باغوز(باهوز) شانصه‌كێ ديه بو كورد و كوردستانيان..!! بلا ئه‌ڤ شانصه نه‌هێتن هندا كرن!!ا
باغوز(باهوز) شانصه‌كێ ديه بو كورد و كوردستانيان!!ا
!!بلا ئه‌ڤ شانصه نه‌هێتن هندا كرن
باغوز(باهوز) گونده‌كێ سه‌رب دێرزورا سورييه، ب دويراتيا125كم هه‌مبه‌رى سنورێ عێراقێ، بدويراتيا 3كم، لباشورێ وێ رويبارێ فورات و باژرێكێ بوكه‌ماله، ل رۆژئاڤايى گوندێ سوسه و باژێركێ هه‌جينه، باكورێ بيابانێ دێرزور يێ نه‌فتيه.
ئه‌ڤ گوندێ ستراتيژى و گرنگه، ئێك بويه ژهه‌ره گرنگترين بنگه‌هێن داعشا تيرورست و ل ڤى گوندى شه‌رڤانێن سوريا ديموراسى(قسد)، راگه‌هاندنا بدوماهيك هاتنا داعش راگه‌هاند، هه‌رديسان ل ڤى گوندى بسه‌دان و بگره بهه‌زاره‌ها شه‌ركه‌رێن تيرورستێن داعش و بييانى خو راده‌ستێ قه‌سه‌دێ كرن، بده‌هان هزار خه‌لكێ وان ژى خوراده‌ستى سوريا ديموراسيك كرن، ديسان بده‌هان گرتى و ده‌سته‌سه‌رى، بنه‌خاسمه‌يى كچ و زاروكێن گه‌لێ مه يێ كوردێن ئێزدى، كو ژلايێ ڤێ رێكخستنا تيرورى ڤه هاتبونه گرتن و ره‌ڤاندن، وه‌كى سه‌بايه سه‌رده‌رى دگه‌ل دا دهاته كرن، هاتنه رزگار كرن.
هه‌رچه‌نده قه‌سه‌دێ دوماهيك هاتنا داعش راگه‌هاند، لێ ئه‌وا راستى بيتن داعش و تيرورا پان ئيسلامى بدوماهيك نه‌هاتيه، وه‌كى خه‌لايێن ڤه‌شارتى و وه‌كى فكره‌يا تيرورێ به‌رده‌وامه و دغوله‌غول و خوڤه‌شارتنێ دايه، ل هه‌ل و مه‌رجان دگه‌رهيتن، بو بهێنه خولقاندن و به‌رهه‌ڤ كرن، تاكو جاره‌كا دى بئاوايه‌كێ نويتر و لبن ناڤه‌كێ ديترێ سه‌رى هه‌لده‌تن و جاره‌كا دى به‌لايه‌كا دى په‌يدا بكه‌تن.
هه‌ر كه‌س و لايه‌ن و جيهانا مروڤايه‌تى ژى گه‌ره‌كه وێ بزانن، تيرو هه‌يه و به‌رده‌وامه و سه‌روكانيێن وێ ژى هێشتا دساخن و خودان هێز و خودان ئابوره‌كا مه‌زنن… چ وه‌كى هێزا مروڤى يان ژى هێزا فكرى و مادى…نه‌خاسم ل توركيا و لناڤا ده‌ستهه‌لاتا پان ئه‌ردوگانى و پان ئيخوانى دا، هه‌رديسان ژى ل ده‌ڤه‌رێ و جيهانێ گه‌له‌ك ده‌وله‌ت و ئاليێن ئيسلامى، بو ڤێ تيرورێ سه‌رچاوه و ژێرخانه‌يه‌كا لبارن و بو كاره‌كێ جدى ژى دكه‌ن، له‌ومانێ بو ژناڤبرنا كێشه‌يا تيرورێ چ وه‌كى هێز يان ژى وه‌كى فكره، ده‌مه‌كێ زور و پشته‌ڤانيه‌كا زوريا ناڤده‌وله‌تى پێ لازمه، چ پشته‌ڤانيا مروڤى وه‌كى هێز و پاراستنا له‌شكه‌رى و ئه‌منى يان ژى هێزا ئابورى و فكرى و په‌روه‌رده و فێركاريه‌كا ئه‌خلاقى، زانستى، جه‌سته‌يى هه‌مى لايه‌نى…بونا ڤێ ژى به‌ريا هه‌ر گه‌ل و ملله‌تێن جيهانێ، دڤێتن گه‌لێ مه‌يێ كورد و خه‌لكێ كوردستانێ و روژهه‌لاتا ناڤين ئێك بگرن، به‌ره‌يه‌كێ خورت دروست بكه‌ن، چ وه‌كى هێزا له‌شكه‌رى و ئه‌منى يان ژى وه‌كى هێزه‌كا مادى و فكرى و مه‌عنه‌وى، بونا ئه‌ڤ خه‌ته‌ره، ئه‌ڤ وێرانكاريه، ئه‌ڤ تيروره ژ رهوريشاله‌يان بهێن كێشان و بهێتن بنه‌بر كرن، ئه‌و ژى راستيه‌كا حاشا لێنه‌كريه، هه‌لكێشانا ڤێ فكرێ و ڤێ تيرورێ، يانى هه‌لكێشانا رهوريشالێن داعشا خه‌له‌فه‌تا ئيسلامى كو دشه‌خصێ ئه‌ردوگان و ده‌ستهه‌لات و تاگرێن وى دا، دهێتن خودان كرن و په‌روه‌رده كرن و به‌لاڤى جيهانێ دبيتن و دبيتنه به‌لايه‌كا مروڤايه‌تى و جيهانگيريى.
