!ئاگه‌هداريه‌كا بله‌ز
بو/ سه‌روكايه‌تى يا هه‌ڤپه‌يمانيا ناڤده‌وله‌تى/ كونسه‌يا سه‌روكاتييا په‌رله‌مانه‌رێ ئه‌وروپا/ سه‌ركومارێ عێراقا فدرال/ سه‌روك وه‌زيرێ عێراق فدرال/سه‌روكێ په‌رله‌مانێ عێراقا فدرال/ هه‌مى هێزێن عێراقى و كوردستانى/ كومه‌له و رێكخراوێن مافێ مروڤ و مه‌ده‌نى ل عێراق و كوردستانێ/ هه‌مى راگه‌هاندن و دبلوماتكارێن ئازاد و خه‌مخورێن دوزا مروڤايه‌تى….
بو/ سه‌روكێ ئه‌مريكا/ سه‌روكێ فره‌نسا/ سه‌روكێ به‌ريتانيا/سه‌روكايه‌تيا ئه‌لمانيا/ هه‌مى سه‌ركردێن ئه‌وروپى و ئه‌مريكى/ هه‌مى وه‌زاره‌تێن ده‌رڤه/ كوم جڤينێن حكومى و ناحكومى/ مافى مروڤى ناڤده‌وله‌تى/ راگه‌هاندنا بێ سنور/ دبلوماتكار و كه‌سايه‌تێن ئازاد و مروڤ دوست…..
ئاگه‌هداريه‌كا بله‌ز:
هون هه‌مى دزانن ئه‌ڤه ده‌مه‌كێ درێژه وه‌لاتێ مه و خه‌لكێ مه لبن داگيركرنه‌كا نه‌ره‌وا، زولم و زورداريێ جه‌نده‌كێن مه‌خارن، هه‌ژاريێ ئه‌م كوله‌وار كرين، ده‌ربه‌ده‌رى و لێدان و گرتن و ئه‌شكه‌نجه‌دان يا بويه كاره‌كێ به‌رده‌وام، دژى خه‌لكێ سڤيل و ئازاديخواز، هێشتا برينێن كيميابان و ئه‌فال و هه‌له‌بچه تيمار نه‌بوين، ره‌ڤا مليونى، كوشت و كوشتارێن به‌رده‌وام ل وه‌لاتێ، بوينه مێهڤانێن هه‌رهه‌رى و به‌روكا مه به‌ر‌ناده‌ن، هێشتا كوشت و كوشتارێن داعش و رێكخستنێن ئه‌ردوگانێ، پان تورانى(رژێما توركيا) تيمار نه‌بوين، جاره‌كا دى فروكێن توركيا، تيمێن وان يێن تايبه‌تى و سه‌ركوتكارى، وه‌لاتێ مه كريه هێلينا خو، كوشتن، گرتن، لێدان، ده‌ربه‌ده‌رى، چول كرنا گوند و وارێن مه، به‌رده‌وامه و بئاوايه‌كێ نامروڤانه و بتێرمه‌كێ بێ وژدانى…نها زێده‌ى(450)چارسه‌د و پێنجى گوندێن مه‌يێن، سه‌رسنورى، دئه‌گه‌رێ لێدان و داگير كاريا له‌شكه‌رێ توركيا دا، هاتينه چول كرن و وێران كرن، روژانه دهێنه بومباران كرن و ژينگه‌ها ده‌ڤه‌رێ، دهێتن خراب كرن و وێران كرن، ژيان ل خه‌لكێ مه كريه كوله‌وارى و ده‌رده‌سه‌رى، بزانن بتنێ قه‌زا ئامێديێ(شێلادزێ، دێره‌لوك، سيريێ، سه‌رسنك، قه‌دش، ئه‌رده‌دنا… زێده‌ى ( 29) بيست مروڤێن مه، هاتينه كوشتن، دڤێ ئه‌گه‌رێ دا، چه‌ندين جارى وان، هاتينه بريندار كرن و په‌ككه‌ڤتي بوينه…ژيان خه‌ريكه كه‌ڤتيه ده‌رده‌سه‌رێ و بن هه‌لامه‌تێ ترسه‌كا زورا مه‌زن….