ريفراندوم دهليڤهك بو! يان دوراندنهك دى بو بسهرمهدا هاتى..!!ا
ریفرێندوما هەرێما کوردستانێ
ريفراندوم دهليڤهك بو! يان دوراندنهك دى بو بسهرمهدا هاتى..!!ا
مللهتێ كورد ئهگهر كهڤنارترين مللهت نهبيتن، ئێكه ژ كهڤنارترين مللهتێن دهڤهرا روژههلاتاناڤين! ل سهر ئاخا خهوه بويه و ل سهرئاخا خوه ژيايه، نهبويه مهترسى بو سهرئاخ و ژيانا چ گهلێن دى، بهلكى بدرێژاهييا دێروكى ژيان كريه لبن زولما داگيركاريا دێروكێ و ل سهرئاخ و لناڤا مالا خوه بويه غهريبه و توشى دژوارترينێ گهف و كوشت و كوشتار و زولمێ بويه، ژ بهر ڤێ ئهم كورد وهكى ههر مللهتهكێ دى يێ دونيايێ، مه ماف ههيه ببين خودان دهولهت و بژيانهكا خوسهرى ئيداره و سستهمێ خوه دروست بكهين و براگههينين، لێ ئهو زولم و زورداريا بهريا نوكه ل سهر مه، ههلامهت و عهورێ وێى بهردهوامه و ل سهر مه ههرهشهيه و گهفێن بهردهوام ل دكهتن و گازى دكهتن كوردينا نابيتن هوين ئهڤێ بكهن، براستى ژى پرسا دهولهت بونێ دهليڤه پێ دڤێن و ديسان مهرج و بنهمايك ژى دڤێتن بو بهێنه دروست كرن.
ئهگهر ئهم ل گورهى دونيايێ تهماشاى خوه و كێشهيا خو بكهين( دويرژ وان مهرجێن ل سهر مه)، مهرجێن دهولهتداريێ ئهڤهنه( ئاخ، گهل، زمان، دێروك، ئابور، هێز….)، كهواته ل گورهى جيهانا پێشكهڤتى واتادار ئهڤ مهرجه ل دهڤه مه ههنه، كهواته دڤێتن ئهم سنورێن خوه دانين و دهولهتا خوه براگههينينن…لێ ئهگهر ل گورهى مهرج و بنهمايكێن خوه و ئهڤێ زولم و زورداريا ل سهر مه ههيى، ئهم نكارين دهولهتا خوه براگههينين، چونكى ههم دێ توشى شكهستهنهكا دى يا مهزن بين، ههم ژى ئهڤا ههى ژى دێ ژدهست مه چيتن!
كهواته چ پێويسته ل گورهى مهرج و زروفێ خوه، ئهم دهوهلهتا خوه پێ دروست بكهين و پێ براگههينين!