خالا ديا هه‌ره گرن و ژيوارى و ژێرخانه‌يى ئه‌وه، ل هه‌مى ده‌ڤه‌رێن رزگار كرى، لهه‌مى روژهه‌لاتا ناڤين بنه‌خاسمه‌يى، په‌روه‌رده‌كرنه‌ك و فێركاريه‌كا زانستى و دژبه‌رى، دهه‌مى ئاليێن ئه‌خلاقى، په‌روه‌ريى، هزرى، بنياتى…بمه‌شق و راهێنانه‌كا خه‌لاق و پرى شاره‌زايى بهێتن كرن و بونا ڤێ ژى هاريكارى و مه‌جهوده‌كێ گشتگيرى جيهانى، ناڤده‌وله‌تى…پێويستيه‌كا بله‌ز و دومدرێژ و ژيواريه، نه‌بتنێ بو گه‌لێ كورد و كوردستانى و خه‌لكێ رۆژهه‌لاتا ناڤين، به‌لكى بو ته‌ڤايا جيهانا مروڤايه‌تى ل هه‌مى دونيايێ، بونا ڤێ هه‌رهيچ نه‌بيتن دڤێتن گه‌لێ مه‌يێ كورد و كوردستانى به‌ريا هه‌مى گه‌ل و ئاليان، خوبه‌رهه‌ڤ بكه‌ن و ئێكه‌تى و رێزێن خو بكه‌نه ئێك و هێزا خو دروست بكه‌ن، چونكى ئه‌ڤ شه‌ره به‌ريا هه‌ر دين و ملله‌ته‌كێ دى، شه‌ره‌كه، دوژمنكاريه‌كه، داگيركاريه‌كه، چونه‌كرنه‌كه، دژى گه‌لێ مه و دژى ئاخا مه و بونا بنده‌ستى و سه‌روسانانێ وه‌لاتێ مه‌تالان و وێران بكه‌ن و كوردستانێ بكه‌نه جه‌نگه‌لستان و هه‌مى سه‌روه‌ت و سامانێ وێ بخو ببنه و ژناڤ ببه‌ن و جينوسايده‌كا بنياتى پياده‌بكه‌ن و قركرنه‌كا نه‌ژادى ده‌رحه‌قێ مه بكه‌ن.
بويه گازيا خو رادگه‌هينين و دبێژين، باغوز(باهوز) ده‌رگه‌هه، باهوز سه‌راتايا رێگه‌چاره‌سه‌ريا گه‌ل و وه‌لات و مروڤێ مه‌يه، باهوز شانصه‌كێ ديه و ده‌ليڤه‌يه‌كا زێرينه كوردينا، كوردستانيان ڤى شانصى و ڤێ ده‌ليڤێ هندا نه‌كه‌ن و بچاكى وه‌ربگرن، ئێكگرتنا خو بكه‌نه حه‌قيقه‌ته‌كا ژيارى و ژێ وارى، به‌روڤاژى هندا كرنا ڤى شانصى و ڤى ده‌ليڤه‌يى، چ بهانه بو نينن، چ ئه‌گه‌ر بونينن، ئێدى نه‌دێروك و نه‌ژى مروڤايه‌تى ڤێ هندا كرنێ قه‌بيل ناكه‌تن و بو نابنه حه‌جه‌ت و بێژين هه‌وار دێروكێ غه‌در لمه‌كر، نا دێروكێ غه‌در نه‌كريه، به‌لكى هزرا گه‌نى، دوژمكاريا ناڤخويى، تێنه‌گه‌هشتنا سه‌رگێرى، سسته‌مێ پاشكه‌ڤتى و ئه‌قلداريا بێ ئه‌قليێ خه‌مسارى كريه، ئه‌گه‌ر خه‌يانه‌ت و خه‌له‌تى ژى بيتن، ئه‌ڤ خه‌يانه‌ته و ئه‌ڤ خه‌له‌تيه عه‌يبه‌كا ڤى سه‌رده‌مى و ڤێ رێڤه‌برنا پويچ و په‌لاچه، دوژمنكارى و نه‌هامه‌تيا ڤێ ده‌ستهه‌لاتێ و ڤان به‌رپرسيارێن نوكه‌يه و هيچ به‌هانه‌ك و به‌ره‌ڤانيه‌ك بونينه و ناهێتن قه‌بيل كرن.
اكرم خالد عبدالكريم/ سيد اكرم/ دهوك
25 / 3 / 2019
