە د ناڤ سوشیەل میدیادا نەرازیبونا خوە دیارکر و دبێژن: دڤێت بەرپرسێن هەرێمێ پشتەڤانیا خەلکێ دەڤەرێ کربا نە بدژی خەلکێ خوە راوەستن. چونکێ روژانە فروکێن جەنگییێن تورکیا هێرشان دکەن سەر دەڤەری ب دەهان کوردستانی دێنە شەهید کرن و ب دەهان بریندار کرینە ژ بلی زیانێن مادی و ترس ئێخستن ددلێ خەلکید.
ئەڤە دەلیڤەک بو بو خەلکێ دەڤەرێ ڤێ زورداریێ نەهێلن و هەروەسا بەرسڤەک بو تورکیاو بێژن دەستەلاتا تورکیا ئێدی بەسە بو هێرشان ل سەر دەڤەرێ. بەلێ جهێ داخێیە خەلکێ دەڤەرێ گەلەک ب حکومەتا کوردستانێ پشتگەرم نینن، چونکی خەلکێ دەڤەرێ نە خەما وانا ئێکێ یە بەلکی بەرژەوەندیێن ئابوری تێک نادەن
بەلێ هەر چاوەبیت ب هیچ رەنگەکی نابیت چالاکڤان و شورەشگێرێن دەنگێ ئازاد زیندان بکەن.
خەلکەکێ زێدە نەرازیبونا خوە دیارکریە بو ڤەمراندنا دەنگێن ئازاد. گەلەک نەرازیبون پەیدابو ل گەلەک وەلاتێن ئەوروپی ژلایێ رەڤەندا کورد. گرتنا خوەنیشاندەرا ب توندی هاتە شەرمەزارکرن.
نویترین بەرهەمی نڤیسەرێ ئەمریکی مایکل روبن ل واشنتون ئیکزامنەر بەلاڤکری ل روژا چارشەمبی، ل سەرێ دێرێ نڤێسیە ” دیموکراسی بەرزە دبیت ، میراتێ سەرکردێ کورد بارزانی تەراوبەرا دبیت”. ئەڤە هندەک ژ وان خالێن گرنگێن مایکل روبنی دەست نیشان کرین. براستی گەلەک حکومەتا هەرێمێ گونەهبارکریەو ب دکتاتوریەتێ و مراندنا دەنگێن ئازاد ل سەر ڤێ بویەرا شێلادزێ کا چاوە سەرەدەری دگەل خوەپیشاندەرا کریە. پاشی دبێژیت بارزانی نڤیسانگەها “ن.ر.ت” گرتیەو چالاکڤان دەستەسەرکرینە دەما خوەنیشاندان کرین بدژی رژێما تورکیا ئەوا بێ یاسا ل دەڤەرێ. دبێژیت نێچیرڤان بارزانی نەبەس تورکیا نە شەرمەزارکر ژبەر ئەرتەشا تورکیاخەلکێ بێ گونەهکوشتین و بریندارکرین، بەلی چالاکڤان دەستەسەرکرن ب بەهانا ئارامیا دەڤەرێ . هەروەسا نڤیسانگەها میدیا کوردی گرتن ل دەڤەرێ چونکی ئەو رویدانە بەلاڤکر. ددیڤدا خەلکێ سڤیل ل بن یاسا سەدامی برگێ ١٥٦ ێ پێ هاتنە گونەهبارکرن. لڤێرێژی ناراوەستیت بەلێ بارزانی ب سەدامی و کورێن وی هاتنە مقارنەکرن چاوە خەلک دەستەسەردکرن . ئەڤەژی نیشانا دلرانیەکا هەرە مەزنە ژلایێ خەلکێ ئەمریکای ڤە و هەتا وی رادەی بارزانی مەسروری ب سەدامی عودەی مقارنە بکەن. وەسا دیارە ئەڤە نیشانا نەرازیبونەکا ئێکجار دژوارە بدژی بێدەنکرنا ئازادیێ ل کوردستانێ. ڵ دوماهیێ دبێژیت هەرێما کوردستانێ ب ملیونا دولاران ل ئەمریکاو بریتانیا دمەزێخن بولوبی کرنا خوە بەلێ هەر نەشێن راستیێ بگهورن. ئەڤە دبیتە دلگرانیەکا گەلەک مەزن بو خەلکێ کوردستانێ هەتا سەرکردێن کوردان ب دکتاتور بدەنە نیاسین ل وەلاتێ ئەمریکا. ژبەر ڤێ چەندێ دڤێت سەرکردێن مللەتێ کورد هشیار بن و ب هزرێن باش و کارێن دروست سەرەدەریێ دگەل وەلاتیێن خوە بکەن و پشتەڤانیا ئازادیێ بکەن.
ل ڤێرە، ئەم داخازا ئازادکرنا چالاکڤانێن دەڤەرا دهوکێ دکەین ب زویترین دەم بێنە ئازادکرن بەرێ ئاریشە ژدەستێ هەمیا دەرکەڤیت ! بەری دەنگێن ئازاد زێدەتر بزاڤێ بکەن پاشی پتر خەلکێ بیانێ دێ هەرێمێ ب دکتاتوریەت نیاسن. ئەڤەژی د بەرژەوەندیا کەسێ دانینە. بو نمونە ل وەلاتێن ئەوروپی و ل گەلەک ولایەتێن ئەمرکی و کەنەدی کورد دێ خوە نیشاندانا ئەنجام دەن. ناما بو نەتەوێن ئێکگرتی و ئەمنستی یا ناڤدەولەتی ڤرێکەن. هەروەسا گەلەک نڤیسەرو چالاکڤانێن بیانی وەکی یێن ئەمریکی ڤان بابەتێن دژوار ب دژی دەستەلاتا هەرێمێ بەلاڤ دکەن، ئەڤە دبێت شەرمەزاریەکا گەلەک مەزن بو دەستەلاتێ و گەلێ کورد. دەرئەنجام دێ گەلەک د خراب بن د بەرژەوەندیا کەسێدا نابن. هیڤیدارن هەرکەسەک ب ئاشتیانە سەرەدەریێ بکەت دا ئارامیا کوردستانێ تێک نەچیت وهەڤالێن گەلێ کورد ژ دەست نەدەین. ئەم مللەتەک ئاشتی خازین بلا هەر بمینین ئاشتی خاز و سەرفەراز
بو پتر پێزانینا سەرەدانا ڤی ساتی بکەن.