ئهو مهرج و بنهمايكێن پێويسته بهێنه ئامادهكرن بو دهولهتا كوردى و كوردستانى، خو دڤان خالاندا دبينيتن و دڤێتن ئهڤ ژێرخانهيه بو بهێتن دروست كرن( سنورێن دهولهتێ بهێنه دهستنيشان كرن و بهرنامه و مهرجێن خوجهكرنا وان سنوران ژى ديسان بهێنه ئامادهكرن، ئێكهتيا گهل و نهتهوه و دين و مهزههب و هێزێن ل سهر ئهردى ئامادهكرى بن و تێكگهشتن و بهرنامهرێزى، ديسان بو بهێتن ئامادهكرن، هێزا پاراستنێ ل گورهى ههل و مهرج و بهرهڤانى كرنێ بهێتن سازى كرن، يهكێن ئيدارهدانا دهولهتداريێ، بههمى پێكهاتهيێ خوه، رێڤهبهريێن ئيدارهدانا حكومى و ناحكومى(سڤيل)، لهشكهرى و ئهمنى، دبلوماسيهت و راگههاندنكارى، پهيوهندى و كومهكا ناڤدهولهتى، ئابورهكێ بهێز و جێگير…)، دڤێتن ل سهر ئهردى بێ هيچ پروپاگهندهك و هيچ ههرهشهيهك بهێن دروست كرن، پاشى دگهل ناوهندى(بغداد) دانوستاندكارهكا هێواش و ل سهر خو، ل گورهى ههل و مهرجێن ناڤدهولهتى و ناڤخويى، برێڤهبهريا دهستهيهكا كهسانێن شارهزا و تايبهتمهند دههمى وارهكى دا و بدبوماسيهتهكا شايشسته و ل گورهى بهرژهوهنديێن ههڤپشك و ئاليسهنگ، پشتى دگهل ناڤهندى و ل گورهى رهزامهنديهكا ناڤخوهيى و ناڤنهتهوهيى، ژنوى دێ كارين دهولهتا خوه راگههينين…چونكى دڤێتن ئهم وێ بزانين و نابيتن ژبيرژى بكهين، ئهم گهلهكين بناڤێ گهلێ كورد، زولمهك ل سهرمهيه و كاودان دگران و بئهو پهرێ وهحشهگهريێ نهيار و دوژمنێن مه چاڤسوريێ ل مه دكهن، چاڤهرێى ههل و مهرجانه دوربێن خوه بوهشيننه جهرگێ مه…ل ڤێره پسيارا ههرى واتادار و زهرورى، ئهوه ئهرێ ئهڤ دهليڤهيه مه ههنه، ئهڤ مهرجه مه ئاماده كرينه، بێ شكه بهرسڤ دێ بنهرهنى بيتن..!
كهواته بوچى ريفراندوم هاته كرن! چ روناهى ل بهر چاڤێن ريفراندومچيان بويه! تاكو بسهرهشكى ريفراندوم كرى و گوهداريا كهسهكى نهكرى…!
ئهز ل ڤێره دێ بهرسڤێ ل گورهيى ديتن و هزرێن خوه دهم، دزانم ژى بنهزانينا خوه دبيتن بهرسڤهكا واتادار، وهكى كورد دبێژن، بهرڤسهكا گوروروڤر نهدهم! لێ وهكى هاولاتيهك و وهكى چالاكڤانهكێ سياسى، بمن وهره دێ كارهكى كهم و وژدانا خوه ژى ئارام كهم! ههم ژى دبه بهرسڤا من دا، هيچ نهبيتن مفايهك تێدا ههبيتن، نهخاسم بو يێن دخوينن و گوهداريێ دكهن!
ريفراندوم وهكى مافهكێ نهتهوهيى
ل گورهى مهرج و ياسايێن ناڤدهولهتى كوردا و خهلكێ كوردستانێ مافێ ريفراندومێ بو دهولهتداريێ ههيه، چونكى گهلێ كورد و ملل بمللێ گهل و نهتهوه و دين و مهزههب و هزرێن ههيى، ل كوردستان و ل روژههلاتا ناڤين، ئهم خودان ئاخين، ئاخا مه ئاخا باب و كالێ مه يه، ئهم نه كوچهر و نهژى نيشينگههين، (ههرچهنده ل گورهى ياسا ناڤدهولهتى ئهم بنيشينگهه دهێين ههژمار كرن)، بهلكى ئهم خودانێن ئاخێينه و ئهڤ ئاخه مللك و مالێ مهيه، ديسان ئهم خودان دێروك و خودان نهتهوه و خودان دين و مهزههب و خودان هزرو رامانێن خوه يێن تايبهتينه، ئهم خودان ئابورهكا مهزنينين، چونكى سهرئهرد و بن ئهردێ مه، خهزينهيهكا مهزنا زێروزينهتێ يه، بسروشت و بههبونا خوهيا كهدوارى، گهلێ مه ژى گهلهكێ هوشيار و ل سهرپيايه و بو ژيان و بو پێكڤهژيانێ يێ حازرو ئامادهيه، كهواته ريفراندوم بومه مافهكێ رهوايه وياباش بو هاتيه كرن، راسته ريفراندوم گهلهك شێوهيه و بو گهلهك مهرهمان دهێتن كرن، لێ ريفراندومه يا دهولهتێ و بو دهولهتداريێ بويه…كهواته دهست خوش ريفراندومخازێن بهركهڤتى، ههوه كارهكێ باش كر، لێ ئهوا راستى و لوجيكى ههوه كارهكێ ناماقويل و نامهنتقى و نهبهر ئهقل كر، ههوه مللهت و ئاخا كوردستێ جارهكا دى ئهنفال كرن و ئهڤ دهربهرى و كارهساته هوين ژێ بهرپرسيارن، چونكى ههوه بسهرێ خويێ هشك كر و گوهداريا كهسهكى ههوه نهكر! هوين گونههبارن و دڤێتن هوين بگههن سزايێ خوهيى دادڤانى و وژدانى!!
