هەلبژارتنێن تورکیا ب چاڤەکێ دی ؟

هەلبژارتنێن تورکیا ب چاڤەکێ دی ؟
بوچون . خەتاب عمر

دەستهەلاتا تورکیا کو ئاک پارتی یە کو ددەمەکی دا ب زمانێ سەروکێ وێ ئەردوغان سوپاسیا کوردان کر و کو چەندین شارەداری ل باکورێ کوردستانێ ژ دەست هەدەپێ دەرخستنە کو پێشتر ژی قیوم تێدا هاتبونە دانان، ئەگەر بێژین ئاک پارتی ب سەرکەت سەرکەفتنەکە ب تاما شکەستنێ ژبەرکو شاەداریێن گرنگ وەکو پایتەختێ سیاسی کو ئەنقەرەیە و پایتەختێ ئابوری کو استەنبولە ژداست دا و جەهەپە تێدا سەرکەت هەر چەند دبێژن ب دەنگێن هەدەپێ ب سەرکەت لێ ئەز ڤێ دروست نزانم بەلکو فاکتەرێن دی هەنە بو سەرکەفتنا جەهەپێ کو مەزنترین پارتا ئوپزسیونی یا تورکیایە .
فاکتەرێ یەکەم یێ کو ئەردووغان و پارتا وی بو شکەستنێ پالدای پشت دان و خاینکرنا ماموستایێ وی فەتحوللە گولەن بویە .
فاکتەرێ دوویێ دەرێخستنا دوو ژ نێزیکترین هەڤالێ خوە د ئاک پارتیدا کو احمد داود ئوغلویێ سەروک وەزیرێ پێشتر و عبداللە گول سەروک کومارێ پێشتر کو ئەڤان خوە دایە ئێک پارتەکا نوی چێکەن و چێکرنا پارتەکا نوی ژی پێنگاڤا د جهێ خوەدایە کو هەول بدەن پارتا ئەردوغانا کو ب رێژەکا زور ل پێشیا رکابەرێن خوە بویە کێم بکەن دا بشێن ل دەمێ دروستکرنا پارتا خوەدا ل هەلبژارتنێن بێت بشێن رکابەریێ بکەن . 
فاکتەرێ سیێ ئابور و دەنگدەرێ تورکیا کو پێچەوانەی ئەوا دهێتە گوتن نە دەنگدەرەکێ ئایدولوژی سەرسەختە و خزمەتێ ب منەت نزانیت ئێدی هاتنە خوارا ئابورێ تورکیا و ئاشکەرابونا بەشەک ژ سیاسەتێن خەلەت بەرامبەر ئوروپا وەکر دەنگدەرێ تورک رایا خوە بگوهورن .
فاکتەرێ چارێ هەدەپە کو پشتەڤانیا جەهەپێ دکر راستە فاکتەرەکێ سەرکەفتنا جەهەپێ بویە ل تورکیا لێ ژدەست دانا شارەداریێن کورستانی سەرکەفتنا وێ ب تاما شکەستنەکا دیار ددەت ئێدی مەترسیا وێ چەندێ ژی هەیە کو ئەردوغان و ئاک پارتی کو حکومەتن جاردن ل وان شارەداریێن هەدەپە تێدا سەرکەفتی قەیومان لێ دانیت وەکو تولڤەکرن.
گولەنیان و ئاک پارتیێن تورە و فاکتەرێ ئابوری و هەدەپێ ئاک پارتی ل شارەداریێن مەزن و گرنگ ئێخست . 

بوچون . خەتاب عمر