نوهاژى نێزيك(30)سيه گه‌نجێن مه‌يێن ئازاديخواز و مروڤ په‌روه‌ر هاتينه گرتن، هنده‌ك هاتينه به‌ردانێ، لێ به‌هرا هه‌رى زور ماينه دزيندانان دا، وه‌ك پێزانين رادگه‌هينن، زێده‌ى(80)هه‌شتێ كه‌سێ دى خه‌ريكێ لێگه‌ريانانه و دێ هێنه‌گرتن، دئه‌گه‌رێ بويه‌را شێلادزێ دا، ل ده‌مه‌كى بويه‌را شێلادزێ، به‌رئه‌نجامێ وێ زولم و زورداريا له‌شكه‌رێ توركيا بويه، ل سه‌ر خه‌لكێ ده‌ڤه‌رێ، ئه‌م ل ده‌مه‌كى، بهه‌مى ده‌نگێ خو، گازى دكه‌بن و دبێژين هاتنا له‌شكه‌رێ توركيا بوباشورێ كوردستانێ، كرياره‌كا نه‌ياسايى و نه‌مروڤايه‌تيه و به‌روڤاژييه دگه‌ل هه‌مى رێسا و ياسايێن ناڤده‌وله‌تى، ژبلى وێ، ئه‌ڤ له‌شكه‌ره بو داگير كاريێ و بونا چ نه‌كرنا گه‌لێ مه‌يى باشور(عێرقى) هاتيه و بتنێ به‌رنامه‌ييه‌كێ نه‌مروڤايه‌تى و كوير كرنا كێشه‌يا تيرورێ پياده‌دكه‌ن… ل ده‌مه‌كى ئه‌م بێزار بوينه ژ ڤى له‌شكه‌رى و كريارێن نه‌مروڤاتيێن ئه‌ردوگانى و ده‌وله‌تا توركيا، گازيێ دكه‌ن، بو هه‌مى وژدانێن ساخ، ژ هه‌مى مروڤايه‌تيێ، ژهه‌مى ياساپه‌روه‌رى و مروڤايه‌تيا به‌رز و برومه‌ت، دبێژين و هيڤى دكه‌ين، مايتێكرنێن توركيا بهێنه بنه‌بر كرن و ژ وه‌لاتێ مه بهێنه ده‌ركرن، ئه‌ڤێ رژێمێ و ڤێ ده‌وله‌تێ، دوژمنكاريه‌كا كوير و درێژ و تژى زولم و زوردارى، ل سه‌ر گه‌ل و وه‌لاتێ مه، مه‌شانديه و به‌رده‌وامه…ئێدى ده‌مێ وێيه سنوره‌ك بو تيرور و مايتێكرنێن ده‌وله‌تا توركيا بهێتن داناندن، ئه‌ڤ ده‌وله‌ته و ئه‌ڤ رژێمه، رژێمه‌ك تورانى و ره‌گه‌زپه‌رست و كه‌ڤنه شوپييه، هه‌رديسان ژى سه‌رچاوه و بنه‌مايكێ تيرور و فكرنا توندرويا ئيسلاما بێ سه‌لامه‌تيه ل هه‌مى دونيا، ئه‌ڤ تيرورا دونيايێ، هجره‌ت و نه‌هامه‌تيێن هه‌يى، ب سه‌روكانيا وان، رێڤه‌برنا وان، نه‌خشه و پلانێن وان لناڤا توركيا دهێنه دانان و په‌ياده‌كرن، بدرێژاهيا سالايه ده‌وله‌تا توركيا گه‌ل و ملله‌تێن توركيا، فكر و رامانێن پێكڤه‌ژيانێ ل ڤى وه‌لاتى و ته‌ماما دونيايێ چونه‌دكه‌ن و بێ رامان دكه‌ن و نڤشان دبشێڤن و دحه‌لينن، زولم و زورداريا وان خه‌ريكه بگه‌ز و بمه‌قه‌س، ناخ و ئومێدێن خه‌لكى بسوژينيتن و بحه‌لينيتن، ئێدى مانا وان و پاده‌كرنا خاسته‌كێن وانان، شه‌رم و فهێتيه‌كا مه‌زنه، بو هه‌مى دونيايێ، بو هه‌مى مروڤايه‌تيێ…هه‌رديسانێ ئه‌وا دبێژنێ ده‌ستهه‌لات و ئيداره‌يا كوردى لباشورێ كوردستانێ(عێراقێ)، ديسان كوپيه‌ك و پياده‌كرنه‌كا رژێمێن ئێك ل دويڤ ئێكێن عێراقێ و ده‌وله‌ته‌تێن شوڤێنيێن هه‌رێمينه، ب ئه‌قل و رامانێن داگيركارى، بئاوا و خه‌تێن گه‌نده‌لى و تالانكارى، برێك و رێبارێ بنه‌مالى و عه‌شائيرگه‌رى و شه‌خصه‌نه‌كرنه‌كابێ وژدان….!!