ئهرێ ريفرندومكاران، بو چى ريفراندوم كر..!!
ل گورهى ئهو هزروبيرێن من ههيى و ئهو خاندنا من بو ريفراندومێ ههى، ئهز هوسان هزردكهم، بونا ڤێ ريفراندوم هاتيهكرن:
١. دهولهتا كوردى خهونهكا دێروكى و مالباتيه ل دهڤ ريفراندومكاران، ئهڤێ خهونێ بدهست كهسێ ديڤهبهرنادهن و ل دهليڤهيهكى دگهرن دهولهتا كوردى دروست بكهن و ئهو ببن خودانێ دهولهتێ و ڤى ناڤێ دێروكى بسپونسهريا خو تومار و تاپو و مهزبهته بكهن، راسته ژى ئهڤه خهونهكا دێروكيا كوردى يه، بهلكى مافهكه و خهونهكا ههمى گهلێ كورد و كوردستانيه و چاره و چارهنوسێ، ههمى خهلكى ژى پێڤهيه و دڤێتن ههميان ههم ماف تێدا ههبيتن و ههم ژى خهبات و كار بو كربيتن…ئهوا دى شهخصهنهكرن و بنهمالكى كرن و نهژى يارهوايه و نهژى يا لوجيكى و ئهقلداريه، بڤى رهنگێ بويى…. دهولهت پرس و ئهگهرن و دڤێتن ئهڤ پرسه بهێنه ئاماده كرن و ئهڤ ئهگهر ژى بهێنه حازر و ئاماده كرن، دهرڤهيى وێ شاشيه و نهيا دروست و رهوايه، بتنێ خونيشادانهك و ياريهكا دورايه دگهل مللهتى دهێتن كرن، پههلهوانيا بڤى رهنگى ژى پههلهوانهكێ نهمێر و نهجامێره و بتنێ بهرخوردێ وى شكهستن و نههامهتينه ل سهر گهل و ل سهر وهلاتى، وهكى دێروكا مه ژى شاهده ل سهر شكهستن و دهردوبهلايێن ڤانان ئيناندينه سهرێ مه…براستى ژى تشتێ ههرى سهير و نامهنتيقى ئهوه سهروهرێن مه، سهركێشێن مه، خوژمه حسێب ناكهن، ئهو لئهسمانى و ئهم ژى ل سهرئهردى..! ئهرێ بابو پاچاوان ئهون رێبهرێن مه، ئهون خودانێن مه…براستى سهيره و جهێ تێرامان و ل سهر راوهستيانهك مهزنه…ئهرێ گهلا خهون و خهيالێن ڤان تهيرێن ئهبابيل دێ چاوان بجههێن! چاوان دێ دهولهتێ بومه دروست كهن و خهون و خهيالێن خو ل سهر مه جهربهكهن! ئهم يێن بوينه حهقل تهجاربێن ڤان سهركرده يێن نهسهركرد.
