بو زه‌مانه‌تا شوه‌رشا رۆژئاڤا و نه‌هێلانا تيرورێ گرنگه‌ ئه‌ڤ خاله‌ بهێن بجهكرن!ا

بو زه‌مانه‌تا شوه‌رشا رۆژئاڤا و نه‌هێلانا تيرورێ گرنگه‌ ئه‌ڤ خاله‌ بهێن بجهكرن
بوهندێ شوره‌شا روژئاڤا ده‌ستكه‌ڤتێن خو بپارێزين و كێشه‌يا تيرور و داعشيه‌تێ ژ رهوريشال ده‌ربكه‌تن و ببيتن شوره‌شه‌كا سه‌رانسه‌ريى و مروڤايه‌تى، بلايێ كێم ل گوره‌ى ديتنا من دڤێتن ئه‌ڤ خاله‌ بهێن بحهكرن و يان كاره‌كێ جدى ل گوره‌ى پره‌سپێن مروڤايه‌تى بو به‌ره‌ڤانى و پشتگيريا كوردستانى و جيهانى بوبهێتن كرن!ا
١- زور گرنگه‌ هاوپه‌يمانه‌تيا ناڤده‌وله‌تى دژى داعش، شه‌رفانێن كورد و كوردستانى، وه‌كى هاوپه‌يمانيه‌كا سه‌ره‌كى وه‌رگريتن و دهه‌مى واره‌كێ له‌شكه‌رى، سياسى، ئيدارى، زانستى…هاوكارى و پشتگيريێ ژێ بكه‌تن و هه‌مى پره‌نسپ و ته‌كنوله‌ژيا پێتڤى بو به‌رهه‌ڤ و پێشكێش بكه‌تن.
٢- شه‌رڤانێن روژئاڤا(11)يازده‌ هزرا شه‌هيد داينه‌، له‌ومانێ يافه‌ر و گرنگه‌ بلايێ كێم، هه‌مى هاريكارى و پشتگيرييا له‌شكه‌رى بوب هێتن پێشكێش كرن و بباشترين چه‌ك و مه‌شق و ته‌كنولوژيا له‌شكه‌رى بو ده‌مێ يازده‌سالێن دى به‌رده‌وام دهه‌مى ئاليه‌كێ له‌شكه‌رى دا پشتگيريا هه‌مى ئالى بو يا به‌رده‌وام بيتن.
٣- شه‌رڤانان(23)بيست و سێ هزار بريندار داينه‌، له‌ومنانێ د ئالێ ساخله‌مى، په‌روه‌رده‌يا هه‌مى ئالى، ئيداره‌دانه‌كا سه‌رده‌م و لائيق…بو ژناڤبرنا هزر و رامانێن داعش و تيرورا وان بئاليێ كێم بيست وٍسێ سال پێتڤينه‌ دهه‌مى ئاليێ ژيان و به‌ره‌ڤانى و هزرى دا پشتڤانيا روژئاڤا و كوردستانيان بهێتن كرن.
٤- يا ئاشكرا و به‌لگه‌داره‌ خزينا هزر و رامان و مه‌شق و ئاليگريا داعش و تيرورێ ژ توركيا و ئه‌ردوگان و ده‌ستهه‌لاتا وى سه‌رچاوه‌ وه‌رگرتيه‌، له‌ومانێ دڤێتن سنورێ روژئاڤا دهه‌مى ئاليه‌كى دا ژ پێشابويرێ تاكو ده‌ريا سپى، ژهه‌ردوگانيزم و تيرورستێن وى بێتن پاقژ كرن و پاراستن و هاوپه‌يمانيا ناڤده‌وله‌تى دڤى وارى دا گه‌ره‌كه‌ كاره‌كێ جدى و چاره‌نوسى بكه‌تن و ڤان شه‌رڤان و ڤى گه‌لێ شوره‌شگێر خودانيا به‌رده‌وام و پارستنه‌كا مسوگه‌ر بو بنه‌جهبكه‌تن، تارا مالينه‌كا مسوگه‌را ئه‌ردوگانزم و ئه‌قدارييا داعشييا تيرورزمى بئێك جاره‌كى دهێتن شويشتن و پاقژ كرن.
٥- بونا ئه‌ڤ ئارمانجه‌ جهبگرن، هاوپه‌يمانيا ناڤده‌وله‌تى، گه‌ره‌كه‌ جه‌بهه‌يێ هاوپه‌يمانێ بو پاراستنا ڤێ يه‌كێ به‌رفرهه‌بكه‌تن، هێزێن كوردستانى و عه‌ره‌بى، نه‌خاسم ل سوريێ و عێراقێ يافه‌ره‌ بكردارى به‌شداريا كاريگه‌ر دڤێ پاراستنێ دا بكه‌ن و هێزێن كوردستانى و شه‌ركه‌رێن كوردى، وه‌كى هێزه‌كا كار و ياسيى و ژيانى قه‌بيل بكه‌ن و بهه‌ڤرا كاره‌كێ جدى دژى ڤێ دوژمنكارێ و ڤێ تيرورا جيهانى بكه‌ن، ئه‌وروپى و ئه‌مريكا و هێزێن دى يێن ناڤنه‌ته‌وه‌يى، گرنگه‌ هه‌مى پێتڤياتى و پشته‌ڤانيا هه‌ى بو مسوگه‌ر بكه‌ن، وه‌كى هێزه‌ك و وه‌كى پارێزڤانێن جيهانگێرى سه‌رده‌رى و پشتگيريا وانان بكه‌ن.
٦- ئه‌ڤ ده‌ڤه‌را مه‌ بگشتى، پێتڤيا وێ هه‌يه‌ بپه‌ره‌پێدان و پێشكه‌ڤتنا ئابورى، سياسى، ته‌كنولوژى، ئاڤه‌دانييا هه‌مى ئاليى، په‌روه‌رد و فێركاريه‌كا زانستى و مروڤ په‌روه‌رى…ئه‌ڤه‌ژى گرنگه‌ بجديه‌كا باش بهێنه‌ پشته‌ڤانى كرن، بێى ڤێ تيرور و ره‌وت و خه‌ته‌را داعشى دێ هه‌بيتن و دێ به‌رده‌وام بيتن و دێ بيتنه‌ ئاگره‌ك و پرێزه‌كا بڤه‌گرن و به‌ربه‌لاڤ و هه‌مى جيهانێ دێ گريتن و دێ شێوينيتن و ته‌نايێ دێ ئێخيتن ئه‌و په‌رێ خه‌ته‌رێ و بێ ئاريميێ.
بوناڤێ گه‌ره‌كه‌ هه‌ر كورده‌ك، هه‌ركوردستانيه‌ك، هه‌رمروڤه‌ك، هه‌مى جيهان، هه‌ڤكار و پشته‌ڤانيێ بكه‌تن و هه‌رئێك ژى دوارێ شيان و پسپورى و ئه‌وا وى هه‌ى دگه‌ل دا هه‌ماهه‌نگ و پشته‌ڤان بيتن.

اكرم خالد عبدالكريم/ سيد اكرم/ دهوك
25 / 3 / 2019