تژى نه‌زانين و ده‌مار گێرى، كوپيا ده‌وله‌تداريا داگيركاريا كه‌ڤنه شوپى په‌ياده و برێڤه دبنه‌ن، هه‌مى ئه‌وا دبێنى ديميكوراتى و مافێ مروڤ و مه‌ده‌نيه‌ت و ياسا و دادپه‌روه‌رى، ياريه‌كا بێ رامان و داكه‌ڤتيه و هيچ ئه‌صل و ئه‌ساس بونينه…(28)بيست و هه‌شت سال حوكمێ بنه‌مالى و ئێك توخميا ده‌ستهه‌لاتا تاپوكاريا داكه‌ڤتى و نه‌تێگه‌هشتى، دزين و تالانكارى، گه‌نده‌لى و بسه‌رداگرتن، كوشتنا ئازادى و هزروبيرێن برامان و لائيق، هجره‌تا گه‌نج و ئه‌قلداريێ…ئێدى وه‌لات و دوز پاشدا دچن و ئوسمانيه‌ت جهدگريتن…له‌ومانێ ئه‌م هه‌وه ئاگه‌دار دكه‌ين، هايداريێ دده‌ينه هه‌مى مروڤ دوست و ده‌وله‌تدار و حوكم زانا … مايتێكرنه‌كا بله‌ز دوه‌لاتێ مه‌دا بهێتن كرن، ئه‌ڤ ژيانا تژى سه‌قه‌ت و ده‌ردوبه‌لا، ئه‌ڤ گرتن و زولمداريه، ل وه‌لاتێ مه بدوماهيك بێتن، گه‌نج و خه‌لكێ مه‌يێ گرتى و لبن زولمێ سه‌ربه‌ست بهێن ئازاد كرن، ده‌مێ وێ يه‌كێيه، ئه‌م ئازادبين، بئازادى كار و سه‌نعه‌تێ خوبكه‌ين، ئيداره‌يه‌كا مه‌ردانه و ئازادانه بكه‌ين، خزمه‌تا گه‌ل و وه‌لاتێ خو بكين، مه به‌سه ژد اگير كارى و بسه‌رداگراتن و زولما هه‌يى، وه‌لاتێ مه وه‌لاتێ خێر و به‌ره‌كه‌تێيه، تژيه ژ سه‌روسامان و زێر و زينه‌تى…ئه‌رێ بوچى مه قه‌يران هه‌بن، ئه‌م موچه‌بر بين، ئه‌م برسى و كوله‌وار بين، ئه‌م ده‌ربه‌ده‌ر و هه‌ژار بين، وه‌لاتێ مه دايكا شارستانيه‌ت و بنگه‌هێ ژيان و پێكڤه ژيانا ژين و رامانايه…بتنێ ئه‌م پێتڤى ئازاديێينه، ئه‌م پێتڤى ديموكراسى و دادپه‌رێينه، ئه‌م پێتڤى ده‌ست و داره‌كێ ئه‌مينين بو خوبرێڤه‌برنێ…وه‌لات سه‌رچاوه‌يێ ژيانێيه و ئه‌م دخازين ڤى سه‌رچاوه‌يى بپارێزين و بخێروخێرتا وى بژين، بكه‌دا ده‌ستێ خو دوه‌لاتێ خودا بژين…ئه‌ڤه نه گونه‌هه و نه‌ژى خه‌له‌تيه و بتنێ ئه‌مان و مروڤايه‌تيا جيهانێ دخازين و مه‌ره‌ما مه‌يه…بژيت ئازادى ل وه‌لاتێ مه.
سوپاس بو هاريكارى و بهه‌وارهاتنا مروڤايه‌تى….
كومه‌كا خه‌لكێ ل بن هه‌ره‌شا گرتنێ لباژێرێ دهوك
31/1/2019/دهوك
ليستا ناڤێن گرتيان:
حاجى رێكانى/ ئازاد بويه.
- ئه‌يهان سعيد/ ئازاد بويه
- كاوار حسن/ ئازاد بويه.
- شێروان شێروانى/ مانگرتيه ژخارنێ و ژيانا وى دمه‌ترسيێ دايه.
- دواكار زێبارى/ = = = =
- دلوڤان زێبارى / = = = =
- شعبان به‌روارى/ گرتيه و چ ژێ نوزانينن.
- مه‌لا ئه‌مين رێكانى/ مانگرتيه و چاره‌نوسێ وى دخه‌ته‌رێ دايه.
- ڤه‌هێل عبدالله/ چاره‌نوسێ وى ديار نينه.
- نێچيرڤان به‌روارى/ = = =
- كاروان صادق/ هاتيه ئازاد كرن
- تاگور زه‌ره‌ده‌شتى/ مانگ گرتيه و چاره‌نوسێ وى دخه‌ته‌رێ دايه.
- رێكان ره‌شيد رێكانى/ چاره‌نوسێ وى نوزانينن.
- چيا بێليزانى/ هاتيه ئازاد كرن.
- ئه‌ياز كه‌رم به‌رچى/ چاره‌نوسێ وى نوزانين.
- خالد جعفر رێكانى/ = = =
- دلشاد گوهه‌رزى/ = = =
- محمد موشير / = = =
- زێره‌ڤان ئالدين ادم / = = =
- وه‌ليد عه‌بدول / = = =
- عيماد حه‌مه ئه‌مين / چاره‌نوسێ وى نوزانين.
- عبدالرحمن شكرى عبدالرحمن/ هاتيه ئازاد كرن.
- گوهدار زێبارى / = = =
- سه‌يدا (به‌ده‌ل )ئورمانى به‌روار/ چاره‌نوسێ وى دخه‌ته‌رێ دايه.
- روژنامه‌نوسێ كه‌نالێ بادينان ساد(بلبل)/ئازاد بويه.
- گرتن و راودونان يا به‌رده‌وامه……