٢. ريفراندوما ئهردوگانێ لهعين و نهيار! زور مهرهم و مهقصهدێن بوگهن و دوژمنكارانه ل پشت بون، ئهڤه دهليڤهيهك بو، بو ڤى گناوهرى دا پێ د وربێ خوه بوهشينيتن سهر مللهتێ! كهرب و كينهكا مهزن و ژ مه ههيه و ئهوى ڤيا ڤێ دهليڤێ بخو بكهتن رێك و ئهوا وى هزر ژێ دكر يا ژ دهستان دهركهڤتى، وى خاستيه جارهكا دى بزڤرينيتن…يانى دوربهكێ سێ قولى ل كوردان بدهتن، باكور، باشور، روژئاڤيێ كوردستانێ بئێك دوربهيه بشكێنيتن و نههێليتن سهد سالێن دى كورد هزرا دهولهتێ بكهنه دسهرێ خوهدا…ئهڤه ژى مهرهمهكا دى بويه دوژمنێ مه، خاپاندن كريه و ژێر بهژێر بهرپرسێن مه رازيكرنه ريفراندومێ بكهن.
٣. وهرگرتنا هندهك ههل و مهرجان بو، وهكى كورد دبێژن ڤيا بو دوو كهوا بفيشهكهكێ بكوژن…يان ئهوا دبێژنێ دهولهتا (كورد- سونى عهرهبى) دروست بكهن و دهولهتا خو ل گورهى حهزاخو دروست بكهن! سهركومار كورد بيتن يانى دهولهتهك بسپونهسهريا ئهردوگانى و ناڤ بو كوردا، ئهرناڤ بو دهولهتا سونێن عهرهبى، بها و سولتانى ژى بو ئهردوگانى، واته دروست كرنا ميرگهههكا كورد و لبن سيها سولتانێ ئهنقهرێ(يانى كورد سێ سهدسالان بو پاشڤه)..مهرما دووێ دگهل بهغدا خوش ببن، جارهكا دى بهغدا شهرت و مهرجێن وان يێن شهخصى بجهبكهتن و بچنهڤه سهر دههودويا خو…پوستێن بهغدا بو خالا..يێن كوردستانێ ژى بو پسمام و بنهمالا…كهسهك ژى نهلدوير و نهژى لنێزيك بهحسا چاكسازى و پاكسازيان نهكهتن…سهرێ ديوانێ ژى ڤهبر بو ميرى بيتن…!!
٤. خالا دى يا گرن و ستراتيژيك ئهوه، پروسهك هاته مهشاندن، ياريك هاته كرن،ئهگهر سهر گرتبايه، ئهڤه ميرى دهولهت دروست كر و سهدسالێن ميراتيێ خومالى دكرن! ئهگهر ژى سهرنهگرت( براستى ژى سهر نهگرت)، راسته گوت مللێ من لێدهن…لێ كى دكاريتن لوى مللى بدهتن…ئهڤه مللهت خوسارهت و دوو رهكعهتان شهرمهزاربوو! مللهت ژى بوى رهنگى هاتيه پهروهرده و فێر كرن، دبيتن شكهستنا وهصافاوان بكهين و بێژينێ سهركهڤتن ! بهروڤاژى ههردروسته و هوسانێ هاتينه راهاتن..!
ئهو كوما شيرهتكارێن ئێكسپايهر و كرێ گرتيێن خانهنشيێن ناڤدهولهتى ژى، بو ڤێ چهواشهكاريێ و بو ڤێ زولماتهيێ هاتبونه ئامادهكرن! وان جانتێن خوه يێن تژى دولار برن…ريفراندومكار ژى شههمهزار، لێ زيان و خهسارهتى و كارهسات بو مللهتى مان.
خهلكێ شهرهفمهندێ كوردستانێ، گهلێ بهرخوهدهر و رهنجكێش و زهحمهت ديتيان، گهلى ئازاديخاز و وهلات و نهتهوه و مروڤ پهروهران…باش تهماشا بكهن، بزانن چ بسهرێ مللهتى هات و ريفراندومخازا چ زوى و ببێ شهرمى، سهرێن خوه شوركرن و چونه بهغدا، ببين ژى شهرێ وان ل سهر پلهوپوساتن، ل سهر دزين و پوست كرينێ، ئهڤه سالهك ژى دهرباز بوو، نهحكومهتا بهغداد و نهژى يا حكومهتا ههرێمێ بدروستاهى نهكهڤتينه كارى و برێڤه و نيڤ نيڤهنه…شوينا ئاخێ ڤهگهرينن، شوينا حهيفا ئهنفال و شههيد و بهرزهبويان…زيانڤێكهڤتيان…شهرێ وان پلهو پوستن، چاڤێ وان ژى ل دولار و ديناريه….ئهرێ كهنگى دهولهت هوسان دێ دروست بيتن…باشه ئهڤ ههمى سالێن خهباتێ، ئهڤ ههمى شههيد و زيانێن مهزن…ئهنجام و بهرئهنجام بونه پله و پوست و بلوكێن دولار و دينارن…ههى دهولهتدارى تو چهندا رهزيل و بێ بوهايى ل ڤى جهى و ل سهر ڤى دهست و دارى..!
زهره و زيانێن ريفراندومێ…!!ا
بكارئيناندنا مافان وهكى خهنجهرهكا دوو سهره! ئهگهر بدروستاهى و بئهدائهكا باش هاتنه بكارئيناندن! ئهڤه خێره و هاتنه وهرگرتن! ئهگهر بشاشى ژى هاتنه بكارئيناندن! ئهڤه وێ خهنجهرێ ئهرمانج ديسان بشاشى داوهشاند و زهره و زيان هاتنه دوو هنده كرن!
ريفراندوما مهژى خهلهت هاته بكارئيناندن، نهمهرج نه هاتن ئامادهكرن، نهژى دهمێ گونجايى هاته بكارئيناندن، بويه زيان دوهندهى بهايێ مافان ل سهر مه گران و قهتلازى راوهستان…!
مهزنترين و گرانترين دورب بمهكهڤتن….ئاخا كوردستانێ(50+1)هاته ژدهستدانێ، بسهدان و بگره بههزاران پێشمهرگه، شهرڤان هاتن كوشتن، دوو هندى وان هاتنه بريندار و پهككهڤتى بوون، بسهدان هزار خهلك ئاواره و دهربهدهر بوو، بێ ملك و بێ حال و مال رهڤين، ههزارهها رهنگ و جورێن كارهسات و مالوێرانيان بسهردا هاتن، ئێك ژ مهسترين و زهنگينترين پارێزگهه( كهركوك – بسهروهت و سامانێ خويێ سروشتى و مروڤى) هاته ژ دهست دانێ، زێدهيى(40) چل يهكهيێن ئيدارى هاتنه هندا كرن، ناڤ و دهنگێ كوردان شكهست و بهايێن مه سوك و كێم بون، ههم لناڤخويى و ههم ژى ل جيهانا دهرڤه، پێشمهرگه، شهرڤان بێ وره و بێ قيمهت كهڤت…ژبلى ههزارهها دهردوژانێن دهرونى، هزرى، كهساتى…!! لهومانێ ئهڤ ريفراندومه بو كارهسات، ئهنفالهكا دى بو هاتيه سهرێ كوردا، ژ بونا ڤێ ئهم دكارين رهحهت ببێژين ريفراندوم دورانهكا دى بويه بو گهل و بو وهلات و بو مروڤێ كورد و كوردستنى…دڤێ دوراندنێ دا، ههم هوز چوو، ههم ژى ئاخ و دوز چوون…!!
